少爺18 (已結業)

幾年前到新加坡exchange,覺得星馬菜很不錯,香港的星馬菜餐廳不多,於是特地來到這裡再嚐令人懷念的星馬菜.餐廳的環境舒適,我很欣賞碟邊的圖案讓人看起來很醒目.至於食物,我在新加坡時最喜歡「麥片蝦」,這裡果然也有,二話不說便叫了這個麥片蝦味道與新加坡吃到的有分別,味道偏甜,但同樣送飯一流!參巴醬的甜甜辣辣味道我非常喜歡,和雞翼也非常匹配,不過這裡的味道同樣是偏甜,會有點膩這個馬拉盞通菜令人很有驚喜,上菜時熱辣辣的,而且味道剛好,也正好中和了麥片蝦和雞翼的偏甜,很快便搶清光了在香港能吃到這樣多種類星馬菜的餐廳不多,煮得不錯的更是難求,所以要好好珍惜好吃的星馬菜餐廳

葵芳常客… 基本上其他餐廳都食過，係爭呢間見佢開左一排都無入去試。今日的起心肝試下先！少爺18… 睇佢既廣告同埋門面其實都好靚好有心思，應該都唔少野。佢地用既碗碟都係特製，好靚的。馬拉盞炒通菜～ 作為通菜 super fans 既我地，無可能唔叫。不過佢既味道偏淡，但幾香口，另一種風味。參巴蜜糖雞翼～ 呢個就不得了。炸雞翼好夠火候，加埋參既蜜糖汁，非常開胃，食極都覺得唔夠。但可惜果日喉嚨痛，唔食得太多熱氣野同辣野。印度烤餅… 雖然我地唔知點解會叫左呢個餅，但食完都幾好味。個質地一流，非常香口同埋麵粉味十足。對於非常鍾意食麵粉制品既我，真係岩晒。加埋咖哩汁，又係好開胃醒神。呢個春卷真係唔記得左個名喇… 好似係素春卷來的。係食完頭三樣偏濃味既野之後，食返呢個比較清淡既菜式，會覺得幾清新。最後仲有呢個印度炒飯… 粒粒分明。印尼蝦餅都一流，自細就好鍾意食。呢個蝦餅新鮮同埋炸得好，完全唔會油同埋無油益味。配上個粒粒炒飯… 食食下就飽晒。所有菜式份量睇好似好少，但其實一D 都唔少！原本仲諗住食埋佢個甜品，但真係食唔落了，唯有等下次