金蘭花泰國菜館

营业中

休息中

適逢朋友生日，我哋就去咗九龍城間泰國餐廳。首先嚟嘅係生蝦刺身去泰國餐廳點都會點叫呢碟菜。呢碟菜嘅擺盤好特別㗎，佢下邊係有苦瓜嘅，上面就有紅椒。我呢就點佢嘅醬夾埋苦瓜一齊食, 味道唔錯，新鮮。 佢隔離有啲炸蝦頭，我哋就冇曬到嘢，食埋佢！連殼食好好味！（補鈣啊）燒豬頸肉呢個正常發揮，醬汁同肉都好味燒牛肉醬汁同肉都好味清湯邊鱸魚呢個就普通泰國餐廳都食到，正常水準泰式冬陰功啲蝦非常新鮮，啲湯好好飲，好開胃馬拉盞炒通菜熱辣辣食，炒得好香咖喱雞焗法包呢個就雞肉少咗啲，咖喱味唔夠濃，整體普通。 椰汁糕呢個椰汁糕，椰汁味好濃，甜度適中。做甜品啱啱好。芒果糯米飯呢個一定要叫，糯米飯熱上，再淋上椰汁同埋甜嘅芒果。我就好鍾意食。

今日想食泰國菜🇹🇭，所以揸車去九龍城，朋友介紹我去金蘭花，去到門口要等幾個先可以入。呢兩年，封關冇得去旅行，唯一食下泰國菜止痕啦😎1. 冬陰公湯，非常好飲，夠酸夠辣，酸辣平衡得好好，飲一淡，會品嘗到香茅，青檸葉嘅香味。2. 沙嗲串（牛，雞，豬），唔好食，首先醃肉底味唔夠香，再加上覺得佢係蒸熟後先再燒。3. 菠蘿炒飯，炒得几香，每一啖飯都食到新鮮菠蘿香味，我覺得佢加咗菠蘿汁落飯到一齊炒，睇上去有微微金黃色，非常有食慾🥰，材料都好豐富，有肉鬆，雞肉，提子，蛋等….4. 馬拉盞炒通菜，非常之掂，鑊氣十足！5. 青咖喱雞配手抓餅，微辣，椰奶重手，唔係太岩我口味，不過欣賞佢個咖喱食落，散發出一種金不換/斑斕葉嘅香味，同青咖喱非常之夾😝

好難得去到有香港小泰國之稱的九龍城食泰菜。 皇上話這間每次都好多人排隊， 今次行過， 好似無人排， 所以就抱著試下既心態。 可能是「正宗」， 感覺好似唔太過適合我食😅😅只能推介一，兩樣心水。馬拉盞通菜order 少辣， 可以接受到辣度， 通菜是夏天菜， 配上馬拉盞，所以都好難整得難食炭燒豬頸肉比較穩定嘅一樣， 只是個汁對皇上尼個就比較喜歡蒜香牛坑腩鐵板令到牛腩不斷出油在板中， 又配上炸既菜， 做唔到吸油效果， 仲令成件事出現太多油炒金邊粉炒得太干身， 欠味道

講起食泰國野通常都會入九龍城到食 入面真係有好多泰國野食今次就試左姊妹推薦既呢一間去試食下🥳每次食泰國野都會叫一碟 不過不失啦 小小辣麵包咖喱雞 - 外型相當吸引！睇下佢啲咖哩汁流晒出黎🤤個包點汁食一流最令我驚訝係佢啲咖哩用左個椰子🥥裝住仲有椰子肉係入面嫁！好食！不過啲汁多啲會再好啲！貪心既我地😂😂金邊粉 - 好食好食好食！有泰式既感覺鹽燒側魚 - 好大條同埋咸咸地好好食 比我地分晒屍黎食🤫燒雞翼 - 未去到嘩一聲既感覺通菜 - 超鐘意食

黎得九龍城，一定要食返餐泰國菜；而要食正宗泰國菜，金蘭花絕對唔會令人失望菜式選擇超級多，只係見到食物相已經令人食指大動🙃先來一客熱辣辣既豬頸肉！份量充足，燒得香噴噴，肉質夠彈牙，配上酸甜醬汁，食得多都唔覺得滯青咖哩配牛，配埋飯一流！咖哩溝埋濃香既椰奶，夠哂滑之餘亦中和哂辣味；牛肉同樣好食，唔會話煮得好老好韌食肉之餘亦要叫返碟菜調劑下。選擇通菜係貪佢夠爽口，食落亦有一陣蝦醬味，唔錯唔錯一人一枝象啤，杯係冰過既，真係有心呢度野食要讚之餘，上菜速度亦快，而且唔收加一，有機會的話一定會再黎😄

九龍城一向予人有好多泰國菜嘅地方。適逢星期六經過此地，所以諗住都搵返間泰國菜館食晚飯。因為假期關係，好多食肆都人頭湧湧，全部都要等位。行到來金蘭花，見到有幾個party等緊位，以為都要等一陣啦，點知幾分鐘之後就可以入座。因為晏晝下午茶完，所以諗住叫咁多肉類，恐防太飽！首先點之前食過嘅柚子沙律，有點左一個炸雞同炸豬手，另外一個馬拉盞通菜。首先柚子沙律，個人認為係咁多個菜式之中最好，非常醒胃，材料新鮮。可惜漏咗單，前菜變咗最後先上。兩個肉類，炸雞同炸豬手炸得都偏乾，唔合乎我本人口味。不過點炸豬手，送啤酒或汽水兩支。馬拉盞通菜就正常啦，如果怕咸就唔好叫。以咁嘅價錢，我覺得OK啦整體！

很久沒去九龍城找朋友，今晚放假又找她吃泰國菜。今次她介紹我到金蘭花用餐，她說金蘭花已有廿年歷史，可算是九龍城泰菜老字號，而且還不用加一，蠻便宜的。朋友嚷著很久沒吃泰式生蝦，那今晚就全交給朋友吧，反正我甚麼都吃😂生蝦底層鋪滿冰塊，冰鎮讓蝦肉更為結實，而且蠻新鮮。一口連蒜頭與辣椒吃下，沾上醬汁，別有風味。 另外生蝦旁邊少有地有炸蝦頭，聞起來很香，沒有把它炸焦，顏色很漂亮，口感很酥脆，裡面蝦膏的部份，精華也還在頭裡，且全部都可以吃。蒜蓉法國麵包香蒜濃郁的香氣馬上聞到，每一片麵包都烤得金黃酥脆。濃厚的蒜香味，與麵包搭配在一起，鹹鹹的不衝突，加上烤得脆口，讓人吃得滿嘴蒜香停不下來。馬拉盞炒通菜不會過鹹，但吃得出馬拉盞的惹味，再搭上爽脆的通菜，這盤通菜很快就見底了。九層塔香茅泰汁炒花蛤大火快炒，上桌時香噴噴的，花蛤吐沙吐得蠻乾淨，吸附微辣微酸的醬汁，非常開胃。在嘴裡咀嚼時慢慢散出九層塔香茅泰汁的香味，將花蛤的鮮味襯托出來。辣椒膏炒大頭蝦一股辣椒味瞬間飄出，大頭蝦以辣椒膏，青椒，辣椒，洋蔥等多種天然蔬菜炒香。蝦子很大尾，感覺鮮甜無比，肉質很有彈性。我們細細咀嚼，鮮甜甘美的蝦膏與辣椒膏交織，充滿菜蔬的

今晚無煮飯又想食泰菜就去九龍城搵下泰菜食絕對有驚喜！首先有生蝦刺身驚喜之作！炸埋個蝦頭比你食(雖然我唔食蝦頭不過屋企人話好食好乾淨)生蝦加辣椒加蒜片加辣汁正！之後紅豆冰同龍眼冰紅豆冰個椰奶勁香不過紅豆就實左少少但當椰汁冰飲都好正！然後有馬拉盞炒通菜味道唔會太濃啲菜都幾嫩泰式燒側魚又係驚喜之作！連平時唔多食魚既我都覺得好好食好滑又唔多骨泰式串燒（雞、豬、牛、雞腎、雞軟骨、魷魚鬚）各一串魷魚鬚好好食泰式燒牛仔骨呢個係新菜式好特別佢燒到個牛勁腍少少紅色應該大部分人都接受到絕對令你有驚喜！芒果鴛鴦糯米飯好好好好好好好食芒果好甜一啲都唔酸又夠哂多汁鴛鴦糯米好好食個人會鐘意溝埋食/淨係食白色（有得揀白/黑/鴛鴦）好貼心！

九龍城大大小小的泰國菜館相信有數十間之多，但要找到一間廿多年 的老字號，就不是一件容易的事，皆因香港租金增幅驚人，加上經營成 本高昂，要保持水準而屹立廿年不倒，實有着一定的難度，所以一向 支持小店的筆者，每隔一段時間來到九龍城食泰菜，都必會優先考慮一間用心經營的泰菜小館。這店位於龍崗道，沒有華麗的佈置，裝修跟一般地道老派泰菜小館無異，傳統簡約， 蠻有泰國風味，亦算坐得舒適，帶著點點昔日九龍城的懷舊風情。較早前跟朋友又到九龍城覓食，想當然第一時間再訪這老店，踏入店 内已有一種熟悉的感覺，裝潢沒有多大變化，老闆都是一貫的親民， 打開餐牌，菜式價錢仍是較一般相宜，還是免收加一，筆者當然點了 必叫的泰式生蝦，還有蒜蓉牛油雞翼、什錦沙爹串燒、招牌脆皮烤豬手及 馬拉盞炒通菜。泰式生蝦，一向是筆者這個蝦痴的至愛，每次食泰菜都一定少不了，那爽甜的蝦身加上酸辣濃香的醬汁，實在令人回味。而這店的生蝦外表晶瑩光澤，除了爽甜還外加上一種黏軟口感，用料新鮮，配上生蒜片、 辣椒絲及自家調製的泰式酸辣醬汁，開胃刺激； 而店家更將蝦頭炸脆一同上碟，完全不會浪費，咬落香口卜卜脆， 蝦腦蝦膏入口甘香惹味，跟生蝦一清一濃，

每次同朋友或屋企人想食泰菜，就會諗到要去九龍城搵食，而試過好幾間之後，大家嘅結論係：呢間最好！店內的裝潢佈置好有泰式風情，而班服務員姐姐都係泰籍，加上一系列好正宗、好地道嘅菜式，令人好似身在泰國咁，即時relax晒~講返食物質素，今次我哋四個人order咗大圓法包椰皇咖喱雞，香脆大圓法包內有乾坤，一打開見到充滿香濃咖喱汁，即時令人食指大動，細睇入面有個椰殼裝住滿滿嘅咖喱雞，咖喱汁入口盡是椰香，刺激食慾，而咖喱雞既入味又嫩滑，越食越開胃；至於附送嘅椰皇水飲落好清新，一濃一淡非常夾~之後係咖喱炒蟹，大家都急不及待試試呢個極受歡迎嘅泰國名菜，切塊的紅蟹加入配菜、咖喱同香料炒香，完全能突出蟹肉嘅鮮味及彈性，獨特風味令人人都食到啜晒手指，回味無窮~而海鮮炒粉絲鑊氣十足，入面嘅海鮮份量多，有彈牙爽口嘅蝦球、魷魚同蜆肉，粉絲仲索晒海鮮嘅精華添！粉絲要炒得乾身、入口煙韌認真唔容易，呢度就有返咁上下水準喇~馬拉盞炒通菜幾乎係枱枱都會order嘅菜式，要將簡單嘅食材炮製到色香味俱全其實最考功夫，師傅就能夠保持到通菜的鮮綠，入口好惹味，鹹度適中，大家三扒兩撥就清晒成碟luu~蠔餅大家可能食得多，鐵板蠔仔蛋就

9點幾約左朋友去九龍城食泰國野,周圍行,見呢間好似都OK,就是但入左去食,間鋪唔大,唔適合大班人黎食!我地叫左2支泰國啤酒,"泰式菠蘿炒飯" , "冬陰功" , "馬拉盞炒通菜" , "燒豬頸肉" , "西米糕"個炒飯唔錯, 冬陰功我唔食得太辣,都覺得幾好飲!至於個豬頸肉就差左D,好乾,好似再番整多次咁跟住再叫多個西米糕食,幾好食,不過食得多就"流"仲有個送既椰汁西米露都OK既