阿閒泰 (世貿中心)

营业中

休息中

約佐朋友係7:45去時代廣場睇戲，一打開openrice搜索銅鑼灣餐廳，就見到呢間係世貿中心既泰國菜。餐廳環境非常舒適，6:00到達餐廳得一枱客，所以無book 位既我地就選佐海景位。 美中不足既係窗外面係一條條線遮住，變相睇風景時睇得唔清楚。(1) 香芒紅菜頭米紙卷 $58除佐米紙卷入面有芒果之外，佢都放佐好多芒果碎圍住四舊米紙卷，賣相一流。米紙卷入面既料好足，紅菜頭有好多，每一啖好清新。(2)炭烤帶子冬蔭功湯 配泰國新鮮幼粉 $ 108望落去好似冇咩料，其實入面好足料。湯有4隻帶子，每粒帶子都好大粒。跟住每一啖都係蘑菇。 我地唔敢叫大辣，我地靜係叫佐小辣。味道岩岩好，辣度適中。幼粉配上湯一齊食，好快幾分鐘就被我地清哂。(3) 阿閒泰街頭大蝦炒金邊粉 $128金邊粉有兩隻蝦，兩隻蝦都好大隻好新鮮。除佐兩隻蝦，附帶一隻蛤。美中不足係金邊粉份量唔算太夠，但金邊粉配上砂糖同埋秘製既醬料都好好味。總括而言，香港出名既泰國菜我除佐會推介新泰之外，呢個絕對係不二之選!

✨ 黃咖喱軟殼蟹（$168）新產品，Menu上仲未有（係職員介紹）😆，軟殼蟹炸得酥脆，份量大，咖哩仲混合咗唔少蟹肉，食落非常飽滿 😙。✨ 印度薄餅（$28）叫咗嚟配咖喱一齊食，完整一塊上。✨ 阿閒泰街頭大蝦炒金邊粉（$128）有加辣份口味上辣味比較明顯，加埋醬汁甜甜酸酸幾惹味 😙，炒底都唔會太油，唔錯 😝。✨ 泰式蘋果金寶脆脆（$68）向來都比較鍾意食Apple Crumble，比較少見會融入泰式風味，於是就叫嚟試吓 😙。底部整成脆脆，比較偏厚身嘅脆餅，中層係淋身嘅蛋糕，由蘋果肉組成，而面層仲鋪咗少少切片嘅青蘋果同埋有一球雲呢拿雪糕。整體嚟講口感十足，好味 😝。✨ 手作花香斑蘭蝶豆花茶（$52）好重花味，口味上偏酸，視覺上都幾適合打卡 😂。✨ 椰青滑冰（$68）好大一份 🤣，冰嘅部份椰汁都幾濃。·原本係K11嘅阿閒泰最近係銅鑼灣開咗新分店 😙，一去到就見到接近Full House（相冇人因為我哋坐到接近關門時份）。因為世貿中心窗邊對住街景感覺上都幾開揚，店內擺放咗唔少招牌兔兔十分精緻。整體嚟講出品唔錯，亦都幾欣賞餐廳係傳統泰菜中加入新派元素。·🧾 需加一服務費💰 $563❤️ Follo

銅鑼灣好難搵到一啲比較寧靜嘅餐廳，今日竟然畀我搵到世貿中心呢一間環境恬靜嘅泰國餐廳，仲對住遊艇會靚景！一坐低我就叫左杯阿閒泰自家製氮氣冷泡檸檬茶，飲品上面有一層厚厚嘅泡，而且好香檸檬味，係唔錯嘅開胃飲料。餐廳上菜速度非常快，適合嗰晚就快餓死嘅我。先嚟泰式生蝦刺身，蝦肉新鮮彈牙，連埋上面嘅辣椒同蒜頭一齊食，辣味十足。仲有炸蝦頭，咬落有蝦膏。泰式三文魚牛油果他他，牛油果他他酸酸地夠開胃，三文魚又大粒又新鮮。泰式鹹蛋黃金薯條，炸到香口但唔會太膩，仲有啲炸咗嘅香茅葉，可以就咁食或者點醬。阿閒泰街頭大蝦炒金邊粉，非常足料，有青口、蝦和蛋，撈埋花生芽菜等配料一齊食非常滿足。椰青滑冰係一大大杯的椰青冰，有刨冰口感，不能係聞落去或者飲落去椰子味都好重，飲完仲可以刮啲椰青肉出嚟，飲品同甜品兼備，非常抵玩。勿洞脆脆煎蠔餅，用咗好多蛋，令到蠔餅好厚，外層炸到好脆，同時加咗木瓜絲、沙律零成件事冇咁熱氣。餐廳仲提供辣椒醬同魚露美食客點嚟食。餐廳仲有很多甜品同cocktail，個樣好吸引，下次嚟要試一試。