滬江飯店 (已結業)

病左好耐，今日選擇食番d 無咁激烈既上海菜。本身諗住散叫，點知朋友原來同屋企人食過，話四人餐好抵食。見到$288, 有野飲，有湯，仲有糖水，又真係幾吸引。仲可以㨂三個小菜 + 飯麵/2款點心。✨飲品係蘋果茶，個味有d 似蘋果醋咁，酸酸甜甜好好飲喎👍🏻✨湯有成大盅，入面有勁多豆腐同埋少量肉絲，個湯味道比較濃，感覺好味精feel✨雞絲粉皮：粉皮夠薄夠滑，個醬花生味幾香，呢個我幾鍾意，不過太細碟。✨蝦仁炒蛋：佢d 小菜其實都幾的骰，四個人食真係唔夠食。呢味無咩特別，個蛋都炒得啱啱好 ,蝦肉爽口。不過d 蝦本身味道比較淡，如果加番多d 蔥會香口d✨小籠包：皮算薄，幾多汁，但未去到爆汁果種level, 但都好味。✨菜心獅子頭：肉有兩大舊份量十足，仲好入味。東菇同菜都索晒汁，呢道菜比較濃味，如果送白飯會唔錯。✨花素蒸餃：幾多饀，食落清得黎唔會覺得寡，個皮都厚薄適中。✨最後上埋個綠豆沙真係飽到爆，好味唔會太甜。不過我地三個女仔差5多都清晒枱，所以如果4個人一定要再散叫。但呢個價錢同地段，又坐得舒服都幾抵食。

兩隻馬騮游完早水，大叫肚餓，中午時間，想搵間好坐嘅，媽咪鍾意食上海菜，見呢間口碑唔錯，上到去門口，無訂位，被安排坐近門口4人枱，中式酒樓格局，裝修簡潔，午市都有啲優惠套餐或特價菜色，見其中一個四人餐幾抵食，食物選擇都多，所以就揀呢個！落單之後食物超快來齊！枱面有紫菜花生，好香口好味！兩隻馬騮搶住食！午市超值自選四人套餐（$268）烏筍拌木耳--醋汁酸酸地，但唔夠入味，木耳好大塊爽口，咬落只有外面有味，中間仲係淡茂茂，好明顯一撈好無放過就上碟，我要等耐啲，仲要由底食，先至好點，講真自己平時都有醃雲耳食！咁簡單嘅涼拌菜色都無心做！失望！烏筍爽甜！（我見大多數用萵筍呢個名）唔要醋味都好味，只係比幾件！雞絲粉皮：欣賞自己落麻醬（因為自己唔太喜歡麻醬味）雞絲比較嚡，青瓜絲爽口，水晶粉皮煙韌！正常！乾煸四季豆：味道夠但啲四季豆外皮過熟，淋晒，一啲𡁻口都無！差！招牌炒拉麵：呢個叫得招牌，味道唔錯，拉麵彈牙，配甜醬油炒，配料有青椒、河蝦、芽菜！河蝦爽口比較淡，蔬菜爽口！餐湯--冬瓜蓉羹：足料，冬瓜蓉好多，湯底清但比較淡，無乜味，好似落唔夠鹽，少許金華火腿碎！一般！蘋果茶：熱飲，偏甜，蘋果味清新唔假！蕃

跟多年冇見老友聚舊，上海菜一向都係我飛佛，所以黎呢度試試。早兩日已經訂位，被安排坐四人圓檯，感覺好寬敞。餚肉：不錯，肉質香軟，食落去唔會一啖油。點埋醋黎食，更正。平時我唔太好呢個菜，都食左好幾塊。雞絲粉皮：食親上海野都會點呢個菜。青瓜爽脆新鮮；雞絲係雞胸肉，唔鞋；粉皮唔粒口，點精當然係個麻醬，香滑。唯一唔好處就係個麻醬會令人覺得飽肚。炒蝦仁：呢個菜要整得好食好難，火候要控制得好好，又考師傅手勢。呢度整得唔錯，蝦望落去晶瑩剔透，粒粒都有光澤。食落亦鮮甜脆口。阿婆肉：賣相有趣。炆五花腩，味道唔錯，唔太甜。蒸銀絲卷：另一飛佛，唔知點解就係好鍾意食 其實呢野樣冇咩特別，在乎食肆拎貨拎得好唔好同蒸得夠唔夠熱。拔絲香蕉：好味！唔會覺得太甜。呢度價格中上，食物ok，服務態度非常好。