海港酒家

营业中

休息中

又喺到食阿拉斯加蟹嘅季節喇，每年到呢個時候，老公就會自動自發問我哋食唔食蟹。今年亦都唔例外，一知道阿拉斯加蟹上市，就二話不說在海港訂枱食蟹啦！已經特登唔揀週末，但係食蟹嘅人一樣喺咁多。為咗要揀大隻啲嘅，老公一早就落到海港揀蟹，結果真係俾佢柯打到一隻六斤半重嘅阿拉斯加蟹。隻蟹真係好好味，非常鮮甜，咁大隻蟹四個人分，真係食得非常滿足，啲蟹膏仲滿到爆曬出嚟，要用隻碗仔載住😅剩食蟹唔飽肚，所以跟住又嗌咗啲餸食飯。根據以往經驗，我對海港嘅小炒實在冇期望，誰不知嗰晚叫嘅每一樣餸都炒得非常有鑊氣，唔通喺轉咗個大廚？如果佢可以維持到呢個水準，咁平時食晚飯我都會考慮海港喇！當日隻蟹$258一斤，比舊年貴咗啲。唔緊要啦，又唔係成日食，最緊要係食得開心，咁就值回票價啦！

今晚同家人一齊出去食餐晚飯，見近期好多人都食阿拉斯加長腳蟹，加上海港張廣告雞乸咁大隻蟹，所以就走去試下，但十分之失望，蟹殼好大好粗，剪開入面，就無咩肉，無鮮味，真係有啲後悔叫左，隻蟹唔好食都算，就檔自問選錯左隻蟹，但他們d小菜真係唔多得，個蒜片牛柳粒，鹹到食唔到，直頭退返比他們，我估師傅可能落咗兩次或三次鹽，我從來都無食過咁鹹的牛柳粒，隻燒雞都好一般，肉質麻麻，上到枱微温，其他叫果d小菜都只係勉強可以接受。總括來過這間酒樓我係唔會再來食！完

前排11月食蟹季節 同屋企人去食海鮮餐🌟 阿拉斯加長腳蟹 🌟可以去魚缸自己揀就嚟每隻蟹腳都長過42寸🤔每隻新鮮拎去整 幾高質素 鮮味又多汁 一絲絲肉拉出嚟不得了❣️🌟 蒜蓉粉絲聖子 🌟聖子整到啱啱好 唔會煮太耐而過老鮮甜又多汁😋🌟 龍蝦伊麵 🌟伊麵普通 冇特別驚喜 但龍蝦一啲都唔吝嗇 好大隻蝦肉彈牙 同個汁好夾 好入味

繼年初嘅蛇宴，一拖再拖嘅死佬飯局卒之搞得成，晌大家咁百忙之中都夾到一日，真喺難能可貴，今次仲要「夫添」齊晒16件死佬，一個都不能少呀，真多謝各位大佬俾面出席。以往年中嘅飯局都會搞入三聖食海鮮，不過，連續3年入咗3次大家都有啲悶，今回就回歸市區，搵間酒樓包個房，等我哋點嘈都得，有死佬建議嚟「海港」，因為有抵食嘅阿拉斯加長腳蟹。雖然成日話市道唔好，飲食席生意難做，但今晚（周五）嚟到，成個大廳座無虛席，門口亦有少量人等位。由電話聯絡問訂房詳情、最低消費、全包宴資料……等等，都遇到好多問題，佢哋啲回覆次次唔同，對外發放嘅資訊都幾亂。最後，就喺揀咗一個「賀壽全包宴」$3,880（星期一至五），算喺包房嘅基本入場費。包茶芥加一，我哋多4位，都無額外收，另送紅酒一支加汽水6罐，額外叫嘅汽水，就收番大堂價$10罐。不過，一圍菜絕對唔夠我哋16個麻甩佬食，所以，另外加菜，而入房嘅所有小菜、炒粉飯麵都要另加$20一碟，額外嘅食物亦會收番加一。影埋個主餐牌及精選餐牌俾大家參考，人少嚟食啲精選套餐都唔錯。所包嘅房唔喺好大，緊緊好擺到張加大嘅16人枱，多一個都已經攝唔到。人齊開席，飲杯。喜慶金豬滿華堂先嚟道全體

是日家庭聚餐選了位於太子始創中心的海港。平日甚少到太子逛，尤其在夏天！怕的是擁擠的人羣和不通風的街道。這次選了這裡，為的是方便家人以及它的海鮮！它的假日海鮮大匯，種類多、價錢也很便宜。主角：阿拉斯加長腳蟹這阿拉斯加長腳蟹的長相和北海道長腳蟹十足一樣，不知道是不是同一個種？這次叫了一隻六斤重的，選擇清蒸，這樣才能享受蟹的清甜鮮味。肉質非常滑嫩，無論蟹肉的texture或蟹殻的質感，和北海道長腳蟹都沒有差別，啖啖肉，入口清甜，非常享受！只是鮮味卻略遜北海道的，但也真的不錯。假日一斤才 HK$160，確是實惠之選。 果皮蒸大連鮑魚一上碟就被各人一掃而空，來不及拍照。不過，味道一般，果皮味太濃，蓋過鮑魚的鮮味之餘，入口也略帶苦味。不喜！脆皮乳豬例牌一碟，不過不失，乳豬還蠻鬆化。瘦肉響螺老黃瓜湯用料十足，響螺味道突出，可惜味精也不缺。甜品蓮蓉壽包蓮蓉還可以，可是包發的不夠，吃起來硬硼硼的，完全欠缺柔軟的口感，不喜。 總括而言，海港的海鮮抵食（最好叫清蒸），其他則菜普普通通。如果只想吃一頓普通的晚飯，同區有更好的選擇。