炯記手撕雞 (汝州街) (已結業)

放工同同事食撈麵醫肚，最後揀左呢間有得加蝦籽既鵝油撈粗，完全俾佢個燒鵝髀佂服左燒鵝髀撈粗 $108會問過客人鵝髀斬唔斬件，滿足到要成隻髀拎住食既客人👍🏻肉好嫩唔痴牙，本身師傅整既汁都有少甜，唔落酸梅醬都好食！燒腩仔撈粗 加蝦籽 $58呢間既粗麵充滿麵香味唔會重鹼水味👍🏻加上蝦籽$8更滋味。燒腩仔肥瘦均勻皮夠脆。醬皇豬手 $23大大件充滿骨膠原既豬手，色澤夠又唔會一味得個咸字，炆得好淋好入味，絕對值得一試！跟餐送中湯，加$5蚊有凍飲，杯鴛鴦好有水準，4字總括：會再幫襯。

今次又黎到深水埗行街食晚飯經過見到喱間餐廳主打手撕雞同埋燒味又咁岩有位一於試下😎睇Menu有二人/四人套餐散叫撈粗又有唔少配搭，小食都有好多選擇最特別係有手撕雞腸粉🤔不過我地2個人想試多啲野食就叫左個二人套餐🥸果然真係好飽足🤣炯記二人套餐有：👉🏻鹽焗刀削雞👉🏻醬皇豬手👉🏻麻辣雞腎👉🏻酸辣雲耳👉🏻效外油菜👉🏻太子鵝油撈粗👉🏻例湯👉🏻冷熱飲品/特飲2杯🥢太子鵝油撈粗撈粗係蝦子粗麵平時食嘅蝦子麵係愈食愈「鞋」咁但喱款可能加左鵝油就冇🤔啲麵質都彈牙 又唔會太油膩🥢鹽焗刀削雞雞肉都幾鮮嫩 鹽焗左嘅雞肉上面加左啲芝麻味道岩岩好唔好鹹送飯一流！🥢醬皇豬手雖則話2人餐😂但豬手有6隻咁多豬手份量都話哂炆左幾個鐘啲醬汁入哂味 好腍滑🥢麻辣雞腎 及 酸辣雲耳鍾意食辣嘅可以試下唔會話太辣亦都開胃配埋油菜、例湯同特飲好快就上哂咁多野食～一個字：真係好飽！唔係講笑 2人餐份量可以4個人食都岩岩夠仲要$188包咁多野好超值！

今日出開深水埗行街，經過見到呢間食店話有好多年歷史，食物嘅味道係由1976年一直傳承下來既然講到噤即刻入去試吓係唔係噤勁噤好味先見到食店都坐滿人，都要等一陣先可以入座，坐定定就睇吓有乜特別有乜好食值得叫先睇餐牌都幾吸引有好多想試，後來經侍應推介左幾樣必試既試吓手撕雞拼豬手撈粗：手撕雞啖啖肉，好香鹽焗味和芝麻香味食完雞食埋d青瓜絲，可以中和返個鹹味醬皇豬手，豬手好有肉入晒味，醬汁好好味而且豬手好腍粗麵，用鵝油和秘製醬油撈麵好香好滑，粗麵爽囗彈牙而且入囗冇鹼水味燒鵝雙拼（例）：燒鵝皮薄香脆，肉質新鮮嫩滑，入囗唔粉唔知係唔係用茘枝柴煙燻燒鵝關係，燒鵝特別美味叉燒，切得大細剛剛好，一啖一舊，半肥瘦有咬囗，香甜美味好juicy呢間食物質數係中上，而且侍應嘅服務態度幾好