醉潮館

营业中

休息中

荃灣呢間潮州打冷，有幾味餸食過返尋味，今晚收工心郁郁又想去食，而且湯水選擇多又滋補，仲要無味精！花膠螺頭炖雞$68一坐底即刻叫左個湯黎潤下先，湯料好足，花膠大大塊仲有螺頭，豬骨同雞肉，個湯有少許雞油好香，全部材料都係好夾既組合，大到兩個人飲都差d飲唔曬🙊陳年果皮蒸鮑魚$158鮮美海鮮同陳皮有幾夾唔使多講，鮑魚既甜味完全突顯到，而且隻隻大而肥美🤤豬油渣炒菜心$68菜心咁炒好香，綠嫩既顏色🥰紅燒bb鴿$58上次黎都有叫🤤水準依然小米餃$42最愛既小米餃最後上，唔使點醬已經夠味，蝦米好香，糯米皮集齊煙韌嫩滑，一口一啖，真心正😋

去開荃灣附近，想食卜卜蜆，所以上網搵到呢間餐廳，見到評論話枱枱都有叫卜卜蜆去到見到門口好多人排隊，餐廳入邊嘅枱枱櫈櫈都係用木製嘅，很有特色我哋叫咗陳年果皮蒸鮑魚、花膠響螺燉雞湯、蒜蓉炒通菜同埋卜卜蜆陳年果皮蒸鮑魚一般，唔係好夠味，而且鮑魚蒸得太奈，好韌、好難咬，唔推介食蒜蓉炒通菜就幾好食，不過似蒜頭炒通菜，因為佢係原粒蒜頭上，可能因為太繁忙冇時間切蓉，但味道唔錯花膠響螺燉雞湯好似飲味精湯咁、好咸啲花膠響螺只係得一嚿卜卜蜆煲份量好大，啲蜆夠大隻夠新鮮，底下有粟米、蘿蔔、粉絲，但味道較為淡味，不過啲蜆大隻過出面食嘅卜卜蜆煲就抵番晒

同個朋友行完街影完相，就夠鐘食飯啦今次揀左係三坡坊食潮州菜餐廳裝修好似古代果d茶樓咁，灰色磚牆加木既枱凳，都幾有風味連餐牌既外型設計都好特別，菜式選擇都好多，餐牌分開upload左餐廳上菜都好快，上菜唔會相隔好遠，唔會食哂一樣先有下一樣餸首先就叫左個小食牙簽雞$58即叫即炸，脆卜卜既外殻加嫩滑既雞肉，點埋甜酸汁都幾好味跟住就係雪裡紅蝦乾菜心煲$88除左菜心之外，仲可以揀芥蘭同通菜個煲入面加左雪菜去煮，仲有少少辣椒，估唔到加左雪菜更加惹味陳皮蒸鮑魚$158原本想食卜卜蜆，但近期好似食左好多蜆，所以改食蒸鮑魚，$158有6隻，蒸既時間岩岩好，醬汁有好香既陳皮，唔錯總括三樣菜式都唔錯，以後又多個地方食潮州菜啦