麵麵 (已結業)

旺角彌敦道726號近乎成座樓都係餐廳食肆，今日就去咗1樓嘅麵麵食魚麵魚烏冬。下晝去食就最抵食，因為除咗午市唔使加一之外，餐牌小食仲有8折優惠，真係平靚正嘅選擇。講返今日食咗嘅嘢先：西班牙煙燻黑毛豬魚香麻辣湯魚麵望落成個湯紅卜卜，好驚好辣？唔食得好辣嘅朋友唔使擔心，而鐘意食辣嘅朋友就可以會覺得唔夠辣喇。辣度唔算太高，但好香辣味。魚麵非常彈牙，好香魚味好好食。西班牙煙燻黑毛豬煙燻味強烈，肉質結實有口感。野菜本菇安格斯牛肉定食安格斯牛肉片好香牛肉味，野菜本菇同埋豆腐，再加埋個甜豉油湯，成個感覺好似壽喜燒。魚烏冬魚肉同麵粉嘅比例係50/50，所以相比起魚麵、魚烏冬比較腍身、不過口感亦接近返烏冬。加多$20可以追加一個花膠濃魚湯，配合返個烏冬，真係好正。小食八折優惠，當然唔可以錯過啦。今日就點咗兩客小食魚皮餃子配柚子汁魚皮令餃子口感非常彈牙，配上柚子汁同蟹籽，三者非常夾，口味清新開胃。不過依個一定要趁熱食，因為放得太耐，餃子就會收乾水份，餃子魚皮就會變硬。大家記住要趁熱食呀。明太子雞翼一客三隻嘅明太子釀雞翼，炸得香脆可口，配合埋明太子，夠哂惹味。午餐全部都有跟前菜。前菜有胡麻醬海帶、甜紫薯同埋柚

這間主打魚麵魚湯的麵麵，價錢合理，環境闊落舒適，所以今次已經是第二次回頭再食了。星期日都有午餐供應，份量大，賣相精緻，更免加一服務費。點了土匪雞鎚濃魚湯魚麵，除了魚麵可選魚烏冬/稻庭烏冬，湯亦可選花膠濃魚湯/魚香麻辣湯的。三隻炸得香脆的土匪雞鎚，粉漿不太厚身，肉質軟淋，但孜然味可以重一點就更好。魚麵用了50%魚肉製造，味道質感就好像魚蛋般，配上濃魚湯，食完沒有口渴的感覺，好味又健康，再沾上他們的自家製辣椒油會增添惹味。他們的自家製辣椒油是可以買走的。另外船長之選的野菜本菇安格斯牛肉定食，可配魚麵/飯，不過就不包括魚湯，而是用了自家製的日式醬汁作湯底，味道甜甜的，配上日本本菇，豆腐，椰菜及安格斯牛肉，感覺很日式及健康。每份套餐都有提供三式小食。(海帶，日式蕃薯, 醃蘿白)跟餐還可以追加小食，我追加了$8 的魚肉春卷，炸得脆脆的。而餐飲我點了泡沫玫瑰奶茶，奶茶中帶點玫瑰香，滑身亦不太甜，好味。

上網看別人推介這家魚麵魚烏冬，前來一試。快兩點不用等位，套餐選擇算多，每人最低消費一杯飲品。野菜本菇安格斯牛肉定食（$80）選擇了魚烏冬，跟牛肉粉開放的，牛肉也算多。辛辣·瀛太子拌魚烏冬（$78）有點中日fusion感，不算辣，魚味比明太子味更濃郁。飲品要了熱桂圓薏米水及熱桂圓杞子小黃菊花茶，兩個都是套餐價加$22，味道都不錯，熱久了變濃味。不過尤其疫情期間，餐具想用熱水燙一下也要問了三次才給我們，可以做得更好呢！

好耐無食心愛既魚烏冬，經過上次經驗，個人都係鍾意撈多過湯麺，特別係佢個咖哩撈魚烏冬，真係念念不忘🤤✨今次黎仲多左好可愛既聖誕佈置，個降落散聖誕老人好正。✨午餐都幾抵食，有埋野飲又唔收加一，小食仲有七折。✨野菜本菇安格斯牛肉定食($80): 前菜有胡麻醬昆布，紫薯仔同埋柚子汁蘿白，開胃又好味。 ✨定食可以配飯or 魚烏冬。牛肉都有好多片，入面仲有豆腐，本菇同椰菜。 日式醬汁甜甜地又有啲薑味，本身個汁好稀，都擔心個魚烏冬撈落去會唔夠味。好彩撈落去浸左陣都夠入味，而且勁鍾意佢煙韌韌又夠彈牙😍。✨加$10 有溏心蛋，夠冰凍又流心～✨薄荷朱古力咖啡(+$10）：面頭有好滑既奶泡，朱古力味好濃，咖啡味夠香幾好飲。 不過另外叫左杯凍朱，味道就好淡。✨明太子雞翼：咬開超多明太子，勁多饀！不過雞翼有少少乾，之後點左另一個定食送既沙律醬，加埋幾好味wo🤣✨魚皮餃配柚子汁：鍾意佢個皮勁爽彈，入面既菜肉饀都好好味，點埋柚子汁酸酸地好開胃，每次黎都想食一次。✨咖哩吉列豬扒拌魚烏冬（$82): 咖哩汁香而不辣，而且好掛汁，同魚烏冬真係絕配， 豬扒啖啖肉好香口，呢餐加埋都係二百幾蚊，大滿足。

前排去西歐旅行，唔知係咪餐餐都大塊肉有啲食滯左，返到香港之後都想食返清淡少少👉🏻👈🏻呢日去左間比較港式既粉麵店食，午餐時份好多單點既或者有套餐都包熱飲，仲要跟餐小食七折，最後就係唔駛加一，感覺都可以一戰🤭▪️ 野菜本菇安格斯牛肉定食（7/10）💲80前菜有芝麻醬海帶條、日本甜蕃薯仔、柚子味蘿蔔條，而個定食可以揀要飯或者魚烏冬，呢度始終係魚既野出名，所以就要左魚烏冬，出到黎原來係另上既🙈賣相比較似係米線咁，但係入口無咁煙韌😳牛肉大薄片，入口都軟腍既，加上菇菌同埋豆腐等，牛肉汁會有少少略鹹，用黎撈魚烏冬岩好▪️ 魚之戀 + 溏心蛋（7/10）💲72 + 10話明係魚之戀，所以呢碗有魚皮餃、魚蛋、魚片頭、魚腐、魚肉春卷、墨魚春卷，每樣各一質素平均🤔可以揀魚麵或者魚烏冬，呢次就要左前者，魚麵食落比魚烏冬更為有驚喜，質感彈牙有咬口，不過個人覺得麵既份量比較少🍜基本湯底亦有兩款，個魚湯頗鮮甜可以全碗飲曬，額外加既溏心蛋同日式既有些分別，外層係無滷到既但係入面都帶點流心🥚▪️ TWINS 魚之脆卷（7/10）💲38 (午市套餐小食七折)其實都係魚肉春卷、墨魚春卷，但係無浸係湯既關係，外皮會相對地脆身，可以