泰嘟嘟

营业中

休息中

🍜冬蔭功海鮮湯金邊粉 $48食泰菜一定要試冬蔭功湯底🤤佢嘅香茅 香辣同埋蕃茄味平衡得好好辣辣哋又唔會過酸入面有青口x2 蝦🇹🇭泰式青木瓜沙律拼香茅炸雞翼 $38份量超超超大!青木瓜清甜爽脆 泰式汁好辣 ps.食開譚仔中辣🌱香葉肉碎炒飯 $38炒飯粒粒分明乾身有咬口 而且好惹味雖然係下午茶價錢但大大份 男人都夠飽!🍚泰嘟嘟海南雞配油飯 $60海南雞有5件連雞皮雞件帶油脂肉質彈滑點咗酸酸辣辣嘅泰式醬汁就更開胃油飯顏色金黃 相信用咗大量黃薑粉🐔泰式雞串燒 $18串串燒得好香 保持到柔嫩多汁沙嗲汁有香濃花生味帶微甜餐廳裝修好泰~~~有啲模擬篤篤車嘅卡位牆上掛著好多泰拳手嘅衫隔離亦有啲泰風嘅塗鴉好似去咗轉泰國咁！

無意之中發現原來大角咀好多野食，今次就黎試下係利奧坊對面嘅呢間泰菜🤣 店舖細但環境舒服，仲有幾個嘟嘟車嘅booth🙈我地到嘅時候已經係下午茶時段，見到茶餐都幾吸引，價錢都好親民！本來以為下午菜份量會好少，仲諗緊夠唔夠食😂 但炒飯以下午茶黎講真係好多下，兩個人都夠分！炒飯聞落超香，粒粒分明，炒得唔錯啊🙈 餐仲有得加小食，揀左好耐我地最後決定追加左份蒜蓉包，有兩塊，好香好好味！呢個recommend👏🏻炭燒豬頸肉賣相都超吸引！其實黎到已經係熟嘅，我諗鐵板只係有烘熱嘅作用，不過係gimmick黎嘅🙈 味道都唔錯，燒得啱啱好🙆🏻‍♀️ 飲品叫左珍多冰同泰式奶茶🥤 兩杯都係超！級！甜！如果唔中意甜野記得叫少甜🥲

位於大角咀好近我屋企, 好味又抵食嘅餐廳, 當然梗係要再嚟多次幫襯啦😃😃😃泰皇咖哩牛腩 $58份量都唔少, 咖哩汁都算幾濃厚, 而且除咗牛腩之外仲有好多配料, 牛腩炆得好淋身, 食落好有咬感, 將啲汁撈埋啲飯度簡直一流👍香葉肉碎炒飯 $38成日嚟呢度, 都會嗌呢個炒飯, 因為炒得香口, 而且帶有少少香辣嘅味道, 正呀🥰 好有正宗泰國嘅味道。以上套餐包埋嘢飲, 兩杯都係凍奶茶, 味道正常發揮。泰嘟嘟📍大角咀利得街14號地舖

呢間幫襯咗好多次 整得幾唔錯 又抵食 不過始終都係覺得第一次食係最好食 不過之後食都算係正常發揮蝦扎米紙月亮蝦餅 $48呢個第一次叫 味道都算唔錯 蝦扎米紙幾特別 裏面都有好多料 裏面有生菜 紅蘿蔔絲同埋有少少蝦 口感算豐富 而月亮蝦餅 夠曬熱辣辣 整得唔係話好多油 幾好👍香葉肉碎炒飯 $38呢個幾抵食 炒飯大大碟都係咁嘅價錢 而且炒得幾香 配料都算幾多 正呀🥰凍奶茶 (+$3)都算沖得唔錯 唔會話好甜 奶同茶嘅比例都算啱啱好 下次有機會試下其他飲品先