走過十萬八千里找到你

营业中

休息中

呢間餐廳名稱好有台劇feel，好浪漫，好易入腦。一入到餐廳，好似入咗花海咁，天花及窗邊佈滿乾花及乾草，而牆壁畫上浪漫嘅風景，有摩天輪，有夜景等，天毛掛上月亮吊燈，整個氣氛充滿詩意。午市套餐可選意粉，意大利飯或主菜。惠顧以上任何一款菜式，可加$55跟餐，包餐湯，餐包及$60以下飲品。🌸是日餐湯：南瓜湯餐具非常可愛，湯碗係動物造型😆南瓜湯熱辣辣送上，好香南瓜味同埋香草嘅味道，湯汁濃稠度適中，唔係太杰。伴有香脆蒜蓉包，麵包焗到超香脆，仲有好濃嘅牛油蒜蓉味道，好香呀！🌸明太子岩燒蟹棒貓耳朵 $148菜式名字好可愛，吸引咗我嗌呢道菜式。蟹棒經過火炙，口感焦香。鹹香嘅明太子及鮮甜三文魚子拌入忌廉醬汁，濃稠到適中，每一顆貓耳朵都有醬汁，貓耳朵質感柔軟彈牙，入晒味😋🌸三文魚籽龍蝦汁意大利飯 $178顏色鮮艷，大蝦放喺最頂，擺盤賣相幾靚。大蝦多肉，烤得好香。龍蝦汁濃郁，米飯吸收咗醬汁精華，加上有三文魚籽點綴，粒粒鮮明，口感卜卜脆爆汁。飯入面，加入咗瓜類，及意大利飯上，放咗沙律菜，增添咗色彩同營養，令菜式更健康。🌸藍莓白茶 $48一見到呢壺茶就即刻叫因為藍莓係有抗氧化成份，一定要補充吓！白茶淡香，入口清新

早2個星同幾個閨蜜又食飯，梗係要搵間又可惜又可以打卡嘅餐廳，之前都已經有留意，一上到餐廳就深深俾佢嘅裝修吸引住。跟住就每人嗌一樣嘢食一齊share，傾吓偈食吓嘢。忌廉龍蝦汁甲羅燒貓耳朵果汁好好味，每一啖都口感豐富，而且意粉亦唔會太硬😋😋😋日式原條鰻魚意大利飯成條鰻魚好吸睛，汁醬配得剛剛好，意大利飯會軟硬度亦非常好👍🏻慢煮阿根廷殼飼西冷好多肉汁 肉味濃厚 熟到剛剛好🥰慢煮豬肋骨肉質鬆軟，配上燒烤汁， So 😋 yummy宇田抹茶紅豆自家窩夫四個女人仔點會唔食甜品，第二個胃開動，窩夫口感香脆配上紅豆抹茶，絕配黑朱古力布朗尼蛋糕香濃朱古力 跟雲呢拿雪糕配合。好食到爆燈。

📍 走過十萬八千里找到你一間以乾花為主題既打卡cafe，餐廳裝潢設計好靚，天花板掛滿五顏六色既乾花💐，亦有唔少既滿天星，令人置身於花海裏面，非常賞心悅目🥰另外，牆身仲畫有摩天輪𤩹畫🎡打卡位好多，啱曬少女心既大家💕🥘餐湯+多士餐湯係忌廉湯，味道正正常常，用個好cute cute既杯裝住；多士有搽蒜蓉再微微烘過，好脆口！🍝北海道帆立貝海膽醬扁意粉 $178木魚絲同紫菜絲鋪左係意粉上面，熱力令佢鬱鬱下幾有動感✌️最引人注目既應該就係帆立貝，總共有兩大粒，煎完之後放喺意粉兩側～食落冇乜雪味👏但海膽醬反而唔係好食到🫣唔夠濃郁，醬汁比較稠身，做唔到creamy掛汁既效果🐟原條鰻魚意大利飯 $178鰻魚原條上，超級大條！🤩鰻魚食落有咬口，唔會太腍，最重要係冇魚骨😌鰻魚汁味道甜甜地，幾好餸飯～飯亦有唔少既配料，有大量木魚絲、紫菜絲、翠玉瓜粒粒，不過意大利飯既質地比較硬身，但鰻魚既味道可以搭救😍♦️紅寶石巧克力草莓鮮奶 呢杯值得一試！Cream 同玫瑰花瓣作裝飾，杯邊仲有粒粒既士多啤梨果粒🍓味道酸酸甜甜，好開胃！無論係味道定係賣相都相當唔錯👍🏻🍹自家製草莓醬梳打超多既草莓果蓉沈澱喺杯底，呈現粉紅色💖味道方面

呢間Cafe早排一度爆紅好難book位，#🐮GF 同朋友咁岩出開旺角就決定試下佢🤙🏻一入到去成間舖頭包括天花板都係質感滿滿嘅乾花🥹身為專業級港女真係超級心心眼😍 平時一路覺得樓上cafe食物都好參差，估唔到呢間有驚喜🤩🍝明太子岩鹽燒蟹棒貓耳朵 ＄ 138好少香港cafe有貓耳朵意粉👍🏻煙煙靭靭好正😻明太子醬入面好多蟹籽超惹味🦀 最上仲舖左蟹棒同巨量三文魚籽，啖啖都口感十足 🫶🏻🍛磯燒魷魚筒墨魚汁意大利飯$148落單時店員都好細心提我地話呢個risotto比較重口味，我地緊係唔介意啦🤣 黎到魷魚筒燒到金黃色仲好彈牙🦑墨魚汁果然好濃郁惹 risotto軟硬適中🍚光速清碟🤩☕️手工黑芝麻Latte $56好香黑芝麻味，拉花超專業👍🏻🍵草莓白茶＄48唔想咁漏所以叫左茶🤣 飲落好清新順口。啱晒食完野飲返杯有助消化。

今晚去咗間人氣打卡餐廳食飯🤩 一出𨋢頭頂已經有好多例掛嘅乾花🌸 因為有訂枱，所以唔洗等好耐就可以入座, 餐廳唔大，星期五晚上坐滿哂，見到好多人摸門釘🥲我哋首先叫咗黑松露薯條（$68），上菜嘅時候仲係熱辣辣，上面曬咗黑松露粉，再配埋個黑松露醬，好香口☺️ 份量仲一啲都唔細，$68 算係好抵！跟住上咗個餐湯同面包（跟餐加$45），今日係意大利雜菜湯，用兩隻shiba杯裝住，啱哂打卡🤩 湯味濃郁，面包暖暖地好有牛油味，點埋個湯黎食一流👍🏻主菜我哋㨂咗日式鰻魚扁意粉（$148）同安格斯牛肩胛一口牛温泉蛋茶漬飯（$198）。鰻魚意粉煮到al dente，沾滿咗鰻魚汁，甜甜地，好好食☺️ 。而茶漬飯上面嘅一口牛開頭擔心會好硬同有筋，好彩佢唔係🤣 ，茶漬配上日本珍珠米十分開胃，極度推薦👍🏻。跟餐飲品就揀咗最多人推薦嘅玫瑰抹茶同埋紅寶石朱古力草莓鮮奶🍵 。玫瑰抹茶個拉花好靚，上面有啲玫瑰花瓣點綴，綠茶味濃而不苦🙆🏼‍♀️ 紅寶石朱古力就膩啲，飲到好濃嘅朱古力味，個底有啲草莓粒粒，上面有啲cream, 推介俾中意甜啲同中意朱古力嘅朋友😇雖然好似唔係叫咗好多嘢，但兩個人食到好飽，最後埋單人均二百幾🥳。 啲員工服

呢間打於Cafe想嚟好耐了！終於有機會日光時份嚟到～室內佈滿花花🌸💐靠窗位置日光充滿打卡無敵啊！當日都有幾對情侣卿卿我我🥰餐包同湯品🫕貓貓杯餐湯好治癒！南瓜忌廉湯~🥖餐包浸落個湯度一齊食會好啲😂🍝法式蟹肉蝦膏汁扁意粉 $148 呢個意粉都幾多蟹肉絲，扁意粉夠彈牙又掛汁~同朋友仔Share食都可以每人2碟左右😆🍲日式壽喜燒牛肉溫泉蛋茶漬意大利飯 $148表面撤滿紫菜同芝麻嘅茶漬意大利飯~味道相對較健康~牛肉大大塊唔會太肥, 份量剛剛好~有埋隻溫泉蛋令到個飯好開胃~🍵淹沒 $48 抹茶雪糕 紅豆 Affogato估唔到有抹茶雪糕嘅Affogato! 抹茶雪糕上面有滿滿紅豆, 將熱嘅Espresso倒進抹茶雪糕杯中🍨 好鐘意呢個配搭～如果抹茶雪糕可以再少甜啲突出返抹茶濃度就更加正😇☕Latte $48 靚靚拉花~相對嚟講無咁甜~

星期六晚6點鐘2位準時入座🥳可能因為時間尚早唔係太多人環境清靜坐得舒服👍🏻不過我坐比較角落嘅位周圍唔多花要某啲角度影先打到卡🙈如果想打卡嘅可能訂位要同定餐廳講安排返中間位📷今次我同朋友叫咗一個2人套餐有餐湯、2個小食、2份主食、飲品、甜品開頭以為會食得哂所以先叫套餐點知真係睇小咗佢啲份量😨餐湯係蘑菇湯冇諗過個湯係咁好飲！😋勁多蘑菇碎 同埋質感好creamy 係「傑傑地」一飲就知唔係罐頭🤩餐湯仲有跟2個餐包嘅然後小食叫咗黑松露薯條+龍蝦沙律小法包黑松露薯條個人覺得唔算好出色就咁食薯條冇味 而個黑松露醬唔算好重黑松露味😕龍蝦包得2小舊 味道可以的 不過不失👌🏻主食 叫咗最出名嘅明太子貓耳朵+蜜糖芥末risotto 如果唔鐘意食芝士 千其唔好叫呢款risotto佢個menu冇寫有 但一上就勁大陣芝士味結果我只係勉強食咗小小😢明太子貓耳朵係好食！👍🏻有勁多蟹籽同三文魚籽😚飲品就叫咗荔枝紅茶開頭以為佢係用果汁溝嘅果茶但飲落一啲都唔甜 同埋真係幾有荔枝香幾啱解濟😝最後甜品食培茶同抹茶雪糕個人覺得培茶比較冇咁甜同重茶味啲！

今次終於同朋友黎試呢間乾花cafe 一入到黎就見到cafe個天花度有好多乾花，同埋一d打卡位，覺得幾靚。食物方面，我地叫左兩個餐，有菠菜雜菌蕃茄醬扁意粉同埋蟹子蟹肉意大利飯。個人比較鍾意意大利飯個個，幾creamy同埋唔會過膩，都食到有蟹肉。意粉個個就比較淡味冇咩特別。另外加配左個水牛城雞翼，少少辣味道幾濃。餐湯方面係西蘭花忌廉湯，呢個幾特別，味道都幾好，但餐包就略嫌細舊，冇咩味同埋少少硬。餐飲我地加錢要左個鮮奶焙茶，一個熱一個凍，兩杯味道都濃焙茶味，幾推薦。不過因為要同人搭枱 所以可能唔係太影到打卡相 另外建議book位 因為餐廳比較細