金船長餐廳 (已結業)

係好耐之前同舊同學去過呢間餐廳食過，印象不錯！今次去男朋友到大角咀，決定Encore呢間餐廳。餐廳不大，有意去食的可以先打電話訂枱。2人叫左2個Set同1份Pizza及1份甜品。一睇Menu就對黑松露Pizza心心眼，即刻叫返客試試。另外叫左一個鴨胸配薯菜同埋黑松露意大利飯。本身想加多$99配個3安士的鵝肝，不過當日無貨。餐湯有洋蔥湯同忌廉湯可以選擇，洋蔥湯好有驚喜，平時比較少有之餘，洋蔥味都幾香！忌廉湯同市面上差唔多，唔係特別好或者特別差。先上菜的係Pizza!! 全名有D長「黑松露菌醬意式馬斯卡普芝士夾心比薩」，聞落勁香，仲要外脆內軟。打開見到黑松露醬上下都搽得滿滿，令每口都充滿黑松露的味。Pizza配埋餐廳自家製的提子果醋及沙律菜，令到味道更Fresh更Balance！Good Match到紅酒汁鴨胸配薯菜... 鴨胸有少少「蘇」，不個紅酒汁幾香，D蔬菜又夠冧身。呢個黑松露意大利飯每粒飯粒都好飽滿，不過調味重手左少少，令到成碟飯味道偏鹹。叫任何主菜都可以加$38要一份甜品，熱愛即焗甜品的我當然加左一客雲厘拿梳乎厘食。等左20分鐘到，一大杯漲卜卜的梳乎厘送到！呢個梳乎厘一D都唔He

聽到個個都話去大角咀一定要去金船長，終於搵到朋友到呢間餐廳一試，但可惜同預期有點兒距離‥‥‥總算係平日，諗住唔使訂位，但安全起見，一行五人如果WALK IN無枱，咁就‥‥‥‥六點半即電，七點半即有枱，否則果晚企係店外食風都會食得飽。先上餐湯，四個main courses都揀做跟餐，餐湯好味，濃郁忌廉味，正！黑松露菌醬意式馬斯卡普芝士夾心比薩差唔多枱枱都叫，朋友都提我一定要試，我記得，但唔知係唔係太高期望而令到失望。真心，唔係我既口味，黑松露菌醬要食，我會揀配意大利飯或者白湯，配pizza真係有gimmick，pizza面既芝士粉係重，我食pizza都會勁加，但可惜配齊晒所有野，個感覺真係有D古怪，真心，唔係我杯茶‥‥‥正常既雞翼，無特別！到呢個豬，厚切，以為無咩特別，只係當晚餐牌上其中一個推荐，點知有意外！肉汁好夠，雖則厚但一D都唔韌，而且燒到岩岩好，唔會焦晒，呢個豬，嬴晒！海鮮寬條麵，如果可以多D蕃茄汁就好啦，海鮮、麵同醬/汁好似三樣分開左既野，面頭芝士重D就更加好！大蝦意大利飯，不過不失！整體而言，對pizza太大期望，相反失望；對塊豬無期望，相反又俾意外我，不過我相信呢間餐廳出名

金船長喺大角咀一向都好出名每次經過門口都排滿長長的人龍見今日有時間，所以去試試佢係咪真係咁好食今日去到竟然唔洗等位，即刻有得食^_^去到第一時間就點左招牌得獎菜 (黑松露菌醬意式馬斯卡普芝士夾心pizza) $108叫一個主食+$28 可於轉set有湯+飲品，所以我地都轉左先上餐湯 (忌廉粟米蟹柳湯)正常餐湯一個，不過個蒜蓉包好好食焗得好香白酒忌廉汁青口 $886隻青口好大隻，新鮮完全冇鯹味青口配個白汁好好味，因為個白汁好香濃黑松露夾心pizza終於到估唔到外型係咁，開頭仲以為好似傳統pizza咁原來佢兩塊芝士餅底夾住黑松露醬呢個Pizza有三種食法，第1種食法係就咁食咬落去個皮好脆，好香巴馬臣芝士味，食落去陣陣黑松露味滲出，外脆內軟第2種食法係點提子醋，個提子醋係餐廳自己調配既，提子醋唔會好濃，冇搶左黑松露既味，點完覺得仲好食左，食落好清新第3種食法係夾埋佢旁邊既菜黎食呢種食法冇咁油膩，都好特別呢個pizza雖然充滿芝士同黑松露，但食完都冇覺得漏仲好好味，唔怪得會得獎另一主菜係10安士西冷牛扒手扒好大塊，足料，我揀左7成熟食落d肉好嫩，一d都唔韌脂肪比例啱啱好，我本身揀左香蒜汁不過店

搜尋大角咀美食時,已經好注意到金船長,聽聞比薩又特別又好吃, 決定 !!本身BOOK左位,不過都要等20分中左右入面氣候唔錯, 昏昏暗暗, 似專比情侶來吃的。侍應的服務都讚,因為實在唔知點樣自選車仔意粉。 等左10分中左右, 見到份量唔大,如果2個人既SHARE一定唔飽..特別好食? 唔覺牙 !!! 只係可以自選 ... (紅磡有間叫 X蠔屋的意粉自選又大又平)黑松露菌醬意式馬斯卡普芝士夾心比薩比較期待呢個, 個名長到其實唔係好食姐係咩野 有8件既, 一來到果時個侍應介紹你點食,可以放D椰菜入去/點果D汁食面頭有好多芝士粉..入面係有黑松露.一咬口已經成日洋溢左芝士粉..仲有陣黑松露味, 讚不過如果2個人每人食4件,係好吃力既事... 好飽!!!朱古力心太軟就好似生日必點既野食,咁岩隔離台又叫左又係生日.哈哈, 不過早一日訂會有名ANYWAY, 流心度一般,流心朱古力仲有小小麵粉味,係好味既,不過未係想像中咁好食。ANYWAY, 服務真係好讚,野食算物有所值, 如果想平平地慶祝生日,呢到 唔差。

平時喺旺角食得多,呢日係第一次到大角咀食晚餐見OPENRICE呢間唔錯, 決定黎試下!由於唔熟悉大角咀,搵左好一段時間 > <冇BOOKING,等左30分鐘左右，但侍應生好好招呼，讚!餐廳唔大，入到去一眼睇晒，不過環境OK! 餐湯白湯黎講，算係好好味! 自選意粉揀左扁意粉、雞肉、蟹柳出乎意料地好味! 略嫌份量少!豬肋骨好惹味! 2個人SHARE食份量剛剛好!心太軟雪糕熱烘烘的朱古力心，甜度剛剛好! 好味!!

今日難得放假，點都要俾自已既胃口享受下。咁就同幾個老友去左呢度食，呢間都好巴閉，唔訂位都唔知要等幾耐。而且訂左位都剩係幫你hold一個字，所以book左位都要準時呀。另外，佢地會有食野既限時，一般都係一個鐘頭三個字。我地三個叫左兩個餐，金船長芝士漢堡、焦糖燉蛋同火焰雪山。餐湯分別係羅宋湯同忌廉湯。個羅宋湯都有濃郁既蕃茄味，但料就唔算太多。而忌廉湯就唔錯，個湯好夠味同好濃。絕對唔係"麵粉"湯。牛仔肉呢個唔錯既，肉夠淋之餘，肉味又夠。而且又唔會太熟或者太生，不過配菜既薯條就唔係太熱，可能係炸左薯條既緣故啦。辣肉醬天使麵個份量都幾多，肉醬酸酸地幾開胃。而天使麵又唔會太淋又唔會太硬，可見整天使麵要相當既技巧。話明辣肉醬，就應該辣辣地。點知唔食得辣既美女都唔覺得辣，可見個名有......金船長芝士漢堡絕對好食過某連鎖快餐店。個漢堡雖然唔算大份，但製作好認真。個牛肉都幾大舊，肉質juicy。而配菜既薯條係新鮮炸起，卜卜脆，好好味呀。焦糖燉蛋呢個係凍食既，個蛋味好夠，而且好滑。美女話熱食既都唔錯，但面頭既糖膠可能會溶哂。而俊男話想享受燉蛋既美味，應該糖膠面輕敲一下，糖膠同燉蛋一齊食先最好食。可