泰然 (長發廣場)

营业中

休息中

青衣抵食泰國菜🌸去骨海南雞配油飯(半隻)$98⭐️⭐️⭐️⭐️☆好大隻雞髀位，雞皮肥美雞肉新鮮嫩滑，啖啖雞肉，油飯十分香口，再搭配餐廳秘製醬汁真係送飯一流呀！🌸炭燒豬頸肉$78⭐️⭐️⭐️⭐️⭐️外皮燒到脆卜卜，微微既炭燒香，豬頸肉燒得剛剛好微微嫩紅，都幾多下，再沾上燒汁一上枱傻婆們就好快甘食晒啦～🌸香芒軟殼蟹米紙卷$78⭐️⭐️⭐️⭐️☆芒果十分香甜，軟殼蟹香脆可口，再加上甘荀絲、青瓜絲、生菜、冬粉，最後沾上餐廳既酸甜汁食，十分完美，傻婆們點晒d汁黎食呢～🌸燒菠蘿$32⭐️⭐️⭐️☆☆每一口菠蘿都酸中帶甜，消滯開胃一流🌸火龍果芝士沙冰$32⭐️⭐️⭐️⭐️⭐️用左足料既火龍果打成沙冰，顏色好靚，簡直係啖啖火龍果肉既沙冰，而且不會太甜，甜度適中，而且比較少有火龍果既飲品。🌸芒果芝士沙冰$32⭐️⭐️⭐️⭐️⭐️用左足料既芒果打成沙冰，食到一絲絲既芒果肉，芒果味好重，而且不會太甜，甜度適中，再加上芝士真係好正，夏天飲一流👍餐廳裝修具泰國風情，環境開揚，座位寬敞，冷氣足夠，店員服務態度良好，午市免加一服務費。======詳情======泰然青衣担杆山路6號長發廣場地下114B號舖================

之前讀中學嘅時候都有去過長發廣場度食嘢😗不過嗰陣就係去掃街食小食 估唔到俾我搵到一間平價泰國餐廳😎.📌香芒軟殼蟹米紙卷 $78每次都必食✨外皮好煙韌 內餡夾住鮮甜厚切芒果肉🥭炸軟殼蟹🦀粉絲, 雜菜絲, 生菜🥬軟殼蟹好大隻好多肉 唔係得層粉 炸得好香脆🤩因為入面有好多配料 所以食落好清爽 仲要凍冰冰 做前菜一流🫶🏻.📌泰式菠蘿海鮮炒飯 $98媽咪好鍾意食呢個炒飯❤️飯粒炒得好乾爽 粒粒分明 唔會好油膩😆海鮮都好足料：青口, 蝦仁, 蜆肉,魷魚, 八爪魚🦐🦑🐙仲加咗啲三色豆, 菠蘿,提子乾一齊炒🥕🌽🍍🍇旁邊仲有啲腰果同埋肉鬆可以撈埋一齊食 口感同味道相當豐富 好大份好抵食🤑.📌去骨海南雞半隻配油飯 $98海南雞係入味嘅 不過個肉質就比較梅 唔係皮爽肉嫩嗰種😢個油飯就做得唔錯 飯粒好有咬口 好入味 唔會好油 好香口仲有少少黃薑味🥰.📌泰國金柚子蝦沙律 $88平時多數都係食泰國嘅木瓜沙律🥗有柚子沙律真係第一次食🫣柚子好juicy 酸酸甜甜都幾開胃😋不過佢撈左啲泰式醬汁落去 搞到味道有啲奇怪😳.📌炭燒豬頸肉 $78豬頸肉好爽口又夠滑 仲好入味 加埋旁邊個汁好惹味🐷但係肉質偏肥 燒完好多油迫左出嚟

係青衣想買個外賣，又唔想係大商場既餐廳，我第一下肯定係諗到長發🙆🏻‍♀️因為入面除左有多啲平民啲既餐廳之外，仲有條長發美食街都係搵食既好地方🤤而今日食既呢間泰國餐廳就係長發廣場入面，只係開左幾個月，見佢6點後外賣自取有85折，午餐都全日供應好似幾抵食就試試佢。🐒海南雞配油飯(一隻)💰$168佢分左兩個盒裝，好貼心，因為怕食唔晒可以食住一盒先。雞好滑，全部都肥瘦適中，配埋個海南雞醬好開胃。🐒香芒軟殼蟹米紙卷💰$7878蚊有6件大大件，食落軟殼蟹偏油，不過夾埋啲菜同酸甜醬一齊食就清爽翻哂，食唔出個油膩感，個人建議即買即食。🐒雞蛋青咖喱雜菜煲💰$68呢個雖然冇肉，但份量比得好足，啲汁又係勁岩送飯食，入面菜既種類都多到我唔係太記得，印象中有西蘭花，椰菜，菇，茄子仔，豆角，紅蘿蔔！如果想食啲菜既不妨可以嗌呢個！。🐒椰青💰$36最後都想講講態度問題，因為20分鐘過左，我就入左去望望我個外賣得左未，俾經理叫我行翻出面等，都明嘅，怕阻住人做生意，咁我出番去繼續等啦，因為我個米紙卷都有寫需時20分鐘，不過我最後係等左50分鐘先有🥺不過都見佢地人手都唔夠同埋都好好生意，所以等下都無所謂啦！放鬆啲啦香港人🤪