道頓堀御好燒專門店 (康怡廣場) (已結業)

第二次食呢間餐廳。想同朋友聚久／新朋友仔見面好適合，有得玩有得食，唔怕尷尬。今次去食大約係夜晚9點左右，店入面既人數已經唔多。叫左份雜錦廣島燒，牛舌同埋草莓pancake。雜錦廣島燒好難煮，不得了，d海鮮好難堆埋一齊，但玩得好開心。醬汁比起上次食鹹左，唔知係唔係今次既小夥伴唔識煮野，上次好味好多，哈哈。而牛舌，之前去日本食牛舌好味到念念不忘。但呢間既牛舌真心好普通，味道唔出色亦唔會入口即化。草莓pancake係最愛！製作難易度低。同埋好治癒。每面2分鐘，失敗率好低，味道亦好好味！

行行吓街見到道頓堀御好燒，突然回想起我前一次喺嗰度食係兩年前，所以決定再入去食晚餐!呢間店嘅噱頭就係可以自己整廣島燒，所以我同我男朋友一入到去就點左個雜錦廣島燒，牛肋肉同埋泡菜魷魚!!🤤🤤本人覺得個牛肋肉有啲硬，麻麻地好食...而且$68得6塊細細塊所以其實唔抵😶泡菜魷魚味道都唔錯但係魷魚就切得有啲細塊~到到主角雜錦廣島燒!!!喺枱上面擺咗說明書教你點樣燒唔同嘅嘢食所以唔需要擔心點樣燒，而且仲好貼心俾咗個計時器俾大家計時⌛呢個雜錦廣島燒有好多材料例如魷魚粒，雞泡魚乾，蛋同生菜等等🦑🥚🥬創作嘅成個過程都好有趣!😆最後仲可以加沙律醬同埋紫菜!製成品嘅味道亦相當唔錯😋整體來講$300以內買到單，好玩又好食，會推介俾大家!👍🏼

今日放假， 想同爸爸食頓好的。 深知他喜歡食日本菜， 趁今日大家有空一齊去幫襯😚幸好今日在非繁忙時間食， 很快便有位。 雖說是日式鐵板， 但地下沒有油油的， 也沒有垃圾， 很整潔。 叫了數份餐， 只等了一會便上菜。未上菜前先看看教學紙板， 寫得很仔細， 一看便懂， 很易明白。👍🏻✨上菜也是很整齊的分開一份份配料， 很方便落鐵板燒烤的先後次序。 坐近鐵板， 也不覺得特別熱。 用料新鮮， 也不多加醬汁也很好吃。😋💕眼見大家都食得開心， 又玩得盡興， 價錢又合理， 物超所值。