CHOO CHOO (已結業)

餐廳位置幾隱蔽唔係朋友介紹都唔識黎餐廳裝修特別 左右兩旁有移動既雪景仿如置身列車中 有種旅行既感覺同行三人 叫左一個小食兩個主菜小食係炸八爪魚🐙好香口 仲有兩個唔同醬一個係蛋黃醬 另一個係酸酸地既醬個人兩款醬都好鍾意😋前者令🐙錦上添花 後者可解油膩之後就叫左微辣白酒蜆意大利麵辣度對唔食得辣既朋友都接受到淡淡既白酒再配上微辣 唔會搶過蜆既味道蜆好新鮮清甜😋蜆既份量都幾多下最後就係阿根廷紅蝦意大利麵配龍蝦醬我個人比較鍾意呢碟多啲因為呢碟濃味啲 好重龍蝦味(重口味人士🤣)好香 蝦都好大隻又新鮮推介👍🏻👍🏻👍🏻

先講一講環境，店主將成間餐廳裝修成一個火車車廂，當你入到餐廳，好快就會比四個大螢幕吸引住，因為左右兩邊都會不斷播放住歐洲拍攝嘅列車風景，一路食飯，一路望住"車廂"岀面啲景色，非常有feel .泰式軟殻蟹羅勒葉墨魚麵👱🏾同👩🏼最欣賞嘅菜式，炒得好有鑊氣，一上枱已經比佢嘅香氣吸引住，就算唔好蒜嘅我地，都情不自禁將碟上嘅蒜片清得一乾二淨，唯一可惜嘅就係軟殻蟹嘅份量比較少同細隻.阿根廷紅蝦意大利麵普通，略嫌紅蝦唔夠蝦味.Fish n chips份量好多，就算兩個人都夠食，兩樣都炸得好好，魚嘅味道濃郁，又唔會嚡，可惜嘅係只提供少量茄汁，如果可以有埋mayonnaise 就更加perfect而👱🏾就覺得伴碟嘅沙律非常有驚喜，將蘋果切粒，爽口得黎又有fresh嘅感覺，食少少就好似冇咁熱氣啦.至於飲品方面，我地就分別點咗fresh carrot同mango banana ，味道一般，不過都幾新鮮，一試無妨聽講依度嘅甜品都幾特別，希望下次有機會試下啦

隨着近幾個月長沙灣一帶喜字頭的新樓逐漸入伙，幾個有幸上到車嘅朋友都邀請大伙兒去housewarming，之後就去附近舊區打邊爐或者食小炒。今晚，其中一位新業主竟然話約我喺長沙灣食個優質西餐，本來我都唔係好信，不過好又一餐、唔好又一餐，咪試吓囉。老友帶路，一路行過嚟經過嘅都係比較平實嘅餐廳、賣麵包嘅老店、賣菜賣肉嘅檔口等等，說好的優質西餐到底係邊度？然後，行到街尾，我哋就到咗Choo Choo，老友話呢間餐廳門面雖然唔起眼，但食物質素一定唔會令我地失望。入到餐廳，面積唔係好大，但佈置就非常特別，牆身裝有行李架，同埋裝左螢幕播緊一啲會不斷郁嘅畫面（山景、海景等等），感覺就好似你真係坐係一架正一直行走嘅火車上。可能店主本身係一個好鍾意旅行，好鍾意坐火車嘅人？非常欣賞店主在裝修上花嘅心思餐牌係簡簡單單嘅兩頁紙，設計成好似一啲旅遊單張咁樣。食物嘅選擇唔算好多，不過沙律、意粉、肉類、甜品、飲品各樣都有，頗有一點麻雀雖小但五藏俱全嘅感覺。作為一個食肉獸，二話不說就揀咗餐牌上面嘅牛肩胛。老友鍾意海鮮，揀咗紅蝦意大利麵。相比起西冷/肉眼，牛肩胛似乎比較少係餐牌上出現。食物上枱嘅時候，顔色鮮明，陣陣松露嘅