榮式燒雞扒 (屯門時代廣場北翼)

营业中

休息中

收工去屯門練習前又係要搵老友食晚餐先，行下時代廣場見到呢間榮式燒雞扒都個知開左好耐但又未試過，2個人又食唔到好多野就入去試試啦。入去坐底都係QR code落單，鋪面不大位唔算好多，環境都叫乾淨企理，門口有個大燈牌睇餐，入去有需要都可以叫侍應攞餐牌睇。雞藕天成黎到呢度當然要試佢地既招牌雞扒啦，講講佢地d餐改名都幾得意，呢份雞藕天成即係雞扒加煎蓮藕餅，雞扒係用燒的，同一般茶餐廳擺落炸爐炸既感覺唔同，燒出黎外皮都算香脆，肉質唔會好乾，果然唔錯，蓮藕餅都算出色，望落好似好乾咁但內裡唔乾，食到粒粒蓮藕粒，肉既比例會多少少，無點溝過粉，口感味道都唔錯，飯既軟硬都適中，另外仲有榨菜同蔥油撈黎食更香口。榮式雞扒叻沙米粉老友食叻沙米粉，要加6蚊，我試左啖湯，味道唔算好濃，不過都食到椰香同沙嗲味，都唔錯。凍檸茶凍飲加5蚊，檸茶茶味就普通d，叫左少甜無咁甜。如果想係屯市呢度普通食1餐呢間係唔錯既選擇，侍應既服務態度都唔錯，見有枱客唔太識用QR code都好耐心咁教，食物同環境都ok，價錢合理。

聽過好多次榮式 但好多間舖都開係港島 冇機會食到突然聽人講屯門已經開左 仲推介話好食就一於試下餐牌有好幾款推介必食其中有一個係雞藕天成 即係朋友推薦果款顧名思義就係雞扒同蓮藕啦見個名咁得意就試試佢個飯嚟到，塊雞扒唔算厚 但夠長同多汁 嫩！而蓮藕其實係蓮藕餅嚟嘅 仲有尤魚做餡！夠足料一個人食其實都幾飽下同埋啲飯加埋啲秘製汁 非常好食價錢來睇唔係好貴 只係50幾蚊連野飲以佢咁出名嚟講都算合理下次同多啲人食可以試埋其他小食 例如雞翼 蓮藕餅都有得散叫㗎！

午餐揾食揾到屯門時代廣場北翼地下的小店，在這小小不起眼的角落，也有一班人在排隊，所以決定一試!餐牌上的選擇琳琅滿目，朋友推介過後便點了"雞藕天成"，顧名思義是雞扒藕餅飯。等了5分鐘，新鮮酥炸的"雞藕天成"便捧上枱了。雞扒肉汁新鮮，完全無雪味，而且用黑椒醃過，少少辣，更好味~ 藕餅新鮮炸出來，第一口咬下去真令人美味無窮，非常脆口的粉漿下，食到完整"o爽o爽聲"的蓮藕，絕無欺場! 可惜，藕餅比較油膩，食了一塊後，已經有點飽滯感。。。如果想KEEP FIT的女孩，"雞藕天成"就未必適合了!  但午市套餐$48元，大碟的"雞藕天成"加上飲品，尚算抵食!

$46雞藕天成，連冷熱飲品多年前食過，所以想回味下，雞扒都香脆，不過塊皮都係無以前咁脆，有半塊系林嘅，而且未食過蓮藕餅所以今次想講下個蓮藕餅，就係個兩個圓形，一個餅有冬菇，另外一個有D魷魚粒，不過兩塊都係有大量豬肉，但蓮藕味唔係好出，下次都係專心要雞扒。飲品系凍青檸水，得幾片青檸。因為兩點先食，所以感覺唔係好夠飯，不過出到荃灣就好飽啦！

九時多, 可以選擇的不多, 本來想去食自家烏冬, 不過還有很多人等位耶, 我和朋友不想等, 唯有再周圍睇睇有咩好食落到樓下, 行過對面馬路, 和朋友講開榮式, 開了那麼久, 但一次都未幫襯過, 朋友問我是食什麼的, 日式? 中式? 我答榮式XDDDDDDD, 好爛的一個冷笑話 每人點了一個SET, 包一杯飲品, 我點的雞藕天成, 聽個名就好攪笑, 有一塊雞扒及年藕餅, 這碟飯及格有餘, 成碟飯都好夠熱, 雞扒肉嫩皮脆, 只係油左少少, 年藕餅又是熱辣辣, 好香口, 而飯呢, 夠晒熱又干身, 一粒粒有咬口, 最愛吃這些飯 朋友的豬頸肉雞扒飯, 我試了一小件豬頸肉, 不會太un, ok的, 飲品要了凍檸茶, 茶不會太苦, 味道剛好, 正!!事後埋單, 本人冇為意, 找了錢便離開, 後來發覺, 他們只收了我$56蚊, 事後看返相片, 明明一個set要$40, 兩個應要$80, 為何只收$56, 莫非找錯錢, 或是9點後有折@@a