鳳城酒家 (已結業)

之前都係去太子嗰間鳳城, 今次我地黎到紅磡鳳城, 睇下係咪都一樣咁好先~紅磡鳳城地方比較大,一層過, 酒樓黎講唔算得上大… 但座位編排上有悉心安排過, 係一張圓枱一張方枱咁放, 原來咁樣會坐得比較舒服, 唔洗同隔離枱痴到貼一貼, 讚!!!小杬鯪魚球- 炸得剛剛好, 保留返咬落去嗰下嘅鯪魚球口感. 個靈魂~蜆芥汁咸味適中香味濃… 48有8粒, 比我想像中多, 又抵食又好食!!鳳城高湯炸粉果-係我每次黎都必點嘅!! 炸香左嘅粉果, 點左高湯，即時變得煙韌可口鮮蝦菜苗餃- 水晶皮厚薄適中, 餡料豐富, 蝦大大隻, 絕不吝嗇 香煎臘味蘿蔔榚- 好多茶樓都求其做, 但呢度做就得不油膩, 而且蘿蔔味夠重, 唔會粉多過蘿蔔, 加上臘味香, 正呀!豉椒牛肉炒河- 都算夠火喉, 濕少冇乾炒咁多油, 普普通通, 都唔錯! 

為準備下星期出遊的東西，特意來黃埔走一趟。買野不知時日過，揀揀試試已經是下午茶時間了。這𥚃曾經是我家的飯堂，但愈食愈難食，早已將它從我的餐廳清單中刪除！今天來到時已經是二時半左右，仍然是人頭湧湧，可能有料到喎！甫坐下，已經有多張下午茶點心紙供顧客選擇，另外大、中、小點全部一律十七大洋，茶錢每位五個大洋，真正的優惠，沒有取巧！點了幾款點心，再加一碟豉油皇炒麵，三人吃剛剛好！腸粉粉皮滑溜，义燒夠焦香，水準之作！來個招牌菜：鳳城水餃，餡料的蝦鮮甜，配合筍絲和木耳絲的爽脆，不錯！七彩牛柏葉是補充膽固醇的食物，所以我已經少吃，但這個都算做得不錯，清清淡淡的！漁湯鮮竹卷，浸在鮮甜的魚湯，濕濕潤潤，夏天佳品！鮮蝦菜苗餃，中規中矩，但都遠比上次在聯xx的，好上百倍！家鄉蒸釀瓜甫，夠傳統，都！豉油皇炒麵，炒得夠乾身不油膩，好香，應該有用豬油，但偶一為之，好食最要緊！今次吃過這一頓下午茶，我對鳳城完全改觀了，而且尚有多種優惠推介，一定會再來試試看！