Cafe Addict

营业中

休息中

星期三請左假，同老公一齊懶懶閒係cafe食個brunch，之後一齊免費去香港故宮博物院。Cafe裝潢行型格路線，落單要去counter落order，所以唔收加一，仲有個自助斟水區同餐具區。餐牌有唔少選擇，我地第一餐唔想食得太飽，於是剩係叫左兩樣野食。玉子燒早餐有日本蛋製玉子燒、南瓜薯餅、沙律菜、車厘茄、雜菌、香草豬肉腸、酸種麵包配日本柚子醋，非常豐富。南瓜薯餅同玉子燒最好味，其它都唔錯，南瓜薯餅甜甜地又夠酥脆，玉子燒軟綿綿，整份食晒都好飽。雞胸·羅勒醬·長通粉雞胸整得一啲都唔鞋，肉質唔係柴，而且夠鹹香味，長通粉軟硬適中，羅勒醬佈滿所有長通粉，好食又飽肚。

餐廳以黑金色為主調，橫bar式開放廚房令食客睇到沖咖啡既治療畫面。環境開揚，座位間距舒服，可以慢慢嘆咖啡。晚市6點半左右，入座後揀好食物，可以出去櫃枱落order俾錢，侍應會送食物。玉子燒早餐Tamagoyaki breakfast($128)，少見或者我未見過有以玉子燒作賣點既ADB，所以好特別。要倒層層蛋漿其實好花時間、技巧，讚賞cafe用心製作。玉子燒甜味可口，燒製時間冇過長，所以蛋質口感滑，讚。南瓜薯餅外脆內軟兼暖，南瓜有粒塊，混合薯蓉，外層脆身唔厚炸粉。帶濃郁麥味既酸種麵包，令ADB更顯高級。雞胸·羅勒醬·長通粉($118)，一定一定要點。雞胸肉煮到勁易撕開，完全係嫩口入味，因為一開始以為會係好結實既口感。而且，選用長通粉既好處係，羅勒醬可以聚係空心位，啖啖都係香濃既羅勒味道。蛋糕飲品套餐($68)，想慢慢嘆咖啡之餘，又口痕想食cake，尼個套餐岩哂。榛子朱古力撻賣相靚之餘，仲要有幾種口感。先有朱古力cream，又有撻皮脆香，再有濃濃既榛子醬內餡，絕配。套餐可以選擇$42以內既飲品，或補差價。Iced latte漸層美觀，拌勻後咖啡味帶奶香。可惜夏天揀凍飲舒服，如果揀熱飲就見