潮滙館 (已結業)

朋友生日, 佢話想試潮滙館好耐啦, 咁就去啦! 好彩打咗去BOOK 位先, 去到FULL 晒。勁! 因為另一個朋友遲到, 我地叫咗生醃瑡蚶先。生醃瑡蚶SIZE 比想像中細粒, 不過都好好味! 原味有D 咸, 原先我哋冇點個酸汁, 後來試咗, 完全可以中和個咸味, 但係又唔會蓋咗瑡蚶嘅鮮味! 記得上次嚟食話冇普寧炸豆腐, 今日問竟然有喎! 一食落口, 外脆內滑! 係超滑! 勁正! 金沙魚皮炸到勁香脆, 配埋咸蛋黃, 超好味! 已經唔理膽固醇了! 我哋仲點咗鍋貼涼瓜, 唔覺唔覺, 全部都係炸物, 食到呢碟, 感覺超熱氣! 不過又忍唔住勁食!涼瓜好甘, 鍋貼面又薄又脆, 正!最後以清心丸綠豆爽結尾, 好清, 唔太甜, 清心丸好煙靭, 好味! 

轉工加上疫情, 已經好耐冇去潮匯館食飯了! 今日心血來潮約咗幾個朋友出嚟, 一行四人去聚聚舊。以防萬一, 我早一星期打咗去訂位先。而食店當晚7:15 有打俾我CONFIRM BOOKING。一去到, 呀! 全院滿座呀! 好彩打咗嚟訂位咋! 打開MENU 睇下叫咩食先, 咦~ 耐冇嚟, MENU 都轉咗少少! 冇問題! 鍾意食果D 仲喺度! ✌家鄉炒薄殼朋友未到就叫住炒薄殼送住啤酒先。薄殼唔係成日有, 好彩今次有。炒得好香辣, 送酒超一流。鍋貼涼瓜本來想叫鍋貼小棠菜, 但係冇咗! 照叫鍋貼涼瓜。薄薄脆脆的, 而且涼瓜係苦嘅! 啱晒我哋鍾意食苦瓜嘅朋友! 芋蓉香酥鴨炸粉包住薄薄嘅芋蓉同鴨, 好食! 唔會太油! 滷水鵝內拼呢個我只係食咗D 豆腐, 入味! 金沙魚皮超好食! 咸蛋黃包住鮮炸魚皮, 超脆但唔太膩! 潮州糖醋面必食! 麵整到外脆內軟, 加上砂糖同甜醋, 食到唔停口呀! 家鄉反沙芋反沙芋係我哋今次嚟食嘅重點呀! 都係咁好食! 砂糖包住舊芋頭, 全部芋頭都好粉, 好淋! 超正! 我哋仲叫咗個蠔仔粥, 因為食得太快而冇得相機食先! 又係超好食! 咁耐冇食, 都維持高水平! 難怪當晚全場滿

潮州打冷，一直都是我至愛，糖醋麵 ，各式鹵味，鵝肝，蠔餅，潮洲粥，都是我愛的菜式。近年，香港的正宗潮州菜已經愈來愈少，不過朋友就推薦一間，位於深水埗福榮街的潮匯館，據說菜式正宗，食完一定讚不絕口。預訂了晚上八點的位置，準時到達，但因為餐廳坐無虛席，所以要等上一圍用餐，才能進去，大約等了10分鐘。等候期間，細細打量內外的環境，認真來說，如果有潔癖的人，一定毫不猶豫掉頭走人。廚窗只掛了數件鵝頭，及凍魚數條，實在很難看出有甚麼好食。不過，廚窗下卻貼滿不少報導，大都稱讚做法正宗，是該區潮州菜必食推介。等候其間 ，不少路人經過都說，這間店的潮州菜很有名。終於安排入座，我肚子已經十分饑餓，再加上鄰桌的菜香，更餓。等候其間，一行四人已商量選擇的菜式，一坐下便可以下單，這餐真豐富，要了七款菜式，滷水三寶、凍食烏頭、蝦蟹砂鍋粥、糖醋麵、香煎蠔仔洛、豉椒花甲、金沙魚皮。當中有不少都是海鮮，應驗了潮州菜中的。每一款都有一定的水準，但必食推介，一定是滷水三寶中的鵝肝。這裏的鵝肝，跟其他地方比較，這間店的出品，口感很滑，味道甘甜，滋味無窮。另一款有驚喜的，一定是金沙魚皮，即叫即炸，蛋黃的香氣，極度誘人，口感鬆化