茶聊

营业中

休息中

之前來食過一次lunch今次來試下夜晚不過如果想食平啲 建議lunch or tea來食紫薯味濃郁 下面係沙冰底飲落都幾飽肚 不過個外觀好fancy好靚要小心啲飲 唔係就成手都係紫薯打卡一流面頭係焦糖薄脆咁好似燉蛋加奶既味 聞落好香蛋味底下既黑糖珍珠都好入味同燉蛋味好夾 而且唔會一粒粒痴住或者好硬蜆數量好多 無空殼出現岩哂幾個frd分而且好有海鮮味 唔係急凍既感覺個麵食落好開胃食到唔停口軟殼蟹好大隻 一上枱個飯都熱辣辣十分推薦！

在我放假期間，四圍搵好嘢食，今次在旺角砵蘭街找到一間高質素Cafe, 地點方便，環境舒服，食物唔錯，飲品一流。今次我選 中午到店舖食lunch, 點了以下食物和飲品：《鹹蛋黃烤鳳尾蝦漢堡》，材料豐富: 蝦很爽口彈牙，另外用鹹蛋黃烤牛肉漢堡有驚喜，味道鮮味和香口 和 麵包烤得鬆脆可口（用這款麵包最夾漢堡，口感和味道絕配）。《忌廉芝士磨菇釀雞翼》用兩種調味做磨菇釀雞翼，味道搭配很夾 和 調配很好，完全沒油膩口感。《髒髒紫薯鮮奶沙冰》是我最愛喜飲品之一， 這間做得好足料，口感 和 咬口 一次滿足，味道不太甜又有紫薯粒粒。總結，我很滿意這間Cafe, 沒有豪華裝修但食物唔錯 和 飲品樣靚味道好， 值得推介，名字很有意思《茶聊》…… 與朋友來相聚，飲下和傾下再加上打卡亮點，是聚會好地方。今次還未試意粉 和 甜品， 下次會再來Encore.

實在係超耐無黎茶聊打卡啦，今日午餐就黎encore先！我一直都超鍾意茶聊既飲品，好飲之餘打卡一流。一入收銀處範圍樓底好高，餐廳裝修以摩登灰黑色為主，座位都幾舒服。而家落單用QR code，方便唔洗周圍行。餐牌唔少選擇，有龍蝦蟹肉包，鳥籠漢堡，新既手抓薄餅，意粉，闊條麵，意大利飯，主菜，馬來喇沙湯天使麵，沙律，小食。飲品有芝士奶蓋沙冰，芝士奶蓋茶，明治鮮奶，高山純茶，新鮮水果茶，同特飲。餐包是日餐湯及一杯茶4揀1，升級飲品有優惠。不設加一服務費。用餐時間限九十分鐘。粟米忌廉湯是日餐湯係粟米忌廉湯，用一套茶杯仔上枱。粟米忌廉湯夠濃滑，真係有粒粒粟米咬下。安格斯沙爹牛肉片漢堡配凱撒沙律及薯條 $168鳥籠漢堡真係打卡必點！一上枱當然係相機先食！今日揀左安格斯沙爹牛肉片漢堡。香甜而外脆內鬆軟既麵包下面已經有大量沙爹醬，麵包加沙爹汁一齊食食到香辣中帶甜味，好好食。一攞開塊麵包，就係幾塊沙爹牛肉片，質感嫰滑而味道調得好。安格斯牛肉漢堡超厚身，雖然全熟，但係唔鞋唔乾有肉汁。漢堡扒上面係一大塊熱溶芝士，下面仲有番茄片，大大塊生菜同沙律醬。呢個漢堡好有創意而料多，食落非常濕潤唔乾，好出色！配菜有凱薩沙律

好耐無黎茶聊療一療，超鍾意呢度既飲品，打卡一流之餘又好飲，非常療！冇黎一排，餐牌好似少少唔同左，有全日早餐，包類，賓尼迪，沙拉或蔬菜，小食，意大利飯，意大利粉，豬牛魚。午餐包是日餐湯及高山茶一杯，或可加$9-$16升級其他飲品。不設加一服務費。去收銀處落單比錢講低枱號，然後就自己坐低等食物送上。番茄忌廉湯（跟餐）是日餐湯係番茄忌廉湯，睇落細細杯但係原來份量都幾夠。味道偏向忌廉味重d，湯入面有好多細粒豬肉碎同埋好似煙肉碎，另外上一小塊全麥包俾你送湯。檸檬牛油北海道帶子燴忌廉芝士意大利飯 $98呢個檸檬牛油北海道帶子燴忌廉芝士意大利飯（個名好長）既賣相色彩繽紛。香煎北海道帶子有三塊，煎得生生哋，而外脆內嫩，整得非常好。因為廚師加左勁多材料，令個飯口感同味道都非常豐富，包括京蔥粒，翠玉瓜粒，車厘茄，連芝士都有芝士薄片同埋拉絲芝士，再撒上類似明太子嘅橙同黃色籽類物體同食用點綴沙律。加埋個輕盈但好滑嘅忌廉芝士汁，令個飯嘅濕潤度好好。和牛漢堡配薯條 $158和牛漢堡超大個，上層麵包都幾香脆，最欣賞呢塊包沾左勁多下面嘅熱融芝士，好邪惡！下底嗰塊和牛漢堡扒超厚，煎到個皮好香脆，入面差少少先全熟，唔會太

之前睇Viutv辣火頭開火已經覺得呢間餐廳環境好靚而且有原隻龍蝦包自從喺韓國食完之後喺香港都搵唔到類似嘅龍蝦包😭😭而且亦都唔少朋友去完推介話係適合傾偈聚舊嘅地方 所以就向朋友提議一齊去喇既然比龍蝦包吸引嚟當然就叫咗原隻龍蝦包配薯條啦 啲龍蝦多到個包裝唔曬瀉曬出嚟一食落口有好濃龍蝦湯嘅味道而且個包唔係好硬嘅法包食落好軟熟 包本身亦好香美中不足嘅地方係食到龍蝦殼但都證明係真材實料龍蝦肉😂😂粉粉荷蘭汁煙三文魚牛油果賓尼迪呢個benedict有齊我最鍾意嘅食材本身諗住中規中矩 點整都好食但又估唔到幾有驚喜朋友話係香港食過最好食嘅Egg Benedict個蛋白同埋流心蛋黃令到成個質地好Creamy 再加上 底下個包軟熟唔乾好有心思地搽左牛油果醬喺包上面加埋煙三文魚之後味道好有層次而且Benedict 個流心狀態真係拿挰得啱啱好 大推介！牛油梨龍蝦肉配有機藜麥沙律跟蛋白卷再叫多咗樣比較健康嘅沙律平衡下賣相非常特別好似一個蛋糕底下嘅係龍蝦洋蔥等等嘅沙律上面就係一層牛油果醬再加上藜麥沙律同埋蛋白卷而藜麥沙律更加用咗好特別嘅百香果汁 我自己就比較鍾意普通沙律醬 但百香果汁比較健康 崇尚養生嘅朋友都讚不絕

茶聊，同“茶療”同音，後者似乎更符合英文名“Tearapy”既意思，可能餐廳想以茶“聊”及“療”。今次第二次到訪，彷如隔世。不過餐廳冇變，一樣高樓底，裝修以灰黑色為主，感覺摩登。今日係大年初五，黎呢度食個西式開年飯先。今日要試新野，揀左一份麵包，一份賓尼迪同一份沙律分黎食。另外仲有好多小食揀。落單係自己去收銀俾錢先，之後野食會送上。粟米忌廉湯（跟餐）套餐包括是日餐湯，今日係粟米忌廉湯，湯用茶杯上，可以當茶飲，哈哈。飲完暖下胃先。原隻龍蝦包配薯條 $178新年揀個好意頭既哈哈笑龍蝦包先。龍蝦包切開兩件，方便食用。龍蝦肉拆好哂，包括兩隻龍蝦鉗仔，上面加左芒果醬同爽脆蟹籽，甜甜酸酸，通常西式龍蝦都係食醬多。個包明顯搽左牛油烘過，幾脆口，不過入面就冇龍蝦肉，但係有一塊羽衣甘藍。炸薯條加左調味，不過唔過咸，凍左少少先食都仲脆脆地，點茄汁食尚可。伴碟仲有少少新鮮沙律菜同半粒車厘茄，加左少少沙律醬唔會肥。粉粉荷蘭汁配松露巴馬火腿賓尼迪 $108上次食左三文魚賓尼迪，今次試下Menu既另一款先。粉粉荷蘭汁配松露巴馬火腿賓尼迪一客兩件，賣相好靚。半熟賓尼迪整得合格，上面加左少少松露醬，幾香。我鍾意流心蛋

今日去何文田做野，於是決定去呢間Bookmark左好耐既cafe試一試佢。12點就到左，直接入座。一入門口就見到用仙人掌做主題既門口，好靚既LOGO啊😍。店面用黑白為主色配合線條感好重既擺設，好有時代感。進內第一個area係Bar枱同半Open kitchen，Bar枱用上白雲石面，對住落地玻璃，有些少自然光影相，用黎打卡實在一流。但千萬唔好對風景有太大要求，坐過一次你就會明白點解咁靚都冇乜人坐bar枱🥴。做好research既我緊係要試佢個打卡飲品，髒髒紫薯鮮奶同egg benedict。呢杯飲品飲落味道似milk shake多過一般飲品店既紫薯鮮奶。杯面放有不下十粒紫薯碎，好怕佢沉底所以一上枱我已經狂影post IG，點知隔左成個餐都冇跌入去，可見杯野既density相當之高，係足料之選，對得住個價錢。作為一杯招牌飲品，又打到卡又足料又好飲，真心讚。另外個egg benedict我原本冇乜期望，事關近排聽一位去國外學廚既朋友話egg benedict係最最最基礎既一道菜，煮法唔難，但因為佢既形態比較靚所以餐廳先會set到咁高價錢去賣一粒雞蛋🥴。當日唔想食咁飽，所以照嗌，點知...好

茶聊 Tearapy @therapy_therapy📍 旺角砵蘭街189號1樓.▫️ 飲品方面，試咗非常吸睛嘅髒髒系列🤩 兩杯飲品都有芝士奶蓋再加朱古力粉及紫薯粉做裝飾😝.🍠 髒髒紫薯鮮奶沙冰 $44: 好多天然嘅紫薯粒，沙冰非常夠凍好清爽.🧋 髒髒黑糖珍珠鮮奶 $44: 珍珠好煙靭✨而且味道唔會過甜，再加埋朱古力粉好好飲☺️.🦞 原隻龍蝦包配薯條 $178: 排包有用牛油烘過👍🏼 加上新鮮嘅龍蝦肉，好滋味😇.🍳 粉粉荷蘭汁煙三文魚牛油果賓尼迪 $108: 好有驚喜😋 牛油果蓉加上厚切煙三文魚，濃郁嘅賓尼迪醬加蛋汁🤤 味道好融洽🥰 .🥗 藜麥大蝦牛油果沙律配百香果汁 $108: 大蝦好新鮮爽彈，仲有藜麥同牛油果，感覺非常健康🌟

「茶聊」係一間隱身於朗豪坊附近工廈嘅樓上Cafe。Cafe嘅裝修行工業風設計，灰色水泥墻身，用鋼鐵組成嘅一格格網狀嘅裝置好有藝術感，成個裝置藝術咁，再配合埋燈光，好有型！Cafe內亦設有仙人掌主題嘅文青打卡位供人影相。 🧡髒髒紫薯鮮奶沙冰（$44）我係比依間餐廳嘅茶飲吸引去嘅，去到見到髒髒奶茶系列幾乎每台必點。我都試咗cafe嘅髒髒紫薯鮮奶沙冰，成杯沙冰滿到想傾瀉而出，視覺效果好震撼，打卡一流！可以飲到好重嘅紫薯味同奶味，又唔會好甜，幾好飲！$44咁大杯野飲，同埋都有質素，飲得又打卡得，值得推薦！🧡忌廉芝士蘑菇釀雞翼（$78）忌廉芝士蘑菇釀雞翼烤得好香口，內餡嘅芝士味好重，都幾好食！🧡海鮮意粉配辣龍蝦汁（$138）唯一有啲失望嘅係個海鮮意粉配辣龍蝦汁！啲蜆應該無吐沙，隻隻蜆都食到有沙。啲蝦都新鮮嘅，但就唔係特別入味，同埋意粉個口感怪怪，咁嘅質素賣$138，唔係咁值。