TOSS 蘇媽.蘇媽

营业中

休息中

幾個月無黎新城市廣場用餐，閒日黎到，大部分地肆都不用排隊，響地下嗰層走一圈之後，揀左TOSS 蘇媽.蘇媽。店員原本安排入內面用餐，但望落去有點迫，所以揀咗坐近門口既卡位。馬拉沙嗲串燒（$98）特別牛，羊，雞各２，唔係好分到牛同羊，差唔多一樣味。正常水平，無咩驚喜。椰香咖喱叻沙（$86）湯底好濃郁，好足料，有豆角、豆卜、芽菜，魷魚圈、蝦仁、螄蚶（有點腥味）、魚肉卷，惹味得黎，有輕微辣味。檳城炒棵條（$118）有點似乾牛河偏甜口味，牛肉換左蠟腸、雞蛋、芽菜、椰菜等等既配料，另有一番風味。椰汁斑蘭冰 （$48）～濃厚的椰香味，有陣斑蘭既清香，帶出清甜的口感。桔仔薄何梳打（$48）～傳統的氣泡飲料，有桔仔既酸甜配幾片薄荷，非常清新。

有幾間分店嘅蘇媽蘇媽！🤩💛沙田店菜式豐富，味道依然維持水準！1. 808 蝦米醬炒鮮魷通菜 $96好食！單食唔會咸！不過以$96 黎講覺得可以多幾舊鮮魷🤣推薦指數：🌟🌟🌟🌟2. 406 馬拉沙嗲串燒6串 $98揀左雞肉～唔柴👍🏻不過就冇「燒」得好香嘅感覺～沙嗲汁好好食🤙🏻推薦指數：🌟🌟🌟🌟3. 甲必丹咖哩炸雞球配薄餅 $86呢到嘅咖喱係偏酸！但佢嘅薄餅好鬆脆！同埋超級讚佢地個雞球🥹🥹👍🏻超好食！！！！推薦指數：🌟🌟🌟🌟🌟整體而言，好食！諗唔到食咩就入去！整體指數：🌟🌟🌟🌟

週五同朋友呢沙田呢度商場食飯 有啲驚喜人流真係好多 尤其是呢一間睇呢隻係新開嘅一間新派 星馬食店 sell肉骨茶 粉麵 椰香咖央多士 好多人排隊 不過座位都係闊落有趣嘅好明亮 用色豐富 感覺 好新潮 都唔錯喎同朋友嗌咗個佢哋嘅招牌肉骨茶叫做大集錦 +油炸鬼點豉油好好食好多肥豬肉 豬蹄 冬菇 一字骨等等 都叫好多肉 個湯感覺好補身 另外同朋友分享雞絲湯河粉個湯好清 原材料豐富但係食一碗應該唔夠飽 裏面有蝦 魚片韭菜 雞絲芽菜等等 減肥嘅可以食呢個 朋友鍾意食串燒喎我就嗌咗個馬拉沙嗲串燒 有2X 豬肉牛肉雞肉 點佢嗰個而家製嘅沙爹醬 好好味 好香口 舒服嘅都係卡位 時間好快. 食物ok 溫度 保存得好好 加上是waitress小姐都做得好好所以都係高分嘅餐廳

好耐冇嚟沙田呀商場變化真係好大 人流越嚟越多 這個位置聚集了不少食店呢一間馬來西亞菜我都係第一次食人氣高企好多人排隊 見到menu食物都好現代化 好耐冇去旅行呀所以都想食呀 點咗份佢哋 主打嘅招牌肉骨茶 大集錦 油炸鬼 兩個人食因為有湯同埋裏面有好多豬肉 雞腳 豬蹄 冬菇等等 好meaty 好多配料 正正是我鍾意的 好高質 另外同朋友嗌咗個怡保雞絲湯河粉 裏面都有好多餸 三隻大蝦 魚片 韭菜 等等 湯底幾清 食物擺位細緻 朋友想食串燒就嗌咗個馬拉沙爹串燒啦有牛 豬同埋雞 係佢嘅醬好好食係自家製嘅沙爹醬好多花生醬好好食 感覺呢度裝修fashion嘢食傳統有質素 嚟沙田消費可以過嚟食下飯