影片
更多
2014-08-24
2308 浏览
曾到訪過辛安東元祖奶奶雞銅鑼灣店，嗰次除主打嘅奶奶雞之外，亦試咗多款特色小食，感覺良好，既有新鮮感，又食得滋味。今回再訪，則嚟到鋪位較大嘅旺角店，食完奶奶雞仲可以晌附近嘅HeSheEat、Next Station Dessrt、樂甜品……等食埋甜品先走，一定帶著滿足返屋企。未入店內，門口掛滿食客對店家嘅心意「雞牌」，已經喺一個頗有趣嘅場景，其實，想咩就寫咩都得啦，不妨寫下對朋友嘅祝福都唔錯啦。（註：上到二樓都一樣見到相同用作掛紙牌嘅大鐵網）樓高兩層嘅旺角店，比起銅鑼灣店確然大好多，水泥地板，水泥配灰磚牆身，帶著一份隨意、粗豪，而牆上唔少韓國懷舊海報，喺其特免，而嚟幫襯嘅客人大多數都喺一大班嘅後生仔女，整個場都變得滿載歡樂氣氛！雖然再訪，奶奶雞始終喺重點之一，仲要揀番上次都食過嘅釜山鮮蠔版，另外，再加啲之前未試過嘅小食及主菜，臨尾嚟個熱鍋及飯品，已成為一餐豐富嘅韓食。釜山鮮蠔奶奶雞 $178半隻 / $258全隻奶奶雞固然好食，加埋釜山鮮蠔當然雙重滋味。奶奶雞喺接到單先做，製作需時，所以旺場之時更要耐心等候。由於我哋都唔喺嗜辣之人，要個小辛級別已經好夠（辣度分無辛、小辛、中辛及激辛），「
未入店內，門口掛滿食客對店家嘅心意「雞牌」，已經喺一個頗有趣嘅場景，其實，想咩就寫咩都得啦，不妨寫下對朋友嘅祝福都唔錯啦。（註：上到二樓都一樣見到相同用作掛紙牌嘅大鐵網）
樓高兩層嘅旺角店，比起銅鑼灣店確然大好多，水泥地板，水泥配灰磚牆身，帶著一份隨意、粗豪，而牆上唔少韓國懷舊海報，喺其特免，而嚟幫襯嘅客人大多數都喺一大班嘅後生仔女，整個場都變得滿載歡樂氣氛！
雖然再訪，奶奶雞始終喺重點之一，仲要揀番上次都食過嘅釜山鮮蠔版，另外，再加啲之前未試過嘅小食及主菜，臨尾嚟個熱鍋及飯品，已成為一餐豐富嘅韓食。
釜山鮮蠔奶奶雞 $178半隻 / $258全隻奶奶雞固然好食，加埋釜山鮮蠔當然雙重滋味。奶奶雞喺接到單先做，製作需時，所以旺場之時更要耐心等候。由於我哋都唔喺嗜辣之人，要個小辛級別已經好夠（辣度分無辛、小辛、中辛及激辛），「無辛」似乎欠缺少少風味，小辛就啱啱好，惹味中又引嚟點點刺激，此外醬汁香濃帶甜，雞件肉質細嫩，鮮蠔亦肉厚鮮甜，加埋薯仔、青瓜、紅蘿蔔等配菜，以及嚟自韓國嘅水晶粉，索滿醬汁，煙韌滑溜，真喺越食越滋味。
巴馬火腿水冷番茄 $58店員介紹依款水冷番茄喺前菜新菜式，水冷番茄冰涼爽甜，配合埋晶瑩的蟹籽、爽脆嘅沙律菜，為夏日帶嚟清新嘅感覺，而巴馬火腿亦見質素，油潤鹹香，跟番茄味道對立鮮明。不過……依個冷盤又跟韓食扯唔上咩關係啫！
燒芝士餃子 $52據店員介紹，餃子都喺店內即包，唔喺街外嚟貨，顯出當中誠意。餃子以豬肉及韮菜作餡，包得飽滿，加入少少肉醬及芝士烘焗，味道幾濃香，但喺，可能餃子烚耐咗再焗，口感梗喺有少少過腍嘅感覺。
韓牛漢堡扒 $88一碟兩件漢堡扒，店家已講明漢堡扒自家製，以安東韓牛刴製，不過，跟慣食開嘅漢堡扒晌口感上有啲落差，牛肉似乎打成漿再做成漢堡扒，缺乏咗漢堡扒應有嘅鬆化感同有肉粒嘅質感；配以辣辣甜甜嘅醬汁，個人而言亦唔喺太夾。
急遞鍋 $78急遞鍋都喺第一次食，幾似我哋嘅雜菜煲，鍋中有泡菜、韓式腐皮、韓式魚蛋，整體味道中辣，酸香刺激；而韓式魚蛋入口較粉黏，唔喺爽口型，所以，別跟港式魚蛋比較。事後聽朋友講，依種急遞鍋原來喺東大門嘅小食之一嚟。
蘆筍韓牛炒飯 $88石頭窩飯喺傳統韓式飯品，以石鍋載住，熱力逼人。飯底以露筍、韓牛粒、甘筍炒成，飯粒炒得夠乾身，味道均勻，熱辣辣，又有飯焦，真喺唔錯。另附有一碟紫菜，睇過啲韓劇，知道可以用嚟包住啲飯食，又有另一番滋味。
韓國果汁碳酸 $18 / 韓國鮮奶果汁 $18辛安東嘅飲品選擇挺多，絕唔喺一般嘅汽水嚟，有玄米漿、原粒提子汁、粒粒雪梨汁、韓國果汁碳酸、韓國鮮奶果汁、Asahi啤、真露（韓國燒酒）……等等，今次就前後試咗兩罐：鳳梨味韓國果汁碳酸（$18）及蜜桃味韓國鮮奶果汁（$18），前者喺有氣果汁，味道唔錯，但唔會有咩多大驚喜；後者喺飲落似果汁，奶味不重，蜜桃味香甜，感覺還算得上自然。
總結兩次嘅經驗，奶奶雞的確保持水準，無乜叫人失望，至於其他新試菜式，大致都叫人食得稱心，只喺部份仍需要稍作改良一下。
张贴
