池記 (已結業)

等位的人山人海，出去結賬排隊人龍長得差不多到一樓，就是這裡午餐時間的寫照。雲吞麵：麵爽、彈牙；雲吞比較小型，皮很薄、滑，夾口也不厚；裡面的蝦仔有一點點辣。若是夠新鮮，其實不用辣的。杞子浸菜心：菜心很新鮮，近心有甜味；配以少少甜的杞子，有心思。熱豆漿香滑味道濃，很合口味。不過，一個雲吞麵餐（雲吞麵+菜+飲品）要$72，未免太貴了吧

出咗地鐵口就到喇，不過覺得有D貴咯，朝早係添好運飲個茶食咗唔少點心都卑呢度平吖，不過入咗來都試下喇，畢竟呢度都幾出名嘅！雲吞麵，好細吖，乜嘢都細，碗好細，麵好細，雲吞好細，雲吞都幾可以吖，出邊嘅皮好柔軟好滑嫩，裡邊嘅蝦好彈牙，調味啱啱好。麵無我想象中嘅咁好味，可能係我對佢期待都幾高喇，其實係仲過得去嘅。菠蘿叉燒包，其實我係想試下同添好運嘅酥皮叉燒包又乜唔同喇，皮都算酥脆，不過覺得呢度嘅叉燒比較甜，我唔係幾鐘意咯。薏米水姜味濃到乜咁，我係一d都唔鐘意喇，不過人地對胃好吖，我最近食得有d寒，所以係要飲下呢嘅養下胃個喇。

放假時要去覆診 ，去到中環未食午餐！好在已過了午餐高峰期，搵位唔難，一向都喜歡池記個湯底！去到人潮散緊，店員指示我上一樓，坐一張二人枱！雖然唔使等位，上去見到都爆場，環境裝修幾有心思，中式但唔老土，深木傢俬配紅色牆，加啲中式擺設！中式得幾舒服！不過我個位好近洗碗位，全餐飯都聽住「兵玲嘭冷」由盤倒出碗碟嘅聲，好嘈吵！ 枱墊就係午餐餐牌，我唔係太肚餓，叫個A餐「雲吞麵」，加油菜「蠔油冬菇」，店員問我要唔要加$5餐飲，可以豆漿或薏米水，我揀「熱薏米水」！然後一陣之後另一個店員就放低單據。食物好快上了！ 蠔油冬菇：有5大隻，厚肉，忟得入味，啖啖肉，雖然話蠔油，但醬汁唔會一團啡色，係清澈嘅蠔油味，加上蔥花香味，好好食！ 雲吞麵：麵响面，雲吞响底，話咁樣就唔會令啲麵咁快淋，飲一啖清澈嘅湯，好清甜大地魚味，有4粒雲吞，唔大隻，一啖一粒！皮好薄但唔會爛，中蝦爽口，咬開見到蝦之外，仲有大地魚碎，不過見唔到豬肉，無肉味，只有蝦嘅爽，比較寡！麵質爽口，可能爽口就唔索湯，所以淨食會無乜味，要連湯一齊食先好味！ 薏米水：大杯夠熱！帶薑味，唔會好甜，飲完成身暖晒！秋冬暖啱！店員超級勤快，個個都上了摩打一