曼谷車站

营业中

休息中

今日家姐話帶我去得寶商場食好東西，黎到商場二樓，最吸晴就係呢間舖頭，好似兩架火車頭係度咁，好特別，唔知味道如何呢🤔青木瓜沙律~前菜當然要開下個胃先喇，呢個青木瓜沙律好夠開胃，甜酸辣在於一身，爽脆的木瓜夠咬口，好味道👍肉碎生菜包~肉碎夠份量，可以多少少洋蔥就更好咬口，生菜夠新鮮脆口。我將包剩的肉碎，再加埋落d青咖喱一齊食，更加好味。馬拉盞炒椰菜苗~椰菜苗好香馬拉盞味，味道岩岩好，我只嫌份量少左d。薄餅~我同家姐都唔好飯，突燈叫黎配青咖喱，係一流的選擇。主角青咖喱牛腩~我鍾意青咖喱的特有味道，配上青檸葉及金不換的香味，令整個菜式都好豐富，牛腩夠淋，配料還有好味的小圓茄子，汁都幾乎比我食哂🤭家姐今日無介紹錯，讚🤗

今日lunch係九龍灣食，醒起老豆之前推介得寶商場呢間曼谷車站叫我試下。佢話D泰國菜唔錯，而且裝修好靚，好有特色，火車造型仲有扶手添，好得意喎。三個人叫左三份野share:1.     海南雞飯雞肉肉質鮮美，重點係真係好多件雞，重去曬骨添。個人覺得三隻醬撈埋一齊食最正，佢既薑蓉好突出，唔會太辣，油飯就普通。2.     馬拉盞炒椰菜苗就有少少辣，但係夠味。D菜索曬馬拉盞既味，好好送飯。3.     炒金邊粉既份量都好足，女仔食一定勁飽有得淨。調味適中，甜甜酸酸，雖然唔係好多隻蝦，但係蝦無雪味，都好好食。

試過幾次經過這裏睇醫生都見到有間泰國菜館叫 曼谷車站，一路都很想入去試下，昨日下午終於有機會。場內裝修得像坐在火車上品嚐食物， 又新鮮又有趣。 每次到餐廳都最鍾意睇餐牌， 睇完一輪之後決定點海南雞飯$68，蝦炒金邊粉$62， 馬拉盞炒椰菜苗$59， 芒果糯米飯$48， 熱奶茶$32。海南雞飯 ~ 黃油飯香噴噴，雞肉肉質鮮嫩。蝦炒金邊粉 ~ 每次吃泰國菜必叫的，喜歡甜甜酸酸的味道，又開胃又好味。這個金邊粉炒得夠乾身， 一碟大約有三至四隻蝦。馬拉盞炒椰菜苗 ~ 有少少辣夠惹味。芒果糯米飯 ~ 泰國甜品首選， 糯米飯熱辣辣夠煙韌， 芒果是用泰國芒果又甜又香， 配埋椰汁的香味，食到停唔到口。熱奶茶 ~ 反而飲品方面就沒有特別，如果可以做到泰式奶茶的效果就更好了。第一次到曼谷車站，個人感覺食物質素唔錯和價錢優惠， 是一間可以繼續幫襯的餐廳。

慶祝十一月來臨，放工後又去吃好料，朋友工作室在九龍灣，平時多去德福、megabox、淘大，忽然發現了得寶商場，今晚吃了曼谷車站泰國菜。車站裝修很用心，餐廳很大，座位也舒服，不會太嘈吵。晚上客人不算太多，街坊為主，也始終離地鐵站有一段路。芒果沙冰$28，不算滑，但解渴。炸蝦餅$58，配上酸甜醬，炸得剛好，可口。炸春卷$38，香脆，不太油，不錯。冬陰公(小)$68，有爐跟湯，熱燙燙，有點辣，是我的最愛，雖然是小，但份量很多，可分4碗，而且有一隻大蝦，賣相吸引。馬拉盞炒椰菜苗 $59，好吃沒有苦澀，不太辣。平時多吃通菜，最近試過椰菜苗就愛上了。芒果糯米飯 $48，糯米飯甜甜的，不過點汁也很好吃，芒果反而不太香。

星期五晚路過呢個商場，見到呢間曼谷車站好多人幫襯，應該都幾好食而且裝修都幾得意，成個火車卡咁，有曬火車d車窗同車卡座，於是決定試下門口寫住由泰國廚師主理，口味應該幾正宗。最開心係依家仲免加一添！另外見到有泰國生啤飲，最平28蚊就有杯，好抵侍應安排我地坐下，係一個綠色既卡位，加埋其他detail位，感覺真係好似係復古既火車車卡食飯咁酸辣鳳爪沙律$55份量非常多，d鳳爪多到令我覺得食極都有。鳳爪爽口彈牙，而且調味都好好，夠曬酸辣，加埋d洋蔥芹菜等配菜，真係好開胃！馬拉盞炒椰菜苗$59呢度既椰菜苗比某d泰國餐廳大顆，但係味道好似冇咩分別，師父炒得好惹味，令人食唔停口蝦炒金邊粉$62本身對呢個冇咩期待，因為男朋友想食所以叫，估唔到又幾好食窩！唔會油又有少少乾身，唔錯。無骨海南雞飯$68呢碟海南雞飯應該有四分一隻雞，份量好足！雞肉本身冇咩特別，不過不失啦。不過對於我黎講，海南雞飯最重要既就係佢既沾醬，呢度既沾醬令人感覺滿意甜鼓油夠傑身，辣醬又夠惹味，撈埋落雞油飯食真係一流西瓜沙冰$28非常消暑解辣，不過唔知係咪西瓜本身都味偏淡，所以杯沙冰都唔算太濃味椰汁西米糕$28呢個有些失望，我鍾意食甜野，但