大阪日本料理

营业中

休息中

即使身為元朗人，唔講都唔知道有一間日本小店喺呢個巷仔位置。雖然唔起眼，但午市都不乏等外賣或者排隊堂食嘅人。中午外賣大多數都要等20-25分鐘，建議大家預早電話落單。🍣魚生飯 $78★★★★☆魚生飯定食包埋一碗麵鼓湯、粟米沙律、中華沙律、日式海鮮茶碗蒸，外賣Lunch都可以食得好豐盛。魚生飯有2片三文魚、2片帶子、2隻甜蝦、1件蟹棒、2件北寄貝、2片八爪魚、黃金魷魚。三文魚兩大塊而且好厚切，真係啖啖肉，唔腥新鮮；帶子有啲薄身似1開2，蟹棒就正常冇特別；甜蝦幾鮮甜；北寄貝同八爪魚爽脆唔會有陣腥性；但黃金魷魚略帶少少腥。整體食落超級豐盛，壽司飯嘅份量都係超級多，細食或者女仔可以落單時記得叫少飯。定食跟餐嘅小食配菜都唔會HEA，其中日式海鮮茶碗蒸都足料有香菇、蟹柳、元貝仔，抵讚。$78蚊包咁多野仲要個份量咁多，性價比極高，抵食！🍣燒汁窩蛋牛肉飯 $48★★★☆☆正宗牛肉山！份量十足，無論係飯定係牛肉都好多，女仔一定食唔哂，兩個人SHARE就啱啱好。牛肉巨量會有埋青椒，啲肉多到一開始要夾出黎先可以食到啲飯。但牛肉唔係好滑，比較乾身有少少鞋口，部分有筋，要趙好多。而且個人覺得個燒汁太少同埋唔夠惹味

好耐冇食過大阪，次次經過都畀人潮嚇退🤣，是日見鐘數尚早，即管去撞一撞，6點鬆去到，等第三張檯，兩三個字有得入！吞拿魚腩碎魚生飯: 吞拿魚腩碎係即剁，直頭聽到廚房剁，份量超大，吞拿魚新鮮冇筋，其他魚生都超鮮甜，最抵贊北寄貝，食落爽口，有甜味！魚生飯: 甜蝦高質，三文魚腩夠油脂，劍魚腩普通！跟餐有湯，沙律，茶碗蒸，正正常常！炙燒三文魚腩壽司: 每次必嗌，好有感情！大阪未搬細舖之前，我哋一家人每個月都去幾次，次次都會嗌幾客！三文魚腩大大件，有油脂，燒完再香口啲，必試！軟殼蟹反卷: 正常好食，蟹炸得好鬆脆，冇腥味！小肌壽司: 今次重磅推介，見到白board 有佢出現，一定要嗌嚟試下！魚冇腥味，食落小小爽口，有種好特別嘅魚油香！總括嚟講，大阪唔會令人失望，cp value 世一，嘢食高質，有良心，經開元朗必試！