泰金國

营业中

休息中

次次路過泰金國都見到長長嘅人龍，見到咁長龍就唔會想排隊寧願食第二間。今次終於趁放假約埋兩個朋友天未黑就走去食好在早去，太遲去到都唔知要排幾耐隊先食得。等到人齊先可以入座，掃QR code自助落單，用餐時間75分鐘，order滿$500先可以碌卡/電子支付。燒牛肉同飛天通菜果然好好食😋值得encore燒雞翼都燒得ok唔會好乾非常juicy 芒果沙冰叫左少甜都唔錯鮮蝦金邊粉就麻麻地😐個汁唔係好入味有啲失望

招牌燒牛肉韌咗，小食出色，嘢飲滿分，整體還是愛的🫶・・・・・・・・・・・・・・・・・・・・🥩 燒牛肉 5成熟 HK$88・味道：依然牛味重，黑椒香🫶・口感：但韌咗好多🥹多筋sad⋯⋯🐤 泰式酸辣鳳爪 少辣 HK$88・味道：冇乜味，白烚為主，酸辣味亦欠奉☹️・口感：爽脆desu🥬 泰式生菜包 少辣 HK88・味道：肉碎好重香料味，正！・口感：爽口新鮮的～🦐 蝦膏炒飯 HK$78・味道：冇乜蝦膏味啵，不過有啲蝦乾炒香幫補下，蝦都算新鮮。・口感：蝦唔夠爽，有啲淋淋地但又唔係霉。飯係炒得夠乾身的～🥦 飛天通菜 少辣 HK$78・味道：好食，好喜個隻泰式豆鼓keke，炒得幾香但穫氣唔夠重，可能以汁為主。・口感：爽脆唔苦的🍗 泰式燒雞翼 HK$72・味道：呢個出色，醃得入味但唔會鹹。・口感：好嫩滑，每一個位都好嫩，有雞汁添！波爸波妹大讚款👍🍤 皮蛋炸蝦餅 HK$88・味道：皮蛋同蝦餅幾夾，不過比起上次皮蛋芯實淨咗，軟返啲會更好食～但呢碟係惹味好食的！・口感：外脆內彈口keke🥥 泰式椰汁沙冰 少甜 HK$35・味道：好香椰汁味，少甜對0甜波嚟講啱啱好～・口感：有小小冰粒但OK可以接受🥭 芒果沙冰

8點後無咁多人 排一陣就有位聽講好難會有個位所以好高期望好簡單點左四個餸呼聲最高嘅燒牛肉果然係幾好食落好Juice 任何一個位置 好火候控制得好好蒜蓉包令我好驚喜 可能因為炭燒 所以好香口搽蒜蓉醬嗰位都唔係Hea做好有誠意🤣飛天通菜出水太多 成碟菜濕晒鹽燒烏頭都幾好食 不過不失呢間嘢太旺 第一碟飛天通菜差唔多食晒 其他餸先至到 燒牛肉直程係漏咗單咁滯不過都值得推介嘅 我會再嚟食👍🏻

公眾假期嘅午膳時間，座無虛席。喺九龍城呢一個小泰國區域入邊，要搵一間泰國餐廳絕對唔困難。芸芸咁多間舖頭之中，呢一間都算係人氣之選。招牌菜我諗都係離唔開行過門口就會見到嘅炭爐燒烤。燒烤入邊最好食嘅，個人認為係牛扒同埋豬頸肉。牛扒醃得好入味，再加埋炭燒嘅香，仲有醒味嘅酸汁，簡直係絕配！豬頸肉亦都係有濃郁嘅炭燒香。至於冬陰功呢，都係真材實料。一份$128，夠四個人食到津津樂道。入邊仲有成三四隻大蝦，絕對冇偷工減料。飛天通菜亦都係色香味美。選雖然環境一般，服務一般；但係咁嘅價錢，食到真正泰國嘅味道質素，算係高性價比之選啦👍

今次去咗泰金國食晚飯，喺九龍城都算好出名，歷史悠久，好多人都介紹個燒牛肉，一於去試吓。啱啱好6:00去到，坐咗最尾一張枱，走嗰陣出邊已經排長龍。兩個人，叫咗燒牛肉、蝦膏炒飯、生菜包、飛天通菜、百香果沙冰同埋泰式奶茶。燒牛肉好大碟，基本上枱枱都有叫，燒出嚟隻色好靚，大概五成熟，好多人都讚個汁，但係我覺得就咁食好食啲。蝦膏炒飯新鮮炒起好香，大大碟幾抵食。生菜包同通菜都唔錯，冇乜特別。至於兩杯嘢飲，個百香果沙冰應該係糖水溝出嚟，味道麻麻哋。泰式奶茶就幾好飲，茶味香，同港式奶茶相比係第二種風味。聽過人講喺嗰度加單會俾人鬧/黑面。我哋落單嗰陣已經同我哋講只可以加一次單，我哋加單之後就收咗我哋本Menu，但就冇唔友善嘅態度。兩個人最後食咗$396，食唔晒要打包。總括嚟講，食物質素幾好，性價比幾高。服務都唔錯，有求必應，係坐得迫咗少少。但係都推介嘅。

如果有去過呢間舖頭嘅朋友仔，一定見到每次都大排長龍，因為一次機緣巧合， 6:00就去到九龍城，當時人龍都仲未出現，梗係嗱嗱聲入去試吓啦，點知試完之後竟然令我一試難忘。首先食咗佢嘅烤牛肉，牛肉嘅軟硬度適中，而且肉味豐富，再配埋佢哋自家製嘅醬汁，實在令到牛肉嘅味道更加提升到佢另一個層次。之後再去試咗佢嘅蒜蓉包，雖然係普通嘅蒜蓉包，但係蒜蓉味充足，而且足料，唔會好似其他舖頭咁，得好少蒜蓉或者好少牛油。再食埋佢嘅泰式炒金邊粉，金邊粉充滿鑊氣，而且配料充足，份量亦都好大份，我同女朋友兩個食都食唔晒，最後仲要打包返屋企，通常唔係特別好食嘅嘢我哋都唔會打包返屋企，但係呢一碟金邊粉真係值得我哋由九龍城拎返去屯門嘅屋企。最後我哋食咗佢嘅飛天通菜，如果你係一個鍾意食辣嘅朋友，咁就啱晒因為辣味同菜互相配合，辣味完全滲入菜葉入邊，好似融為一體咁。

// #賤精黃店地圖💛 間野叫：泰金國 𝗧𝗵𝗮𝗶 𝗖𝗼𝗹𝗱 𝗖𝗶𝘁𝘆邊度黎：九龍城衙前圍道𝟯𝟲號𝗔地舖••••••••••••••••••••••••••••••燒牛肉 $𝟳𝟴𝗕𝗕𝗤 𝗧𝗵𝗮𝗶 𝗕𝗲𝗲𝗳𝟴.𝟱分本人衝住呢碟燒牛肉而來 雖然係人龍小店 但卻無失望而回 肉質粉嫩大家有目共睹啦 牛味越咬越濃 邊味有些少焦香味 配上特製泰式醬汁 甜中帶辣 辣中帶香 對得起價錢有餘 唯一挑剔係部份位置有筋 睇你彩數啦••••••••••••••••••••••••••••••泰式海鮮炒粉絲 $𝟲𝟴𝗙𝗿𝗶𝗲𝗱 𝗦𝗲𝗮𝗳𝗼𝗼𝗱 𝘄/ 𝗩𝗲𝗿𝗺𝗶𝗰𝗲𝗹𝗹𝗶 𝗶𝗻 𝗧𝗵𝗮𝗶 𝗦𝘁𝘆𝗹𝗲𝟳.𝟱分粉絲炒到好爽身 有鑊氣 份量好夠 係食到碟底會比較多油 小炒詬病 不能太過挑剔 呢碟泰味唔出 下次試醉貓肉炒粉絲 有𝗕𝗮𝘀𝗶𝗹同辣椒會更泰••••••••••••••••••••••••••••••飛天通菜 $𝟲𝟬𝗙𝗿𝗶𝗲𝗱 𝗠𝗼𝗿𝗻𝗶𝗻𝗴 𝗚𝗹𝗼𝗿𝘆 𝗶𝗻 𝗧𝗵𝗮𝗶 𝗦𝘁𝘆𝗹𝗲𝟴分出面食飯向來都不點蔬菜 唯獨飛天通菜另外 通菜嫩口無渣 醬汁有層次 先鹹香後辣勁 仲有夾雜少少蝦乾一齊炒 出色之作