霸王山莊

营业中

休息中

去霸王山莊有兩樣野一定要食就係水煮魚同小籠包每一次叫水煮魚啲配料都唔係完全一樣但點配都好味今次有鴨血 粉皮 娃娃菜 秀珍菇不過就冇大豆芽同窩筍味道依然好好👍🏻 啲魚夠滑另外而家有個抗疫午餐$88一位有一個頭盤 一個主食 一個點心 同一杯豆漿頭盤揀咗尖椒皮蛋好味😋主食揀咗雲腿津白嚟嘅時候跟埋個飯下次可以唔揀呢個 麻麻地點心梗係揀小籠包小籠包皮薄夠熱多肉汁係必叫之選最後再加咗個高力豆沙熱辣辣唔太甜啲員工都好好禮貌

這店在漆咸道現址頗有歷史，我哋常响門口等巴士返屋企，見門面冇乜人，一定係貴或唔好食。最近疫情關係 多咗响 fb 見到廣告優惠，終於去試套餐。入內原來內有乾坤，座位都在內裡。先開壺茶🍵叫個套餐先來兩粒小籠包。正常再來前菜和炒飯。烤麩好味，送飯。正章係片皮鴨。特價餐但份量不太少，配麼麼皮（？）都不馬虎，每片之間 夾蒸籠紙。最後，甜品係高力豆沙。甜度剛好，若更大更鬆軟就更佳。餐價 $229 加十二蚊茶位。下午茶也有其他套餐，一個麵加飲品加三小碟。

今日同母親慶祝生日，老人家都鍾意食啲中式野，於是就揀咗呢間京川菜。一坐入去，店員嘅服務態度都非常好，好快就幫我地安排左座位同埋比茶我哋飲。我哋總共叫咗六個小菜三個點心，上菜速度都非常快。然而食物質素食咗一般般，這間川菜其實價錢都算偏貴，但味道都令我有少少失望。首先擔擔麵方面，小小辣味都冇，而且花生味都唔夠濃，好似食緊一個好清淡嘅湯麵。另外我哋亦都叫咗銀絲卷，今年你好似真係好難搵到好味嘅銀絲卷，霸王山莊嘅銀絲卷中間亦都係黐埋一舊，沒有條條分明。上湯娃娃菜方便，不夠入果，好似食緊白烚菜咁。反而小籠包非常唔錯，皮薄多汁，而且唔會穿。 去到最後服務員好好，幫我地影相，仲影咗好多張，整體服務非常好！

很少吃京川滬菜式，偶爾經過此店，特意嚐嚐。店內裝潢挺有空間感，燈光柔和，座椅舒適。週末午膳，少了平日的優惠套餐，與朋友點了山莊炒麵、砂鍋雲吞雞及高力豆沙。先來山莊炒麵，微溫的炒麵色調均勻，味道鹹甜適中，有雞絲、蛋絲及蔬菜絲，屬水準之作。砂鍋雲吞雞(例)有四顆菜肉雲吞、部份雞件及蔬菜，湯底清甜，濃度適中；各樣食品新鮮，吃起來感覺豐富、清純和健康。高力豆沙為豆沙蛋白球，看上去感覺輕盈，吃下有軟綿之感，很棒！微微的蛋白香，加上豆沙餡稠度適中，不甜膩，配合糖粉之下，清新而令人滿足，值得回味。服務方面，店員態度友善，上菜服務周到（會主動為砂鍋雞件切件），亦有效率地回應食客的其他需求，值得讚賞！綜合而言，食品清新健康，服務高質素，但價錢稍貴。偶爾想吃京川滬菜式，也可考慮此店。

見幾多人, 真的有D誇張, 夜晚一行6人去食晚餐, 8點去到, 見門口好多人, 不過我地訂左位, 都要照等, 等左10幾分鐘, 終於有位, 上樓上食, 6個人, 佢比左張長方形枱。未坐埋位, 已經感到地方異常局促, 人流又多, 一班女仕坐了在我們後面, 講野既音量同街市賣菜既無分別, 我地都覺得好難頂~~~~好喇, 一坐埋位, 已經比D人嘈到我地要嗌破喉嚨咁講野, 勁辛苦!之後, 我地叫左個4人套餐, 再加左D野食~~飲佢地D茶, 完全唔似茶, 淡過飲水, 仲要收錢既。啤酒成廿幾蚊一枝, 唔好去搶????肯定唔會叫囉~!!!! 先黎個酸辣湯, 大家一致覺得佢得個"辣"字, 又稀, 又無酸辣湯應有既味, 一味得個辣!!!!!再黎個什麼" 龍井蝦仁", 蝦仁無味, 只是點落D醋度就有D味, 不過唔多好味囉, 食剩勁多~!!! 小籠包.......嘩~一夾即穿, 無水準可言, D汁已經流晒出去, 咁易穿, 好無癮囉~!!!!6個人食, 無人夾唔穿, 同王XX個D差得遠呢.......因為人地個D皮簿得黎唔易夾穿。鮑汁離錦炒飯- 個賣相OK, 粒粒飯都有蛋, 第一啖食落都OK, 食到第4,5啖

尋日同0左一個外國讀書0既朋友去食飯, 仲有佢一個朋友, 一行三人本身諗住去<查理布朗咖啡專門店>, 不過佢地話麻麻, 所以我地就去0左附近的<霸王山莊>食啦, 加上近排我都經常食上海0野0架啦, 咁就順便試埋佢啦!!! 入到去就唔洗等位, 不過侍應帶錯位. 去到我地應該要坐0既位的時候, 竟然d位係椅貼椅, 咁點過呀, 要部長叫客人讓一讓我先可以通過, 真係未食先興奮. 好啦, 忘記佢啦, 專心叫0野食啦. 1. 小籠包 (4隻 $28) ~ 價錢普通, 小籠包都一樣普通. 2. 擔擔麵 ($38) ~ 賣相ok, 味道, 麵質好一般. 3. 紅油炒手 (8隻 $36) ~ 夾落去比較硬, 一舊舊, 食落口冇特別!!! 4. 高力豆沙 (4個 $28) ~ 最後食0既甜品, 有期望, 但失望. 只是豆沙算比較好. 5. 酸辣湯 (例牌 $69) ~ 雖然大大碗, 不過貴, 味道麻麻地啦!!! 6. 榨菜肉末配义子燒餅 ($62) ~ 呢碟, 係六樣0野之中最差0既. 燒餅0既芝麻多都不得了, 令到口感好唔得, 加上榨菜肉末鹹到死, 真係又貴又唔好食