博多拉麵-火之鳥 (已搬遷) 新店位置

而家食一碗拉麵，閒閒地成百蚊，西環呢間拉麵店就貼地得多，最平$66就已經有交易，仲要無加一服務費，打卡仲送溏心蛋或汽水。雖然店鋪細細，但平日放工嚟都客似雲來，所以最好8點前到達。香黑豚骨湯拉麵 $70🥢🥢🥢🥢當然要試人氣no.1拉麵啦，黑蒜豬骨湯底又香又濃又唔油膩，麵普通硬度口感啱啱好，豚骨軟腍入味無黐牙，溏心蛋黏口醬油味又剛好，難怪成為店鋪no.1👍🏻香蕃茄雞湯拉麵 $68🥢🥢no.2嘅蕃茄拉麵睇落幾豐富，但我嫌湯底過多味精感同咸，越飲越唔吸引，幸好麵同肉都啱口味，否則我就變咗大嘥鬼自家製煎餃子 $30🥢🥢🥢店員一有空就馬上去包餃子，保證新鮮製造，餃子皮薄餡多，肉菜平均，如果餃子再煎香d燶d會更好味溏心蛋🥢🥢🥢🥢打卡送，仲以為得半隻，但原來店家慷慨送一整隻，兩隻都好醬油同溏心，好好味，大家記得唔好錯過呢個優惠喇二人共消費：$168

呢日打算去西環碼頭朝聖, 第一次係香港大學站落車~落左車就搵下野食先, 行左一陣見到呢間食拉麵好似幾吸引!餐廳唔算大, 不過我地2點鐘左右去到都算唔多食客, 唔駛等位!拉麵到~~由於係即叫即整, 而且得一個師傅, 所以都等咗一段時間我地叫左軟身既麵, 不過覺得可以再軟D!叉燒入口即溶, 正香黑豚骨湯拉麵話哂呢個都係人氣No.1, 點都要試下加上自己都幾鍾意黑蒜味!呢個湯既黑蒜味好出, 每啖麵同叉燒都沾滿左黑蒜既味道!醬油豚骨拉麵朋友叫左呢個醬油拉麵, 味道都錯!不過佢試左我個黑蒜湯之後覺得呢個醬油味被比下去不得不提!如果影張拉麵既相上FB/IG打卡, 餐廳就會送一隻蛋/可樂!即刻做!! XDD自家製煎餃子朋友好鍾意食餃子, 呢個餃子煎得好靚~側邊脆脆的Overall 不過不失的Lunch, 幾鍾意個黑蒜豚骨湯

數起香港的博多拉麵，大家都可能只係識金田家同一蘭。但是比起這些，火之鳥絕對唔差。濃濃的豬骨湯，再加上幼麵，半熟蛋，同肥肉適中的叉燒，百分百重現番我係福岡食過的味道。唯一的不足之處就是酸薑。同博多的拉麵店比略為辣，同唔夠甜，但這都是我個人的口味，大家可以試一試再決定😁

夜晚既西環好平靜，因為唔係遊客區，D餐廳都比較平民化。我地係香港大學站出口出發，沿住皇后大道西向西行，想搵下睇下有咩好食。來回都行左一次，到最後決定入黎呢間食拉麵。女朋友叫左碗赤香辛豚骨湯拉麵，我就叫左香黑豚骨湯拉麵，2碗都係佢地店鋪推介的。赤香辛豚骨湯拉麵唔算太辣，對我女朋友黎講啱啱好。我叫既香黑豚骨湯拉麵，湯底幾香，唔會太鹹。鍾意淡D，唔鍾意出面有名既拉麵太鹹既朋友仔應該會鍾意呢個湯底。叉燒略嫌實肉既地方有點韌。價錢叫過得去，西環黎講唔算太平。

在HKU放學後,跟同學們來到西環食晚餐。原本想吃的活一鮮休息了，所以選擇幾個鋪位之隔的拉麵鋪。店內的拉麵選擇並不多，先付款，後送上拉麵給客人享用。今天選了黑香豚骨湯拉麵($70)，拉麵剛送上來就已經打了折扣，因為整體溫度不夠熱。晚上不能夠熱辣辣食碗麵確實有點不夠幸福。我選的麵質是硬，拉麵彈牙，但黑蒜油的味精不夠香濃，令到湯底變為普通的豬骨湯。豚肉也十分硬，不夠軟熟。只能說溫度已決定一切。