心夜來潮 (已易手) 新餐厅

突然想食潮州野，近近地帶屋企人黎三陂坊，因為個度出名多潮州野。行到最尾發現新店，所以就揀呢間食。由於時間尚早，不用等位直接入座，裝潢帶有中國風格, 有木製枱櫈, 還貼心地提供紙巾.而且樓底較高, 吊燈也帶有中式味道. 應該沒有揀錯店食店。餐具乾淨夠新, 也印上店名.我地研究左一陣餐牌，發現食物好多款，份量不算多，但價錢平，所以我地叫左9樣野，加個粥。先來大支裝啤酒 (藍妹) $30，夠哂凍，最特式用細碗仔黎飲，有氣勢又特別。醬醃螄蚶 $36醃得岩岩好，鹹淡適中，螄蚶鮮味嫩滑，不過係細細隻肉少的款。醬醃蠔仔 $28，呢個用中size蠔，蠔肉大細適中，不過醃得過鹹，入口不雖不算好鮮，但蠔味濃，肉質嫩滑爽口。家常牙籤雞 $26好的骰，雞肉用牙籤吉住，一口一件食得方便。炸皮好特別，有一粒粒似米通既野，令個皮更脆口。雞肉唔乾炸得香口，蘸上甜辣醬更惹味。小米餃 $22，好似粉果但其實係汕尾的小食之一。外皮有如粉果皮，有煙韌有咬口，包著肉餡有肉感又彈性，肉餡原來用新鮮豬肉加大地魚粉和醬油，難怪肉餡味鮮肉濃帶點汁，蘸蠔油同辣油更好，好好味既小食，最快被我地食哂。紅燒醬香骨 $36，醬油味好濃，煮得夠入

荃灣三坡坊出名潮州菜，開到盛行盛市。最近從朋友口中了解到街尾新開咗一間低調小店 - 心夜來潮。後來才知道，呢間係繼旺角之後嘅第2間分店。今天同朋友喺荃灣辦好事，便過來拜訪一下。呢間小店不像其他潮州打冷飯店，開到坐滿整條街。佢嘅格調不需要這樣做，入面係舊式屋灰磚牆，加上木頭做枱及長板櫈，近收銀處有圓形個茶具櫃。燈花柔和，用中國式方形燈罩下照明，整個店低調又脫俗。餐具通通用上招牌圖案，桃花樹下有荷花，好美。筷子更顯心思，挑滿了象形文字嘅暗花。餐牌就好像一本中醫書充滿各式各樣嘅書法，用金屬皮質做表皮，裡面盡是彩色菜式圖及詳盡菜式解說及由來。令人更加投入潮汕飲食文化當中。餐牌中款款麵非常吸引，兩個人叫了9個菜，十分誇張⊙_⊙ ! 每樣都試一下，希望一下子感受廣東名菜之一 - 潮州菜嘅威力。先來打頭陣嘅係原隻醬醃膏蟹 $88 呢個膏蟹簡直令我感到驚喜！猶如韓國嘅醬蟹，用了醬油生醃製成，是一個刺身。啖啖的蟹膏蟹肉異常鮮味，偏咸的醃料令人有吃上癮之嫌！膏同蟹肉都香軟無比，仍然呈透明狀！師傳幫忙先卜碎蟹殼方便食用，可盡心思。 醬醃三寶飯 $58 呢個3寶飯是潮州菜的另一精寶。由於缺少了蠔仔，師傅今

今晚去咗荃灣三岥坊捃食，原來心夜來潮在荃灣開咗分店。店舖面積比旺角店大，牆身和旺角店一樣，但樓底高好多，闊很多。餐牌也轉了，食物款式比以前多咗，唔知係兩間店不同或是一樣呢?!菜茶 ~ 吃打冷吃得多, 好少會見到有菜茶。喜歡吃菜茶因為內裡有大量蔬菜，還有少量蝦米魷魚花生和脆米，有咁多菜在內感覺很健康!潮汕出名既手打牛肉丸，點都要嚐一嚐，比一般既彈牙 !白果胡椒豬肚湯~ 白果和豬肚量很足，味道不錯，我個人就喜歡多些黑胡椒，可以再辣些 !6點開始營業，未夠7點眼見已經座無虛席了小米餃 ~ 很喜歡，這個小米餃內裡雖然只是小點點肉，但重點在餃皮，帶點厚度吃落煙韌有點彈牙，推介 ! 豬油渣炒菜心- 豬油渣小時候嫲嫲和媽媽也好喜歡弄的，依在已好少地方可以吃到了.... 可以回味一下 !  起初以為豬油渣炒會好油膩，但出來的完全不油膩 捻麵猴 ~ 好多料，撈埋一齊食不錯 !醬鹵鴨 ~ 本來想吃醬鹵鵝，但是日沒有；最後試了鴨，比平時一般鹵水鵝濃味，喜歡重口味的不要錯過 !牛雜鍋內白蘿蔔勁多，相對牛雜量唔係咁多咋。牛腩/牛肚/牛筋也很入味，不過相比旺角店好像淡咗些少今次食咗咁多款野食 !

三坡坊都幾多大排檔，行行吓見到呢間潮州嘢，比其他店舖乾淨，就決定今晚喺度解決。入到去同出邊嘅店舖係另一個世界，店內比一般大排檔整潔，木枱令人感覺帶點懷舊，又好有中國feel，食具亦有此店的名稱，另有一個茶坊比客人品茶。Menu製作精美，店內特色嘅菜都會有詳細嘅介紹，所以我哋都係揀啲推介既菜黎食。正宗汕頭手打牛肉丸 $36牛肉丸圓look look，咬落感覺好實在而且彈牙，因為牛肉丸好結實足料，而且入邊會有牛肉汁滲出，唔同出邊空心嘅牛肉丸，手打果然唔同啲。小米餃$22小米餃的皮煙煙韌韌，好似粉果皮，細細粒，成粒放入口就最啱，入面嘅豬肉餡甜甜地，要趁熱食。醬鹵鴨 $68滷水醬汁嘅味道唔算好濃，但唔會好咸，就咁食唔使送飯已經OK，鹵鴨肉質嫩滑夠腍，脂肪比例較少，不過骨嘅份量較多。醬醃膏蟹 $88起揀咗細隻，膏蟹真係好多膏，蟹肉食落口好似食緊啫喱咁，而且已經預先剝晒殼，食落都幾方便，不過味道比較鹹，適宜配白飯一齊食。潮汕砂鍋粥 $160起食潮州菜梗係要食返碗潮州粥，呢個砂鍋粥其實係自己配搭材料，最少消費$160，我就揀咗響螺片、元貝同埋蠔仔。一上枱仲係滾下滾下，自己再落芫茜調味，入邊都算幾多海

今晚無煮飯，約左老公係荃灣等，周圍行睇下有咩岩食，咁岩要去楊屋道街市嗰邊交收SET奶樽，行下行下就行左去三陂坊附近，見到好多大排檔，零零舍舍有間係埋面，心夜來潮???發現係食潮州野架喎!我有左咁耐都無食過呀!唔理三七二十一，我都要食!入到去我覺得好似入左TVB劇D舊式酒樓咁，好古式古香，D椅子就好似人地D功夫椅，成個設計都好懷舊。每隻碗每隻碟都有「心夜來潮」個名，有好特色，等左15分鐘老公終於黎啦，即刻叫野食，餓屎人啦!睇餐牌既時候，見到有免費潮汕功夫茶，當然要試下啦!我地點左鐵觀音，玩左一輪沖茶之後，淺淺地品嚐一下，十分香既茶味，飲多兩啖有回甘既感覺，值得一讚!「菜脯煎蛋」，老公話一定要食呢個，$40一D都唔貴，塊煎蛋真係成隻碟咁大呀!煎蛋好香，蛋又嫩又滑。爽脆既菜脯係呢味菜既靈魂，菜脯係煎蛋前應該有炒過，即使唔加任何調味料，單憑菜脯已經夠晒味，散發出鹹香味，加埋蛋就更加好味!「醬鹵鴨」，本身想食醬鹵鵝，但鵝就$98，鴨就$68，前兩日先食完鵝，所以點左醬鹵鴨。平時食開既打冷，通常只有鹵水鴨OR鹵水鵝，食既時候只會食到鹵水味，變化不大，但呢個醬鹵鴨仲用上秘制醬汁，個醬汁味濃，好JUI