四季芬芳

营业中

休息中

今日做冬至，想同家人食下中式嘢，新城市一田嗰邊有幾間，時間還早，7點左右，本身想食乳鴿，但係實在要等太耐！轉咗去對面呢間四季芬芳，見食評好似好正，又無人等，就入去試下！門口寫住60分鐘用餐時間，唔通好食到太多人等位，所以要食得咁快？首先入到去坐低，欠一個茶位，要叫人先會同你set返，打開個menu ，有一半係爛嘅，都唔換一個新，感覺已經唔好！菜式本身唔多，揀啲大路嘅嘢食諗住食完就算！壺茶飲完，打開咗15分鐘都冇人斟水！絕對冇下一次！唔怪得間間都有人等位！呢一間去到就有位啦！🥲

星期五晚屋企人忽然話喺沙田食飯，喺無準備嘅情況下，是但搵一間唔駛等位/少人等位嘅餐廳😂。晚上7點半，見到呢間修裝好花碌碌嘅餐廳無人排，齋睇個名以為食蛇嘅野，望個餐牌見到有麵同小菜，完全無蛇嘅食物，先敢入去😅見到每枱食客都有隻大碗喺面前，仲以為呢度食物份量好大，但其實只係個碗個🙈份量係正常SIZE。蔥油蝦撈麵 $89全餐最好味就係呢碗麵!! 🤤蔥油好夠，而且好香；蝦球有5-6大粒；麵條類似上海麵果D，不過帶少少彈牙感。蟹粉蝦仁 $139蝦仁係急凍蝦仁，肉質幾爽彈，但無乜蝦味；上面D蟹粉勁腥勁難食，只係食一粒，都足以腥全晚😥，同職員反映後，可以取消。服務真係幾好👍。古法咖喱牛筋牛腩撈麵 $89由於蝦麵太好味，所以叫多個撈麵。本身想試招牌雙色蟹膏撈麵，但諗到勁腥嘅蟹粉蝦仁，都係點蟹以外嘅食物安全D😅。咖喱偏甜，唔辣，香料味亦唔係好濃；牛筋腩算多，唔係炆到完全軟爛果D口感，依然有少少韌度，中意有咬口牛筋腩嘅朋友就會中意。總結都係蔥油蝦麵好味好多😋。雙重黯然銷魂煲仔丼 $89餐牌完全無寫雙重係咩意思，只係見佢寫招牌，即管試下🤔。原來雙重係普通腩肉片同叉燒味嘅腩肉件。腩肉片有兩塊，唔係好厚，而且幾

經過見到餐廳格局有特式，行中式優雅路線，菜單又新頴，見有時間就入去試下入面裝修有格調，座位舒適，更設有圓桌，適合十個八個飯局雙重黯然銷魂煲仔丼$89腩肉半肥瘦，比例幾好。分兩種唔同煮法而有唔同味道，一舊略薄切，面頭鋪有芝麻，味道較香口。另一件腩肉厚切，汁味道香濃，質感香稔流心蛋勁流汁，撈飯食一流，勁好味牛油花甲菠菜$89同一碟有菜又有海鮮，實屬少見又幸福花甲新鮮肥美無沙，菜亦夠淋又健康花雕醉雞$89好香嘅花雕酒味，煮到雞件好入味。而雞件份量多，肉質嫩滑，雞皮冇毛，食左一兩塊都好香花雕酒味冬瓜瑤柱燉響螺$79夠足料，煲得好夠火喉，好清甜入味，好飲到呢一小碗都飲唔夠喉灌雞湯百花丸$69外型卜卜脆，入面係香滑灌雞湯蝦膠，味道鮮甜，可用已插係百花丸既針筒加醋原味小籠包$29味道唔錯，但略嫌小籠包內裏湯汁唔夠juicy,同樣可用針筒加醋桃膠菊花桂花雪梨$26解渴清甜消膩

今日同朋友喺沙田行完山 跟住就去咗新城市廣場搵嘢食見到一間中式設計並以紅色同藍色為主調嘅飯店🔴🔵細看原來係蛇王芬副線 感覺份外新潮😎.🌟蛇王芬特色蛇羹套餐 ($139){花膠太史蛇羹+生炒臘味糯米飯}蛇羹上面鋪滿花膠 仲有木耳、蛇肉絲、冬菇絲🐍每一口都食到絲絲材料 份量十足而且仲分開配上薄脆、檸檬絲同生菜絲一齊品嚐😛生炒糯米飯軟硬適中 香而不油膩再加埋啲臘味粒同花生粒🥜更加惹味雖然睇落細細盅 但係份量一啲都唔細食完蛇羹同糯米飯覺得全身都暖晒🥰 冬天必食👍🏻.🌟雙重黯然銷魂煲仔丼 ($79)呢個係一個炒飯底嘅煲仔飯 中間仲有隻窩蛋🍳重點係我至愛嘅半肥瘦叉燒叉燒表面用蜜糖包住🍯 仲有兩塊腩肉 煮得非常入味煮得又軟又淋 仲好大煲 非常抵食.🌟原味小籠包 ($29)一籠有兩隻小籠包 皮薄多汁🤤而且每隻小籠包都插咗一支裝有浙醋嘅膠管方便食用又精美☺️.🌟蛇王芬臘腸卷 ($49)臘腸卷係懷舊點心 依家酒樓都好少有得賣呢度特別用咗紅色嘅包皮包住臘腸 賣相吸引又新穎❣️臘腸肥瘦適中 蒸完之後啲油香吸晒落包皮非常美味😋.🌟蛇王芬潤腸鹹水角 ($39)鹹水角嘅餡料加入左潤腸炸得外脆內軟 咬

香港呢兩日涼左好多，尋日仲驟降到17度，朋友約我到沙田新城市廣場食晚餐，聽個名完全估唔到係食蛇，好似幾配個天氣咁。黎到餐廳，佢地門口好sharp醒坐低即刻睇下有咩食先一邊歎住茶、一邊等食物上茶好飲，一讚👍🏻👍🏻叫了個特色蛇羹套餐：生炒臘味糯米飯 + 太史蛇羹生炒臘味糯米飯好煙韌配埋花膠太史蛇羹，食落成個胃都暖哂，都好足料。叫了原味小籠包，醋加得好有特色，插左個小籠包度。灌烏雞湯百花丸未食過呢個，紅彤彤都好有特色雙重黯然銷魂煲仔丼，聽個名都勁有氣勢😂食落都真係幾正😋家鄉雜菜煲balance下今晚的肉食😆梅菜和牛酥餅都係頂呱呱👍🏻👍🏻另外，因為好耐無飲薏米水，今餐都叫了杯，東南亞feel 多d😆 總體而言，四季芬芳都係食過想再食既餐廳👍🏻👍🏻