炑八韓烤親子餐廳 (愉景新城)

营业中

休息中

外甥女生日黎慶祝無揀錯，玩下又食下，大人又有得歎，佢又咁多小朋友陪玩，perfect！$158包一個兒童餐同Playroom任玩。外甥女揀左個韓國公主蛋包飯城堡，有營配料加靚仔蛋包飯，小朋友攞住個卡公仔唔肯放，仲食左好多飯！仲有個餐係水果迷你班戟，蜜糖班戟甜甜地、又有咁多水果，一口一啖作為兒童甜品一流！至於大人梗係叫燒肉啦！頂級霜降牛小排 、韓國鰻魚，呢兩樣係必點！油脂均勻入口好有油香，鰻魚鮮味彈牙，真大條鰻魚無細骨！芝士炸雞全份好夠食，炸皮香脆又有拉絲芝士，食唔停口。Tiramisu 好香咖啡味好厚嘅口感，仲要係好大杯。蘋果香蕉窩夫個樣，完全俘虜女孩子嘅心，老婆同外甥女心心眼，冷暖交雜雪糕&pancake，非常美味！玩到攰同口渴，返黎飲啖冷壓蘋果汁同冷壓橙汁，好味又有益。呢個韓系親子基地設施非常多，大人細路岩食之餘又有地方放電，確係唔錯！

早幾日見炑八韓烤親子餐廳係愉景新城開張啦，趁新開張唔多人，我即刻同小朋友去食嘢。一入去左邊就有波波池遊玩區，入面仲有玩具、圖書、車仔積木、煮飯仔等等！玩左一輪就同佢哋著韓服扮靚靚，小朋友著咗好可愛，全程用餐小朋友玩咗一半時間，計返都抵！炑八小朋友餐入場費108，包一份兒童餐，份量可以，調味唔多，比較適合小朋友。韓國公主蛋包飯城堡頂級霜降牛小排韓國鰻魚半份芝士炸雞全份 ，拉絲芝士加炸雞，無得輸！水果忌廉三文治蘋果香蕉窩夫水果迷你班戟冷壓果汁，ok唔太甜！小baby粥糊餐，無論食物質地同味道都好啱小bb食用去前記得提早訂位，我閒日見六點都開始多人！

今晚和太太帶住外甥女來到愉景新城吃晚飯，在地下發現這家炑八韓烤親子餐廳，有得食又有得玩，於是來試試水準。餐廳環境清新，空間寬敞，有不少卡位，正好可以舒舒服服地邊食邊傾計，注意有最低消費成人每位$150，而小童入場費$158包括一份兒童餐、韓服體驗及遊玩區。遊玩區面積巨大，亦有多種不同的項目設施，娛樂性十足，小朋友玩足兩個鐘。餐廳有不同的經典韓國菜及韓燒菜式選擇，另外亦有小童菜單。甫入座侍者立馬奉上韓式前菜小碟，調味精準，一吃酸爽香口，十分開胃，而芝士粟米在爐中燒溶後十分惹味，以上前菜全部均可無限追加。冷壓橙汁/冷壓蘋果汁 $32先點兩杯冷壓果汁，一呷清甜可喜，純粹的果香氣味，絕無加入糖水。頂級霜降牛小排 $188點了燒肉最佳的牛小排，牛肉炙燒過後，入口先有脂肪的油香，然後抿出香濃的牛肉味，配以奉送的生菜以醬料同吃，十分滿足。韓國鰻魚 $256然後點了一客韓國鰻魚，相對日式鰻魚，韓國鰻魚比較似肥美的大白鱔，先原條烤炙，之後再剪成小塊加上醬汁，令每一面都有燒烤香氣，入口彈牙爽口，肉質油香鮮美，一流。芝士炸雞 $220始終敵不過炸雞的引誘，點了芝士口味的韓式炸雞，外皮香脆，內裡嫩滑可口，可以