Olive Cafe (新領域廣場) (已結業)

📍 Olive Cafe早幾日帶左嗰鍾意食肉嘅朋友去左呢間餐廳佢哋嘅套餐可以任添白飯、沙律同埋餐湯✨-牛隔肌150g拼虎蝦 $158呢個係廚師推介餐牌入邊☺️ 牛隔肌有兩舊 切開入邊唔係好熟 可以係石板上燒一燒先食✨ 食落去煙靭 有咬口虎蝦上面有滿滿嘅芝士 芝士食落去拉絲😙 隻蝦都幾大隻食肉獸薄餅 $132雖然個薄餅個名叫食肉獸 但係嗰薄餅其實有香腸、煙肉同芝士為主🤣個薄餅薄身 嗰邊食落去好脆 芝士仲拉絲😋 不過嗰底有啲油😳芒果蛋糕 +$28係跟餐加錢嘅是日甜品🍮 蛋糕上面有芒果粒食落去口感順滑 偏甜左少少🤏🏻青蘋果蛋糕 +$28呢個係另外一款是日甜品蛋糕🍰但個中間有一啲青蘋果粒 食落口感同芒果蛋糕一樣 都係偏甜Mocktails $48佢哋咁啱做緊mocktails 買一送一優惠🙆🏻‍♀️就同朋友叫左一人一杯～我地叫左PURPLE PUNCH + YOGHURT SODA飲落去甜甜地 似汽水口感-大家睇完我哋嘅食評之後 想試嘅話可以參考下面嘅地址😚👇🏻地址：荃灣西樓角路1-17號新領域廣場地下4號舖- #荃灣 #荃灣美食推介 #西式 #石燒扒 #荃灣美食 #hkfoodies 🇭🇰 #

呢間位於新領域廣場天橋底下面，位置比較隔涉，但係lunch hour都有好多打工仔去幫襯🥰見到大家很支持黃店在太好啦！🐷🐮食肉獸薄餅🍕 $128Pizza上面有好多香腸同辣肉腸🌭、亦都有好多嘅芝士🧀多到可以邪惡拉絲🤤同事亦都食得出茄醬嘅香味🥫薄餅底應該係自己整嘅，夠薄夠脆👍🏻推介呀🍝意粉自由選 $68 (lunch)我揀咗螺絲粉配煙三文魚🐟同蘑菇🍄，醬汁方面就揀咗蒜香白酒🧄🥂煙三文魚同蘑菇嘅份量都好多🤩不過蒜香白酒味道唔夠強，個人認為可以再鹹啲啲🤭另外呢度仲有自助沙律🥗吧同湯🍲，而且整體都好衛生😙不過店舖唔係好夠人手，所以需要等一陣😣辛苦晒喇🙏🏻

今晚黎li間喺荃灣站附近嘅餐廳食左德國醎豬手, 脆到令人驚喜😲, 見門外易拉架嘅menu就知餐廳主打石燒嘅肉, 基本上樣樣main dish都自動變做set, 包無限refill餐湯, 飯&沙律corner.🍖Olive德國🇩🇪醎豬手 (HKD148)廚師已細心將豬手拆肉, 但仍保留小小肉喺條骨度上埋個石燒板. 附上蜜糖+芥末點豬手, 塊皮燒到超級脆而唔韌, 每一啖都聽到脆皮聲, 醎豬手肉同筋分比例好好, 味道濃(可以去沙律bar𢳂碗珍珠米煲成嘅飯黎送)哎丫....我地掛住食豬手無出去𢳂飯🍚🤣.🍕食肉獸薄餅 (HKD128)Li個pizza都好正a, 係店內即做, 批底軟熟, 芝士份量超多勁拉絲🧀, 鋪滿哂煙肉, 一片片辣肉腸同斜切腸仔, 真正啖啖肉, 推介!!🥘羅宋湯d料豐富到....蔬菜超多. 仲要有肉食.🥂Menu有多個加錢嘅餐飲options, 加10蚊就有杯ginger ale.

最近因為安全起見，大多數都在家煮飯，今天決定去附近的這家Olive Cafe，試試口味。餐廳環境裝飾時尚，空間寬敞，燈光有情調，正好可以舒舒服服地傾計，入座時餐廳貼心在為每為客人量度體溫，保障他人保障自己，十分抵讚。晚上有石燒套餐提供，簡單可以一人一個Set Dinner，亦有Pasta或Pizza套餐，所有套餐都可以無限量享用沙律、餐湯及白飯，性價比十分之高。沙律、餐湯及白飯都放在吧枱，以自助形式供客人自取，而白飯用上日本珍珠米，可見非常重本。粟米忌廉湯是日餐湯是粟米忌廉湯，做法也因應日式石燒主題是偏日式的忌廉湯，有著濃郁的忌廉奶香味道，味濃上口帶有層次感。美國極黑毛豬選了300克的美國極黑毛豬，黑毛豬來自美國的Snake River Farms，有名有姓品質保證，以熱石奉上，保證熱辣辣，可自行煎烤豬扒表面。豬扒的脂肪豐富，油花分佈均勻，所以一咬肉汁豐盈，甘腴可口，生熟程度剛好，入口肉味濃郁，肉質軟腍，配撘蒜蓉燒肉汁，味道一流。食肉獸薄餅點了一個啖啖肉的pizza，薄餅大而薄，所以口感香脆而不失麥香，有辣肉腸、煙肉及豬肉腸，賣相、味道、口感都十分對辦，有水準。宇治抺茶奶昔最後來一杯宇

星期六在荃灣出完event後，於左穿右插的行人天橋低頭望到這間Olive Cafe，所以就來吃early dinner。餐廳面積雖然不大，人多時會坐得有點擠，不過燈光昏暗柔和，氣氛閑適，頗有情調，而且服務態度殷勤親切，用餐期間店員不時為我們換碟。餐牌選擇極之多元化，這天碰巧趕得及下午茶時段，所以就點了下午茶餐和散叫好幾款。小食拼盤 $72Tea Time Menu可以點小食拼盤，一碟就可試齊雞翼、洋蔥圈、炸蝦和炸薯條，包餐飲一杯，相當抵食！其中雞翼和薯條都是出色之作，雞翼烤得金黃香口，一咬開肉汁豐富。露絲瑪麗薯條配黑松露醬 $38小食拼盤裡的薯條令我這些薯仔控欲罷不能，所以又再點多一客，極厚切薯條炸得外層酥脆，肉心軟綿細密，邪惡又美味，完全吃到停不了口！食肉獸薄餅 $128pizza餅底較薄，雖然不算很脆，但就不像美式般厚實，不會吃得飽飽滯滯。表面舖滿厚厚的芝士，可以造出拉絲效果，芝香濃郁，配料有辣肉腸、煙肉和意大利肉腸，全肉配搭必定可滿足各食肉獸。龍蝦意大利飯 $178一上枱已是香氣撲鼻，意大利飯全然吸收濃郁香料味道，而且飯量很足。最貼心的是龍蝦上枱時已經預先剝好，不用狼狽地自己動手

為左遷就係荃灣工作嘅爸爸，我地一家今日選擇左黎olive cafe食晚飯，順道為哥哥慶祝生日呢度環境不錯啊，相信天氣涼啲嘅話，坐户外都好有氣氛、好舒服一坐底，服務員馬上為我們遞上餐牌及水，十分貼心，落order後，很快就有餐包及餐湯了。有別於其他西餐廳，呢度嘅餐包有少少似蛋糕嘅質地，再配埋啲特別調教嘅沙律醬，不錯啊餐湯我地加$38升級左做龍蝦湯，都幾大碗嫁，仲有大大隻蝦係入面，個湯龍蝦味十足，仲飲到啲蝦羔味，非常惹味叫左個食肉獸pizza,足足有12吋，一家人食啱哂，pizza即叫即焗，上枱時熱辣辣，餅底不厚不薄，食埋條邊都唔會滯仲有炸雞翼，皮脆肉滑，個人認為十分扺食，爸爸媽媽怕熱氣，益哂我同哥哥，yeah我地另外叫左兩個set dinner share食，蜜糖豬手，相信係呢度嘅招牌菜，豬手夠大隻，豬皮脆卜卜，同時又keep到入面啲肉夠滑夠多汁，配埋面頭嘅蜜糖汁，好味到呢，仲有沙律菜同薯條伴碟，好彩share炸，如果唔係實食唔哂而蜆肉意粉，帶微辣，蜆肉新鮮，意粉調味剛好，不咸不淡，不錯啊野飲方面，我揀左呢杯Ice bubble black Forrest，即係凍朱古力，呢杯係誠意之作，