木屋大排檔

营业中

休息中

1️⃣椒鹽粟米（$58）第一次食咁整既粟米，椒鹽味好香口～2️⃣泰北沙嗲串燒拼盤（$148）豬、牛、雞各兩串，另加一串豬頸肉。燒得唔錯，肉質仲好嫩嫩又唔韌～3️⃣軟殼蟹米紙卷（$78）脆脆軟殼蟹被好多菜菜包圍住，即刻覺得呢道菜健康左～4️⃣冬蔭公湯配野菌蝦（$88）堅辣…搞唔掂…（得我一個係咁）🤣朋友仔食得辣覺得ok~5️⃣蒜蓉法包（$48）好味呀，點埋咖哩仲正～6️⃣黃咖哩雞（$68）雞呢？！少左啲…薯仔洋蔥就好多…7️⃣泰式柚子沙律（$88）食泰菜必叫既沙律～新鮮！8️⃣香葉肉碎炒茄子 （$72）唔講以為係魚香茄子…🤥9️⃣馬拉盞炒椰菜苗（$72）有啲咸…但菜苗幾新鮮爽脆。總結係，正正常常，唔太好又唔太差

放工約咗朋友食飯，朋友住呢附近，就介紹咗過嚟太和中心呢邊食泰國菜。呢度嘅裝修以木為主調，真係名副其實嘅「木屋」，好有置身於泰國嘅感覺。打開menu，菜式選擇頗多，而且價錢亦好親民。我哋兩個女仔就order咗月亮黃金墨魚餅、泰王單骨雞翼、馬拉盞炒椰菜苗、蝦頭油鮮蝦炒飯&可樂。馬拉盞炒椰菜苗係我最鍾意食嘅泰國菜之一，點可以冇咗佢呢⋯椰菜苗嫩綠爽口，配上馬拉盞嘅鹹香，惹味得嚟口感層次比一般炒菜真係無與倫比，推介😋😋😋至於蝦頭油鮮蝦炒飯，炒飯炒得夠乾身，粒粒分明，而且味道恰到好處。呢個泰王單骨雞翼，我個人覺得容易食用，一啖一隻，啖啖滋味😝雞翼醃得夠入味，而且同香茅味非常之夾。最後嚟嘅係月亮黃金墨魚餅，墨魚餅煎到金黃色，彈牙爽口，加上爽甜嘅粟米，令口感層次提升，真係色香味俱全，值得推薦俾大家👍🏻總括嚟講，呢度嘅食物款式同味道都唔錯，價錢亦好親民，以後食泰菜又多咗個地方選擇😊

好耐冇食泰國菜喇！出面泰國野閒閒地過百蚊一個餸，呢間絕對係抵食加過口癮之選！我哋連埋沙律、蒜蓉包、小食、餸菜叫咗六樣嘢，份量都好夠四個人食！因為屋企有老人家，所有餸菜我哋都叫咗小辣。青木瓜沙律 $62酸酸甜甜，好開胃，特別仲有啲果仁，屋企老人家都鍾意！推薦：4.5/5 （必食之選）蝦頭油蒜蓉法包 $48雖然個名叫蝦頭油，但係一啲都唔油膩。一共有六大塊，蒜蓉味可以再重啲。推薦：4/5Combo小食拼盤 (小) $52春卷、魚餅、庶蝦、雞塊，一共四樣嘢每樣野都有兩件！味道都正常。推薦：4/5勁爆炒生菜包 $78肉碎炒得超級香、好惹味、半肥瘦豬肉剛剛好！生菜份量都唔少，包住啲肉碎食真係好好食。食泰菜，冇可能叫生菜包。推薦：5/5 （必食之選）馬拉盞炒椰菜苗 $72食泰菜，另外一樣必點嘢就係椰菜苗。馬拉盞炒椰菜苗真係好食，椰菜苗都算幾爽口，送飯一流！推薦：5/5 （必食之選）鮮蝦炒金邊粉 $88金邊粉相對其他餸菜味道比較淡，加埋少少檸檬，味道比較清新。用嚟配其他餸菜都可以！推薦：4/5整體黎講，呢個價錢食到咁嘅質素泰菜，絕對係相當抵！性價比超高。就算外賣自取，都唔影響食物嘅味道、質素。非常推薦