川味雞烤魚大王 (隆亨商場) (已結業)

呢間位於隆亨邨既川味雞烤魚大王，從大圍火車站／圍方行過去約十分鐘路程，響商場外圍，好顯眼。店內唔算好大，火鍋店來說，店員算多，就算坐滿食客，店員非常友好。椰子雞煲（$188/半隻），雞件先以花雕及玫瑰露醃製，再加入雞骨、豬骨、新鮮椰子、桂圓肉、紅棗肉、南北行同杞子等熬煮，怪不得湯底極鮮甜清潤，雞煲一上檯，已經聞到好香既椰子味。加上店員既指導，雞件好嫩滑，真心好食。我覺得個雞煲好食，除了食材好之外，少不了店員專業的協助，不但幫忙落雞件，調教火候，甚至幫我們計時，提醒我們要焗幾耐同埋進食既次序，店員貼心服務，吸引左區內區外既食客，我入坐一會後，店內已經坐滿食客。特級雪花肥牛（$108/細份）雪花分明，肥瘦適中，牛味濃，灼一灼就食得。牛根丸（$58）一咬爆汁，彈牙而有嚼勁。響鈴（$38）索哂啲椰子雞湯，每一口都充滿了濃郁的湯汁，味道清甜。雜菜（＄35）好新鮮，但實在太飽，打包返屋企自用。柚子梳打／百香果梳打（$２６）食到新鮮水果肉，有驚喜。

今晚約了一位朋友吃晚餐，這位平時少出街吃晚餐，朋友又不想出太遠地方，所以選了今晚這間近她回家的餐廳，到達門口，環境真不錯，坐下看了一會餐牌我們選了鍋底芫茜皮蛋鮮芫茜同皮蛋香味，配上豆腐，也有豆腐香味，好爽口滑身，清鮮甜手打烏冬幼身，煙煙靭靭，好爽口嫩滑粟米餃大粒，皮好爽滑，豬肉同粟米平均適中，有鮮濃香豬肉味同粟米粒甜味，味道搭配黑毛豬腩肉片薄薄一片，有厚度，肥瘦適中，特濃豬肉香味，入口極嫩滑，好有口感響鈴厚身，滾一滾已即刻軟霖，咬一口鬆化爽脆火焰芝心丸少見，皮烘到金黄色，脆脆口，入面包住滿芝士，入口濃郁芝士香味流心出來貢丸大粒，爽口彈牙，嘴嚼好鮮豬肉香味

之前朋友食過荃灣分店嗰間嘅烤魚，佢話咁今次試吓雞煲！餐廳唔算好大，但去到嘅時候已經坐滿晒人，我哋係平日夜晚七點幾嚟食我哋兩個人揀咗重慶麻辣雞煲半隻BB辣，加牛柏葉、黑松露餃、鮮蝦雲吞、響鈴同新鮮雜菜。雞煲味道好香椒麻味，雞件大細適中，肉質鮮嫩，而且都好入味，但辣啲應該會再好食啲，可惜我呢個friend唔食得太辣🤪黑松露餃大細正常，好香松露味，餃子皮又薄又滑👍🏻鮮蝦雲吞裏面啲蝦肉好多，彈牙得黎有口感，唔錯唔錯！牛柏葉吸收晒啲麻辣汁幾好食，不過我哋淥得太耐，靭咗少少🤏🏻😮‍💨整體都唔錯，下次可以晏晝嚟食，我見佢哋中午開始已經有烤魚同火鍋供應，咁就唔使一定等夜晚啦😁

之前去過荃灣分店食過, 宜家連大圍都開左分店, 今晚就相約朋友食左餐美味既烤魚火鍋~~係大圍火車站步行8分鐘左右就到餐廳, 入面有部分座位為卡位, 雖然座位唔算好寬敞, 但可接受...一入門口又唔會覺得好焗, 冷氣非常充足!!今次ORDER左條大既原條魽魚(HK$228), 選擇左"重慶麻辣"味, 呢度既辣分為大中小辣三個LEVEL, 我地就揀左中麻辣, 可能因為想就返香港人口味, 麻辣程度都唔會太辣...重慶麻辣湯底中除左魽魚之外, 仲有芽菜, 娃娃菜, 蘿白等既索湯配料, 非常入味~ 主食既魽魚本身已經預熟左8成, 上檯稍為再滾一下就已經食得! 麻辣味冇Cover魽魚本身既鮮甜味, 而且肉質滑而有點實, 食得出唔係死魚果隻煤質地...唔錯!!打邊爐點可以唔叫肥牛, Order左個"特級雪花肥牛(大) HK$98", 色澤鮮紅新鮮炸魚皮 (HK$30), 好香口, 就咁食就好脆, 亦可以放落湯底索左D汁,兩食, 正!!另一個索湯必食選擇有響鈴(HK$32)滷豬肚 (HK$38), 口感比較煙韌爽口, 唔會太硬, 不過滷水味唔太突出...手打墨魚滑 (HK$68), 分一小啖落去火鍋滾