宏 (已搬遷) 新店位置

今日約左朋友去尖沙嘴食野，本身諗住食間cafe但最後因為太多人等位而放棄左，黎左附近The ONE 搵間餐廳食！專登揀左間大餐廳，而且又唔full, 希望可以俾我地坐好耐既鋪頭！今次我同個朋友就各叫左個套餐，分別係溫野菜唐揚雞栗子飯（$138）同埋鰻魚壽司飯（$148），隨餐仲會附送一杯鍚蘭紅茶同埋一件細蛋卷，可以揀芝麻/抹茶/雲呢拿味道，而我地2個都揀左抹茶味！鰻魚壽司飯，面頭唔係一件大既鰻魚，而係切好左既鰻魚，數量都唔少！而飯入面就有蛋絲同埋青瓜絲俾我地撈埋個飯一齊食，味道甜甜地，唔錯！溫野菜唐揚雞栗子飯，唐揚雞方面係即叫即炸，上到枱個陣都仲係好熱同埋好脆，而且就算食到最尾有d凍左都好，舊雞都唔會話林啤啤，而且舊炸雞都尚算鮮嫩多汁，唔會話炸到乾晒，至於個栗子飯，就令我略感失望，栗子只有面頭2個半粒，夾埋都只係一粒栗子，下面既飯同栗子完全冇關係，只係白飯，而栗子偏乾，好彩有個鰹魚湯，令到成個餐冇咁乾！隨餐附送既小菜，入面有蒟蒻粒、紅蘿蔔、秋葵......既蔬菜，味道甜甜地，好開胃！鰹魚湯就偏鹹，但因為飯、雞都唔算鹹，所以配合一齊既時候都唔錯！跟餐跟左杯錫蘭紅茶，飲完之後，個職員好好咁

相識總是緣，友緣及姻緣，緣份很特別，話嚟就嚟！ 話走就走！不能強求，緣盡了卻無法回頭！十年前，我認識了他，三年前，他在家中攪燒烤而認識了她，上年，因為她帶我去燒烤，而認識了另一個他 (我男朋友)，早前，我在飯局中，介紹兩位他認識！當晚飯後談起，原來我們也認識一對教友夫婦朋友，真有趣！ 於是，我提議這次4 人飯聚！大約半年前，我們一行4人，為了遷就尖沙咀工作的她及喜歡食日本菜的他，又要符合男朋友的要求 budget；傷腦筋之下，我建議走到位於尖沙咀的人氣日式餐廳 <宏>！我預先在網上訂枱，用餐時間 90分鐘平日夜晚算少人！桌上設有 “叫人嚟” 的按鍵！方便大家！餐牌照燒雞飯套餐+海藻烏冬 $140份量不多，除了甜美醬汁的照燒雞之外，亦配上西蘭花及甘筍等配菜！海藻烏冬是幼身，並非跟坊間的烏冬一樣！口感軟硬適中又掛湯！沙律有清爽的生菜、甜美的粟米、爆汁的車厘茄、甘筍絲、紫椰菜絲，配上日式口味清酸的柚子醋汁，幾開胃！鱈魚飯套餐+海藻烏冬 $140同樣配有沙律、海藻烏冬及甜品！迷你三彩丼定食 $148 包括：小碗鰻魚飯、小碗吞拿魚碎 (魚生飯)、小碗海藻烏冬，還有沙律、細抹茶蛋卷

昨晚放工去了The ONE 行街，之後入宏吃晚餐。每次到宏用膳都會點鰻魚飯和這裏的甜品。今次也不例外，我都是點了大鰻魚飯＋麵套餐$198，豚生薑燒飯套餐＋麵$140，蘋果汁$40，香蕉焦糖窩夫$68。大鰻魚飯加麵套餐～ 跟餐有沙律，海藻烏冬，錫蘭紅茶，唔少得主角大鰻魚飯，還有送一個細蛋捲。 沙律菜新鮮， 海藻烏冬的湯底有淡淡的鹽味，配健康的海藻和彈口的烏冬。 大鰻魚飯的飯是採用日本珍珠米， 外觀粒粒晶瑩通透，入口夠煙靭。鰻魚有兩大片，燒得特別香又夠肥美！ 我每次到宏都會點這一個大鰻魚飯套餐的。豚生薑燒飯套餐加麵 ～ 前菜沙律和海藻烏冬跟大鰻魚飯套餐一樣。 本身生薑燒飯的 醬汁味道唔錯，反而豚肉比較肥，脂肪比例較多。黑芝麻細蛋捲 ～ 芝麻味道濃郁， 又香又滑， 好味道！香草細蛋捲 ～ 經常喜歡買這一個香草細蛋捲外賣，蛋糕質地香軟，忌廉又濃又滑！香蕉焦糖窩夫 ～ 有雲呢拿雪糕，窩夫，杏仁脆片，忌廉，香蕉。 香濃的雲呢拿雪糕和熱辣辣的窩夫真係最好的配搭！ 杏仁脆片卜卜脆又香口， 一碟甜品有幾款口感，正！錫蘭紅茶 ～ 這一個牌子的茶包味道好啱我 ，充滿花香味和幼滑的錫蘭紅茶！日本青森蘋果汁 ～

第一次來這間日西fusion 餐廳食下午茶，我喜歡魚，所以叫了一個白鰻魚定食一齊同朋友分享！一個定食有白飯及喬麥麵，又包沙拉及甜品，有埋茶送，都幾好哦！白鰻魚好香好有口感，不過就要小心骨仔，好肥美又可點4種不同口味，有：海鹽、蒲燒鰻魚汁（傳統的）、日本柚子醬油(微微酸酸的）及日本芥末和醬油（微微辣辣，好野味）不同特式不同感覺送了一塊小芝麻捲蛋（可選香草、抹茶味） 好香芝麻又滑滑的，唔會太甜，不錯哦錫蘭紅茶朋友就話普通

姊妹三兩閒逛The One ，醫肚時刻經過誘人甜品櫃，加上推廣中嘅鰻魚飯。二話不說即撲入餐店開餐。餐牌中三份不同鰻魚飯餐各具特色，每人試一份剛好。大鰻魚飯夠大份，日式醬汁燒鰻魚 ，鹹甜醬香味慢慢帶出鰻魚鮮味，夠傳統。日本白燒鰻魚飯，白燒鰻最保留原汁原味既鰻魚鮮，幾個小碟醬料又加添拌飯美味。迷你三彩定食，又想食鰻魚又想食吞拿魚就啱曬貪心鬼。其實跟餐嘅海藻烏冬都十分美味又夠飽肚。跟餐嘅錫蘭紅茶，連前事頭婆家族都飲，放上檯即聞到茶香撲鼻；啱曬跟住上嘅抹茶蛋榚，老實講，入呢間餐廳嘅好大原因就係呢個蛋糕。個抹茶蛋卷入口香、滑、鬆軟，除左令個餐錦上添花，仲俾佢挑起條甜品癮。再翻一次餐牌每人都點了一款芭菲。可能係個人喜好關係，自覺自己選嘅香草牛奶軟雪糕芭菲最美味，小量草梅加上蝴蝶餅與超滑牛奶雪糕夾到無得頂，杯底嘅甜脆杏仁及蛋榚甜度剛好，甜點嘅罪惡感完全被美味嘅滿足徹底蓋過，整餐嘅代價都好值得。

今日約左朋友食飯，想食日本野，所以去左 The One 嘅 宏。由於依家盡量小食三文魚 ，就愛上左鰻魚。一打開 menu 就搵鰻魚嘅 set, 朋友們都唔例外。三個人最後都 order 左鰻魚。我同一個朋友就 order 左迷你三彩丼定食，因為想試多 d。吞拿魚碎飯一定一定要撈勻食，唔係會覺得一「劈」 ，撈勻左好食 拉麵：食左兩啖就冇食，因為驚飽，會食唔落個鰻魚飯，加上佢冇乜味，唔吸引我 鰻魚飯：味道我覺得 ok，多 d 汁會更好 另一個朋友就 order 左大鰻魚飯套餐，但佢話覺得太甜，普普通通卷蛋至好味，鬆鬆軟軟咁，好想食多件又有茶，我嘅至愛呀

今日預早慶祝中國情人節，所以帶我吃我最喜歡的抹茶，但吃甜品之前，當然要餵飽第一個胃。*日本白燒鰻魚定食（$210）這個是經理推薦的！白燒鰻魚和平時的浦燒不同，是淨燒鰻魚，不加醬汁去燒，可以吃到鰻魚最原本的味道。配了四款醬汁：日本芥末醬油、日本柚子醬油、鹽和鰻魚醬汁。個人最愛柚子醬油，味道清香。定食配了一個飯和海藻烏冬；海藻烏冬煙煙UNUN的，很有咬口。*山芋蓉溫泉蛋撈麵（$120）凍食的海藻烏冬比起熱食的更加煙煙UNUN，所以個人來說比較愛冷海藻烏冬；山芋蓉是在香港比較少吃到的食材，所以一見到就二話不說要點！不過其實山芋蓉是沒有味道的，只有稠稠的質感，加上滑滑的溫泉蛋和蛋黃香；主要的味道都是來自冷麵豉油。*抹茶甜品set A ($160)抹茶小蛋卷法式抹茶杏仁餅外脆內軟，不會太甜。抹茶雪糕拿破崙抹茶雪糕味濃，拿破崙很香脆，帶少少甜。京都宇治抹茶奶配白玉丸子暖暖的抹茶奶很香，加了糖，白玉煙UN。抹茶小蛋卷是皇牌的甜品，可以出現在甜品SET真的太好了！小蛋卷果然名不虛傳，蛋糕很軟滑，茶味又香濃。北海道3.7牛奶布甸牛奶布甸很滑，而且奶味重，上面有紅豆蓉增添了甜度。*京都宇治抹茶軟雪糕芭菲（

日式的香酥雞就是與別不同，外層脆得來軟軟的，內裡的肉質也嫩滑，並有肉汁。味道不錯，口感也不俗。加配一杯正宗的錫蘭紅茶，味香且甘。吃了香酥的雞肉後來喝，中和一下，感覺很好。