津津食店 (已結業)

放假同男朋友去梅窩玩，見到好多blog都推介呢間津津食店，星期日仲有限定供應嘅菜式❕於是就bookmark咗呢餐廳，以防佢沽清，星期日仲預早咗時間去！12:30左右去到，都有少少人排緊隊，等咗大概20分鐘就有坐位，我地分別嗌咗一個蟹茄湯檬同埋鮮茄牛腩湯檬🍜🦀蟹茄湯檬 - $63真材實料嘅湯底，有兩大舊豬骨、蕃茄、豬肉丸等等配料。雖然個鮮茄湯幾清甜，但蟹嘅份量略少，只一有小隻，肉質不算很嫩。🐄鮮茄牛腩湯檬 - $58牛腩非常入味，而且夠嫩‼️因為湯底浸住牛腩，味道較蟹茄湯濃，無蟹茄湯咁清甜。整體都可以，以梅窩嚟講算係幾有特色，不過味道就不算太特別。🌟推薦指數：6.5/10

黎左梅窩玩幾日，星期日就食左個星期日先有既蟹茄湯檬同鮮茄牛腩湯佢地既湯底真係一流，而且真材實料，唔覺得有味精。而蟹茄湯檬仲附上兩舊豬骨，正～不過對蟹就唔好咁有期望，因為都係細細隻，無咩肉既餐廳既姐姐都好nice, 好有善同有禮貌

都有好多年無入梅窩，今日同一班朋友由東涌行入梅窩，行完後剛剛好，食晏時間朋友介紹此越式小店，好在入早一步，之後都要等位，估唔到梅窩都咁旺。因為今日星期六，無得試佢哋星期日限定嘅蟹茄豬肉檬，唯有下次啦。老婆點了鮮茄牛腩湯檬，茄湯鮮甜，不過唔夠濃，牛腩好淋，份量亦多，酸酸地都幾開胃。我點了豬扒春卷撈檬，豬扒勉強合格，但春卷有水準，炸得好脆，餡料配搭亦唔錯，而魚露甜酸汁（碌冧）有啲偏鹹佐，甜酸的比例亦差少少，後來才發現，兩餸加春卷（$6）比單獨叫春卷（$78）抵啲。呢度主要做街坊生意，裝修比較殘舊，但感覺到啲夥計都好有人情味，服務好，值得支持。