一生懸麵

营业中

休息中

去九龍灣附近行街，好耐冇食過拉麵，又未試過呢間嘅拉麵店就決定去試一試雞白湯拉麵雞湯味道濃郁又creamy，湯又夠熱，口感柔滑，有一絲的甜味，拉麵軟硬度啱啱好，仲要好掛湯，慢煮叉燒同慢煮雞肉都好軟嫩，流心蛋都唔差!!煎餃子:煎餃子的外皮薄，煎到酥脆，有口感，咬落多肉汁。總結:拉麵出色，會再番黎食過!餐廳名稱：一生懸麵 (牛頭角)餐廳地址：九龍灣牛頭角道3號得寶商場地下121號舖

一生懸麵响香港有幾間分店, 不過因為就腳就揀左九龍灣得寶商場嗰間食, 而揀邊款都係不加思索, 邊款招牌食邊款, 就佢啦!🐔 雞白湯拉麵 🍜香味 (2/5) - 講真, 真係冇乜香味。麵條 (4/5) - 幼麵，小麥味夠，配個湯幾夾，好食嘅。湯頭 (3/5) - 我認為湯論味道，論質感，論鹹度，都係好嘅，只不過，既然叫得雞白湯，我會預期雞味會係主角，只可惜，一啖飲落口，雞味嘅存在感好薄弱。配料 (5/5) - 主角當然係雞叉燒啦，嘩，好好食！相信係慢煮處理，好嫩滑，雞味極之夠，直程係飆出來咁滯，相常之好食！而其他配料都係平均上準之上，所以論配料來講近乎係冇得彈。是咁的，我認為叫得做雞白湯拉麵，雞湯同雞叉燒係重中之重呢碗麵係差左個湯唔夠雞味。我食過其他店嘅雞白湯拉麵，雞味係濃郁過呢間。不過，雖然係咁，因為佢嘅雞叉燒質量係去到驚豔水平，而個湯味道係好嘅，所以拉上補下都係正野。整體 - 值得推薦 👍👍👍

這間人氣本地拉麵其中一間分店位於九龍灣的得寶商場，主打沾麵和拉麵，小店老闆專門遠赴日本學習，所有湯底均每日真材實料新鮮熬煮。店內裝潢以傳統日本拉麵小店為主，設有四人枱，亦有一字型吧枱，適合一人至多人聚會。雞白湯拉麵 - $95使用大量雞骨與蔬菜長時間熬煮，充分釋出膠原蛋白，湯底如牛奶般的濃厚鮮香，濃稠得微黏嘴，有濃郁的雞肉鮮味，又有清爽的尾韻；慢煮雞叉燒保留最大程度的水份，嫩滑而不乾柴；幼麵更加容易掛湯，煙韌彈牙。檸檬柚子拉麵 - $75九龍灣分店限定口味。湯底加入秘製柚子醬及檸檬片，散發酸酸甜甜的果香，清爽而不膩，令人食慾大增！同樣有慢熟叉燒、慢煮雞叉燒及半熟蛋。慢熟豚叉燒(三片) +$20日式叉燒採用肥瘦兼備的五花腩肉，日式醬油滷得好入味，散發濃郁肉香，滑順而不油膩。 半熟蛋 +$12滑溜的溏心蛋咬開有著軟綿香甜的蛋黃。雞軟骨棒 - $29煎得外脆內軟，內有雞肉及雞軟骨，有著濃濃雞味及爽口感，還淋上醬油及沙律醬，很惹味。煎餃子 - $29香脆金黃的日式餃子，皮薄而不膩，飽滿的五花肉餡，油脂相對地較豐富，有少許蔬肉平衡肉膩感，入口很清爽。SAGE冷泡茶白桃烏龍 & 桂花烏龍 - $2

終於今日早咗少少放工可以得閒黎食dinner一直bookmark咗要黎食佢地個拉麵今期想食雞白湯拉麵因為喺香港唔係好多地方都有得食果然冇令人失望雞白湯湯底濃郁而且係厚身好重雞湯嘅味道同幼身嘅拉麵好夾好掛汁而唔會好膩而且會不自覺飲曬d湯每碗雞白湯拉麵都有全隻溏心蛋、兩片慢煮雞胸同兩片叉燒 份量都幾足而飽以＄95一碗係物超所值另外我地再order咗個濃厚魚介湯拉麵加叉燒都同樣出色比起沾麵嘅version呢款會冇咁膩不過黎呢度食真係要早少少可以免排隊

天氣都仲係好凍🥶每日都想食熱野😌但唔可以再打邊爐再食燒肉啦🫣真係太熱氣🫢今晚想清清地食嗰拉麵🍜簡簡單單暖吓肚🥰🐷 白湯豚骨拉麵 ($72)一款味道濃郁嘅湯頭，但濃而不膩👍🏻拉麵屬幼身，更易掛湯☺️慢煮豚叉燒肥瘦參半，肉質軟熟，如果再厚少少就正啦😋🐣 雞白湯拉麵 ($95) 一碗純白鮮甜嘅雞白湯，既濃郁又creamy😋配料有慢煮嫩滑嘅慢煮雞叉燒同豚叉燒🐷我再咗加$20加多三塊豚叉燒😋滿滿嘅肉，好豐富😝📌 一生懸麵 九龍灣牛頭角道3號得寶商場地下121號舖📍 其他分店旺角通菜街73號地舖荃灣富榮街7號富裕樓地下7號舖