釜山商會

🙋🏻‍♂️餓底探員去咗尖沙咀調查呢間釜山料理，餐廳由韓國人主理，環境闊落，座位舒適，更設有戶外座位，夠晒chill又有氣氛🥔前菜🙋🏻‍♂️表示個前菜係免費奉送，一盤裝住六小碟，有薯仔，泡菜，南瓜，炒粉絲等，薯仔加咗黑椒，味道特別，南瓜味道甘甜，最驚喜係有炒粉絲，食落好惹味🍜釜山豬肉湯麵 $99🙋🏻‍♂️表示個湯麵好大碗，份量好多，湯底呈乳白色，味道鮮甜，飲落有啲似雪濃湯，麵質幼細，口感滑順，豬肉香軟鮮嫩，充滿韓式風味🐖釜山豬肉湯飯 $97🙋🏻‍♂️表示個豬肉湯入面有香蔥同大白菜，配上白飯，個湯味道鮮甜濃郁，豬肉口感鬆軟，白飯吸收咗湯汁，味道更加香濃入味🐖石板烤豬肉 $185🙋🏻‍♂️表示豬肉用上五花肉，烤到非常焦香，口感香脆又有咬口，味道脂香，配上蒜片同青椒，用生菜包住嚟食再點埋包飯醬，食落清新又惹味，味道層次豐富📈吃貨指數😋好味度 8/10🔙返啅度 8/10

好耐都冇食韓國嘢，放假於是就拉埋朋友一齊去韓國街睇吓有咩新嘅韓式料理。發現有一間新開嘅餐廳，就一於入去試吓好唔好食！龍頭山塔辣豬骨鍋呢個豬骨鍋份量非常之大，夠晒三四個人share！鍋邊仲要圍滿勁多芝士，真係非常邪惡！豬肉疊到成座塔咁高，上菜之後就會有Oppa親自將豬肉拆開！只要等豬骨煮熱同芝士溶咗之後，就可以即刻食用。將芝士包住豬肉一齊食，味道鹹鹹辣辣，又充滿芝士香味，超級惹味！芝士醬十分拉絲，真係又打卡又過癮！石板烤豬肉(200g)豬肉烤得非常香脆，仲會配埋生菜、韓式醬料、生蒜同辣椒一齊包住食。包埋一齊食就去除咗豬肉嘅油膩感，成個菜式就更加好食👍🏻釜山豬肉湯飯豬肉湯非常濃郁，豬肉份量都非常多，豬肉唔會煮得過腍，仲可以保持到口感。將豬肉湯撈埋白飯一齊食，白飯吸滿豬肉湯，變得特別好食😋