星洲總廚 (大全街)

营业中

休息中

今次食左呢間位於大角咀既新加坡餐廳。其實之前都黎食過一次，呢間最出名係佢地厚切炸豬扒，加上價錢唔貴，所以都見到晚餐時段坐滿哂食客。先講招牌厚切8安士咖哩豬扒配印度薄餅($72，本身$62係跟飯，我地加$10轉印度薄餅)。唔好俾張圖呃左以為得4,5舊豬扒，其實個底仲有3、4舊，加埋都有7至8舊，仲要每一舊都好厚😍朋友食到第4、5舊已經覺得飽飽地，但因為實在太好食，所以幾飽都要食哂佢🤣食豬扒最驚就係咬落去得瘦肉，乾爭爭😖但呢間既豬扒真係不得了，入面會有少少肥肉，所以咬落去會覺得好鬆軟🤩而且豬扒既香茅味都好出，炸豬扒既粉漿都啱啱好👍🏻平時食炸野最驚就係咬落去食到成口粉，但呢間食過兩次都冇令過我地失望👍🏻炸得好香脆，用外脆內軟絕對啱哂，佢既炸豬扒都可以話係暫時食過香港最好食既炸豬扒。😂而印度薄餅就正正常常冇咩特別，點埋個咖哩汁都唔錯😝真係要彈既係把刀唔太鋒利，個薄餅太大塊想切細塊d都要好用力先得🙈如果唔係特別想試薄餅既其實就咁叫飯都已經夠🤣仲要平10蚊之後我地仲叫左馬拉肉骨茶配米粉($68)其實肉骨茶有分新加坡同馬來西亞風味，而呢間就係馬來西亞風味，即係藥材味濃d😋順帶一提，新加坡肉骨茶胡椒味

東南亞食物一向係我至愛，去唔到旅行就要止下癮。聽聞星洲總廚嘅食物非常出色，決定前向一試，好彩晚餐繁忙時間前成功直接入座。首先試咗佢哋招牌豬扒喇沙，非常大碗同料好足，湯頭勁香椰漿味同時伴有微辣，掺掺嘅油麵同米粉好掛湯，每一啖都充滿濃濃喇沙味超正，仲有各種配料好似雞蛋、魚蛋、豆卜、芽菜等等。而重點就係超級好食嘅厚切豬扒，薄薄一層炸皮包住多汁厚身豬肉，完全唔會鞋口而且食得出係有醃過，肉質爽彈完全唔乾身，出色！我之前喺香港食過嘅肉骨茶多數都好重味精，所以今次其實我並無抱有期待，不過肉骨茶嘅魅力大概就係每一間餐廳都會整到唔同味道，而呢到嘅肉骨茶係好重藥材味，撈埋飯變湯飯咁食真係好正！肉有3-4舊，好軟淋淋入哂味，係略嫌呢個部位比較肥，如果係彎刀位就更正。而set餐入面仲有菜心同甜醬油，真係有幾分馬拉感覺！羊肉串燒就好夠羊味好適合愛羊人士，不過就有啲韌，個沙嗲係偏甜嘅口味。奶茶最底係馬拉椰糖上面就係黑白奶加西冷紅茶，叫咗杯少甜攪勻後都係超級甜，相信要係螞蟻人先頂得順！而美祿恐龍表面鋪滿大量美祿粉好甜好邪惡，但好過癮阿！呢間嘢真心出色，食完走出面已經勁多人等緊，下次希望可以試埋今次賣哂嘅豬頸肉！店員

Facebook 大角咀谷友推介，大角咀有新開食肆"星洲總廚"味道不錯，價錢親民！！一於要去試一試！！餐廳位於大角咀福全街，不太起眼，一不留神就Miss 佐。是日，我們試了午餐，價錢大約六七十元，包一般熱飲。有部分飲品需加錢，都是十元八塊點了一個"雞扒叻沙"雞扒是炸的，皮脆肉又軟滑，幾好味，不過就油佐少少，如果隔一隔油或用吸油紙吸一吸先上就更好。叻沙味香濃，好味！！另外點了"鮮奶白魚頭米線"米線送上來很香魚香味，魚湯煲得很白，沒味精，只是味道偏淡魚頭是用三文魚頭，味道其實都唔錯，但三文魚頭太肥，如果轉用鯇魚頭，應該更好味。這餐整體來說都好味的，但略有少少不足。所以過兩天，我們決定再幫襯，試埋星加坡菜最出名的"海南雞飯"同"肉骨茶"晚餐MENU 同午餐價錢都差不多"馬拉肉骨茶"餐包配白飯、油條同油菜肉骨茶味道夠香濃，我很喜歡，但豬肉就有點兒"鞋"，如果可以改用"一字排"，咁就可以連骨都食埋啦。"海南雞飯"轉脾位都是加$5, 性格比高，而且個雞很滑，讚總覺得食海南雞飯要配返個湯，可惜我們已點了餐飲，所以就另加＄5, 加了個例湯，今晚是"老黃瓜湯"味道不錯，無味精最後餐飲我加了$3 要了一個