泰傳奇 (已結業)

Thai legend 泰傳奇 @thailegendhk 📍：九龍灣展貿徑1號E-Max 國際展貿中心2樓21-23號舖🚗：九龍灣地鐵A2出口 步行20分鐘或乘搭國貿免費旅遊巴📞：+852 2866-7268💲：~HKD70/head for dinnerFood quality👌🏼：青咖喱牛腩飯、泰式海南雞飯、荔枝冰、三色冰總結：👍🏼路過去完國貿睇完show或者考完試可以嚟一試👍🏼性價比高 大大碟碟頭飯 又平又大碟☺️👍🏼夜晚仲要係喺國貿食個晚餐70蚊落袋 都冇咩可以投訴👍🏼港式嘅泰國茶餐廳 如果係食地道風情或者環境就唔太啱你 口味比較迎合港人口味🤣👍🏼杯荔枝冰三色冰比嘅料都多 出乎我意料👍🏼之前冇咩點去國貿 但竟然比我哋係商場揾到原來係有一層做food court 見周圍都係商業大廈多 所以附近嘅打工仔們嚟一試都無妨😃👍🏼服務態度都好好 會定時定候收嘢👎🏼衞生普通 好過茶餐廳嘅 但都唔係話好乾淨👎🏼冇特別打卡位 特登嚟食就未必啦 但路過或者附近住做嘢就可以一試

我其中一個鍾意既香港籃球員劉子禮係E-max開左一間泰國餐廳，名字叫泰傳奇，可謂非常霸氣。難得餐廳距離我公司只係十分鐘路程，我當然要試一試。- 青咖喱牛腩飯牛腩軟稔不失肉香，青咖喱整體偏甜，帶有微微既辛辣，白飯煮得粒粒分明又鬆軟，每一啖飯都有足夠既青咖喱汁，令人非常滿足。- 巴東牛肉飯牛肉用左牛腩，辣度十足，非常惹味。飯粒同樣煮得好好，唔會糊掉。- 菠蘿冰由公司行去泰傳奇要15分鐘，加上天氣酷熱，坐低時已經滿頭大汗，所以叫左菠蘿冰！味道唔算太甜，菠蘿份量去到杯身既一半，非常足料！- 青檸梳打朋友都出曬汗，所以叫左青檸梳打，消暑一流。晚餐既價錢唔貴，$70有找，特飲只係加$8。相信午餐都係咁抵食，以後午飯又多一個選擇！

有冇人追星追到嚟九展呢？大胃嚟呢度當然唔係追星啦，邊有咁好體力，追outlet同搵食咋九展嘅food court雖然耷耷地，不過行入啲一樣有抵食嘅美食最神奇嘅係，呢間居然有巴東牛肉賣，真係其貌不揚，唔係度度有㗎！佢地嘅巴東牛肉係泰式，同大胃之母整嘅印尼巴東牛肉好唔同，大胃反而欣賞泰式唔會一味得個辣字，味道好均勻，非常突出到牛肉嘅香味胃民嫌呢碟咖喱飯唔多汁，大胃試完就大嗌唔需要咁多汁，少少地已經幾辣幾夠味，再多啲汁分分鐘搞出人命都似，再者牛腩冇俾咖喱汁淹沒，先食到其肉味食埋啲咁辣嘅晚餐，整返杯龍眼冰紓解吓舌頭嘅負擔如果唔嗌特飲，都有紙包飲品跟餐