蘇山雞飯

营业中

休息中

環境光猛，一邊卡位，另一邊就挨牆有梳化，落單自己scan QR code落，上菜速度可以話極速⚡️7:00pm開始人流不斷，6:45pm前入座都唔洗等。✨味道72分，環境70分，服務68分。.🔸鮮油咖央多士($22)⭐️多士夠脆夠熱，夾住塊厚厚既鮮牛油，加上甜甜既咖央，雖則邪惡但好香口。.🔸豐盛海南雞飯(半隻) ($128)⭐️配油飯，雞雜冬瓜湯，海南雞都有半隻。海南雞好嫩滑，好入味，夠多肉，皮厚薄ok。油飯勁正，每粒都吸到雞油同斑蘭香，夠色水。雞雜冬瓜湯，入面有冬瓜粒，仲有雞腎，其他雞內臟。.🔸新加坡白胡椒肉骨茶配白飯+油條($78)唔係傳統好濃郁好深色果隻肉骨茶，係新加坡潮式肉骨茶。肉骨茶顔色偏淺，味道較清淡，胡椒味出啲。.🔸馬拉盞炒椰菜苗($45)味道偏鹹左少少，馬拉盞個鹹香都可以既。.🔸凍爆爽檸檬茶(+$9)茶底夠濃，檸檬都不吝嗇落四大片，味道好夠。.🔸金裝柑桔蜜(+$15)有點太甜，可能落太多柑桔蜜。

今晚同fd喺佢屋企附近食飯, 佢兩公婆帶路, 黎到li間裝修得好靚嘅”SUSAN雞飯”, 啲卡位設計得好特別, 最潮個下就係店員叫我地試下用QR Code點野食🤣, 一路㩒會自動計埋set價錢, 㩒左好多款野食3舊水都唔使🤣.🐔獅城芽菜走地雞飯 配輕怡新加坡白胡椒肉骨茶 (HKD78)油飯好味! 走地雞肉係好嫩嘅白肉, 無論點甜醬同辣汁都好好味, 而且d雞都算大份. 個set嘅肉骨茶我覺得喺度係其中一款必叫嘅, 因為個白胡椒味真係好出, 同埋竟然有成3大舊肉骨咁多, 抵食呀.•話明share黎食梗係追加d小食, 我地食左黑椒札肉 (+HKD18) 同脆炸鳳尾蝦春卷 (HKD32), 札肉驚喜咬落充滿豬肉香+有黑椒粒刺激感, 炸春卷足料大件:🥡鑊氣路邊炒粿 (HKD72)第一次食, 原來係一塊塊臘腸, 蝦, 辣椒, 勁多炸豬皮同粿條一齊炒埋, 味道豐富, 又唔太覺得好油膩, 炒得夠均勻真係有鑊氣.🧈鮮油咖央多士 (HKD22)我一揭menu就想食嘅item就係Kaya Toast, 仲要夾咁大舊牛油邪惡到一個點!! 甜甜嘅咖央醬x帶點微醎嘅牛油偶爾放縱一下係好正嘅.🥬馬拉盞炒椰菜苗 (H

小店坐位舒適，木製家俱別有一番風味～多人得要排隊，等一下的 #馬來西亞菜 。免收加一#鮮油 #咖央多士 $22必叫！邪惡好吃。微脆的多士塗了甜甜的蜂蜜和厚切牛油🧈好香#海南雞飯 $68 隨機的雞部位，皮厚肉嫩，部份雞肉位置肉質比較粗糙。不過雞油飯冇得輸，一粒粒充滿雞油香和口感的飯才是重點精華，好味😋。套餐有冬瓜雞湯～晚餐精選套餐：海南雞飯配迷你星洲喇沙$75，可以一次過試晒兩份味道，非常抵食#白胡椒肉骨茶 配白飯加油條 $68以胡椒味行先而唔係以藥材味行先，所以湯頭唔係又黑又濃，而係比較清淡而入口。中藥味不會濃烈，適合大眾飲用。肉骨茶還有大大嚿豬骨和豆腐，油條浸落去惹味得來不會熱氣。#迷你星洲喇沙 $35米粉配秘製粗麵，麵質爽口彈牙😋不像街邊吃到的喇沙。湯底甜甜BB辣，不會太濃烈，沒有椰奶味，個人蠻喜歡💕吃不到辣的人也可以吃。有一隻蝦、豆腐、魚片和魚蛋等，魚片有點像淋身版的潮州魚蛋，那種充滿魚香～#馬拉盞炒椰菜苗 $45炒得香口，椰菜苗細細粒很爽口#青檸菠蘿梳打水 $15加入梳打水後攪勻菠蘿🍍糖漿再吉一下青檸，感覺清新，喜歡菠蘿汁清甜的味道，好喝～#香茅薄荷特飲 $15甜甜的薄荷味，有

果晚去食呢間海南雞飯，七點左右已經坐滿人咁濟，好彩咁岩重有一張枱，唔洗等位就可以入去食，一路都見到好多人係外面等外賣同等位，應該係區內都幾有人氣。食物價錢係幾抵食，質素又好，係一間可回頭嘅星馬餐廳😁— — — — — — — — — — — — — — — — — — —【鴛鴦海南雞飯】$75（迷你肉骨茶+海南雞）價錢來講算係幾抵食，通常海南雞飯加肉骨茶一定唔只呢個價錢，而且份量仲好多個迷你肉骨茶都有成兩舊肉，不過可能我鍾意重口味啦😆 我就覺得味道唔夠濃，藥材味可以再濃啲。海南雞就真係冇得輸，非常嫩滑，好肥美😬而且幾大碟，食落冇油膩感。最欣賞係個啡色油飯，同平時見到嘅係唔同，食落幾香口，重點係唔會見到碗底有一層油，食落唔覺得油膩！— — — — — — — — — — — — — — — — — — —【脆炸鳳尾蝦春卷】$32好欣賞佢嘅外層唔係一堆炸粉，係一絲絲嘅酥脆，又唔會太油！唔錯— — — — — — — — — — — — — — — — — — —【馬拉盞炒椰菜苗】$45呢個夠哂重口味，好岩我食🤣 最欣賞佢嘅馬拉盞唔會太辣，唔食得辣嘅人都食到！— — — — — — — —

屋企附近又開新餐廳啦！我梗係唔執輸，又去試新嘢啦！呢間餐廳叫「蘇山雞飯」，淨係睇個名就知應該係出名食雞，一於去試一試！晚市套餐，都真係幾平，我地叫咗個套餐「獅城芽菜走地雞飯」配「輕怡新加坡白胡椒肉骨茶」，都只係$78，絕對係街坊價！味道方面，隻雞的確係幾好食！入口好滑溜，肉質夠晒幼嫩！估唔到走地雞完來可以咁好食！仲有看似係配角嘅芽菜，其實最有驚喜，超級爽甜多汁，餸飯真係一流！同埋大家一定要食油飯，佢碗油飯真係粒粒都充滿油香！好夠味，好正！至於跟餐配嘅「輕怡新加坡白胡椒肉骨茶」，味道都好有驚喜！唔會好似平時飲開的只有藥材味，你會飲到白胡椒味道中帶點藥材味，兩者嘅味道估唔到又幾夾，幾新穎！一個飯又點夠滿足我地兩個，食星馬菜一定要食咖央多，兩個字形容「邪惡」！滿滿既咖央醬，大大塊鮮牛油，仲有烘到好香脆既麵包，好滿足啊！繼續食，唔好比佢停！仲有小食孖寶，春卷+魚餅！跟餐加$22就有啦！之後我地仲叫埋「馬拉盞炒椰菜苗」，呢個馬拉盞勁惹味！就算唔食得辣都食到，又唔會過鹹，咁搞法真係整多碗飯都得！最後整埋枝樽仔奶茶，真係滿足到極點！呢間我絕對會再Encore，因為我仲想試埋海南雞，任務

自問近年對長沙灣一帶熟悉唔少，咁啱發現朋友屋企附近有間新開嘅餐廳，見放工就腳就去試試。估唔到價錢親民之餘，食物質素都唔錯。-印尼家鄉炒飯 $62炒飯嘅配料相當足料，除咗常見嘅大蝦，仲加入臘腸同炒。炒飯相當夠味，唔會過鹹。伴碟有炸雞、炸蝦片、煎蛋同青瓜，好有飽足感。-特色馬來炒米粉 $65同樣加入唔少配料拌炒嘅米粉，質感幾乾爽，唔會有黏膩感。配上芽菜同臘腸享用，更添港式風味。面層加上唔少幼身炸豬皮，香脆富油香。-馬拉盞炒椰菜苗 $45椰菜苗特地加入小許辣椒同紅椒爆炒，食落唔算太辣，辣椒有助提升惹味程度，令味道顯得無咁單寡。-特色小食拼 $78充滿東南亞風情嘅小食拼盤，內有雞翼、順化豬肉串、泰式魚餅、脆炸鳳尾蝦春卷、黑椒扎肉5款小食。個人較欣賞豬肉串同春卷，前者肉味透鹹香，後者酥脆不膩。雞翼稍嫌肉質唔夠嫩，略顯乾身。-鮮油咖央多士 $22餡料份量十足嘅多士，夾層加入兩大塊厚身牛油同咖央，多到一路食會湧出嚟，罪惡得嚟又好滿足。多士質感偏韌，如果再焦脆啲會更好。-恐龍美祿 (跟餐 $15)美祿面層加入大量美祿粉同少許彩虹針糖，拌勻後飲用更濃厚，味道經典。-金裝柑橘蜜 (跟餐$15)入口比想像中

今日去長沙灣經過見到呢間新開既餐廳 裝修幾靚 就入去食番個雞飯睇下係咪真係咁正😆係店員推薦下 我地首先揀左個獅城芽葉走地雞飯同馬拉盞炒椰菜苗👅 呢個走地雞飯真係不得了 肉質嫩滑 雞皮爽脆 無多餘油脂一d都唔膩😋 油飯帶點飯焦 好香 加少少甜醬油食超夾🤩 馬拉盞炒椰菜苗好嫩 鍋氣十足 又唔會過鹹👍🏻 除咗主食 我地仲試左鮮油咖央多士同特色小食拼😍 鮮油咖央多士牛油好大塊好厚 極邪惡😆 咖央唔會好甜 令人食完一啖又想食一啖👅 特色小食拼有齊雞翼 順化豬肉串 泰式魚餅 脆炸鳳尾蝦春卷同黑椒扎肉🤤 一次過滿足晒你所有願望 我哋覺得最好食嘅係順化豬肉串 豬肉味濃 肉質鬆軟 調味又好食👍🏻飯品我地就揀左樽仔奶茶同忌廉咖啡 樽仔奶茶無加冰 所以更濃郁唔會最後淡左味😛 忌廉咖啡亦比平時飲到既更香濃幼滑🌟