唯一麵家

营业中

休息中

又到每星期出去覓食嘅日子，今日同老公，加埋我妹一齊去葵涌廣場行街，順便覓食，呢間唯一由我好細個時已經係度啦。有時想食上海菜但又想食平d嘅時候就可以黎食啦。先講我叫嘅回鍋肉菜飯套餐：回鍋肉十分惹味，肉都有好多，唔會出現多菜少少肉嘅情況，辣味剛好，唔會太辣。入面有2條豆腐乾。菜飯：反而比較一般，食得出係先煮白飯後放小唐菜落去撈埋。我比較喜歡放先炒過嘅小唐菜再加雞湯煮嘅菜飯，但我都明咁樣係需要好多步驟同時間，平食嘅話係唔應該太高要求。但個飯勝在夠大大碗，男士食都夠哂飽！吉烈豬扒：炸得夠脆口，味道都十分好。但就肉比較少。因為佢係揼到好平，所以比較少肉。天津牛肉：開頭望落去以為黎左碟吉野家牛肉飯，但真係好味，好香濃嘅醬油味，牛肉又唔會穌，但就碎左少少。酸辣湯係跟餐嘅，真係超好味！夠哂辣，酸味適中，亦都夠足料，有豆腐 荀 豬紅 肉！實在太正了！蔥油餅：呢個就反而麻麻啦，蔥唔夠多，又十分厚粉，仲唔夠熱Tim.咁多樣野都只係171蚊，實在係太抵啦！不過唯一唔好係舖頭細細，所以座位比較窄，撘檯就一定要架啦，不過咁平食到好野又有咩所謂呢？