無敵家

营业中

休息中

媽咪同朋友行完街就過黎接我收工❤️一齊係公司附近搵餐廳食埋晚飯先返屋企。比呢間居酒屋嘅門面吸引住，就入左去🤪位於上環嘅「無敵家」門面掛左大燈籠，好搶眼🏮店內裝潢採用和風木系，店內設有吧枱座位及普通椅子，坐得好舒服。而餐廳主打各款燒物、串燒、炸物同一品料理等🤗店員服務貼心，好細心介紹memu，服務周到👍三文魚頭鍋 $268天氣涼涼地，叫左個冬日鍋物😊三文魚頭鍋湯汁清甜，三文魚頭切開幾件，而且仲係新鮮炸起，食起黎好方便，口感香脆鮮味❤️配搭埋豐富嘅野菜，有冬菇、紅蘿蔔、豆腐、洋蔥等，味道濃郁但唔會過鹹😄明太子燒飯團 $45外層烤得香脆，內層米飯軟Q香甜，用紫菜包裹住燒飯糰，飯團混合左明太子一齊燒，味道非常豐富惹味！🤩燒原隻帆立貝 $78帆立貝厚身又細密，味道濃郁鮮甜，燒後仍十分軟嫰多汁，鮮味好突出。汁燒法國螺 $78螺肉飽滿多汁不過乾，肉質煙韌軟嫰，味道鮮味。雞皮蝦卷 $58雞皮裹着大蝦同燒，做成雞皮蝦❤️雞皮蝦烤得金黃香脆，蝦肉盡吸雞油甘香，一啖咬落去皮脆肉爽👍墨魚咀 $32每粒墨魚咀🐙都有手指頭般大，口感帶嚼勁及軟韌彈牙，味道香濃，正👍

今晚同朋友去咗無敵居食din，真係好滿足又好開心！呢間居酒屋環境舒適嘅，氣氛輕鬆，好適合放工嚟chill下飲杯酒。我哋嗌咗個脆炸刺身甜蝦同燒原隻帆立貝。蝦肉鮮甜多汁，炸得香脆，比想像中大份，有五隻。帆立貝肉質鮮嫩，非常鮮甜！我哋仲試咗佢哋嘅芝士年糕同埋安格斯牛柳串，芝士年糕好彈牙，出面畀紫菜包住，配埋濃郁嘅芝士，熱辣辣就最好食。而安格斯牛柳串又香又滑，好好食。嗌咗個溫泉蛋雜菌湯烏冬，烏冬嘅質感彈牙，同湯底入味，令人回味無窮，湯中仲有新鮮嘅菇菇同溫泉蛋，好香好香。無敵居招牌沙律新鮮蔬菜搭配特製醬汁，清新又開胃，七彩顏色打卡最上鏡。雞皮蝦卷都好出色，酥脆嘅炸雞皮包住鮮蝦肉，外脆內軟🤤最後，仲有甜品嘅部分，我哋試咗佢哋嘅天日塩雪糕。雪糕口感好滑順，有淡淡嘅鹹甜味，真係一個完美嘅結束。下次再黎要嗌番支酒黎飲下先！

環境5分：日式居酒屋格局，有上層，私人空間足夠，周圍都係酒樽同酒杯同D日式裝飾，燈光暗暗地好有氣氛，兩個人都畀坐四人位，舒服畀五分。衛生5分：枱櫈餐具好乾淨，又有消毒搓手液，衛生可以畀五分。服務5分：服務員爽手唔囉唆，不停收碟同加茶，畀佢滿分。味道5分：1)     無敵家招牌沙律Ｄ沙律菜非常新鮮，最特別係燒過嘅粟米，而且入面又有海帶，桃肉同蕃茄，加埋隻超滑溫泉蛋，非常豐富。2)     燒日本餃子皮薄餡嫩。3)     雞翼燒得非常有心機，非常香口，可以連埋雞翼尖一齊食。4)     雞皮蝦卷係雞皮包住隻蝦，燒得隻蝦唔會乾身，非常juicy，雞皮食落唔油膩。5)     厚切牛舌厚肉好爽脆。6)     脆炸蓮藕片炸到脆卜卜，食落去好似薯片咁。7)     豬軟骨豚骨湯拉麵入邊Ｄ豬軟骨非常淋身，非常入味同埋拉麵好彈牙，湯底有粟米嘅味道好甜。抵食5分：日本餐有沙律有串燒有拉麵有啤酒，每人都係300蚊多Ｄ，非常抵食。

與老友上環放工，去到一間同事介紹既居酒屋，發現有吾少食客，而餐廳款式十分多。主食，串燒，各款小食都好多。亦有是日廚師推介。見到個門口已經好有日本feel味酥雞泡魚干先叫一份雞泡魚干食住吹水先，送酒一樓既雞泡魚干。配合一杯蘋果梳打然後呢- 老板介紹，餐牌上既三寶，其實就係居酒屋三寶，分別係：雞皮蝦卷免治雞肉軟骨棒豚肉荔枝卷這個自家製免治雞肉軟骨棒真心正， 雞軟骨粒係裡面增加左個口感，調味方面係超香。荔枝卷-酸酸甜甜個味好開胃，而裡面包住係豚肉，燒過既豚肉超香口。雞皮蝦卷雞皮脆，裡面係蒜味蝦，外脆內軟。明太子豆腐明太子既咸香為豆腐帶黎好香既味道作為不是餐牌 只在黑板既是日推介亦試左兩份主食黑松露三文魚炒飯免治雞肉地獄辛辣豚骨拉麵炒飯幾香，三文魚粒多，而且吾油，幾粒三文魚子，令佢香上加香。拉麵方面，辣味好重好香，而佢辣而不油，仲係濃濃既豬骨湯底。 個湯底吾錯。而麵個硬度亦適中，不錯不錯。仲叫左個燒日本餃子