樂園魚蛋粉

营业中

休息中

古法鮮蝦雲吞米粉 $29價錢認真抵食，雲吞有成4粒。如果唔係堂食, 外賣嘅話揀米粉好啲，就算索水都無太大影響口感。湯底OK～唔好太濃味似味精。但咬開雲吞，都隱約見到完整一隻蝦肉，感覺唔錯。加生菜 $10菜嘅份量唔算係超級多，但感覺OK夠做啦。照正常跟蠔油無骨海南雞飯 $48幾欣賞呢個海南雞飯，飯都幾鬆軟，唔會好油膩。雞肉就真係無骨嘅，送兩個醬汁，一個酸辣、一個微甜的醬油，襯埋成件事都好食。凍豆漿 +$8因為係成枝裝，所以就擺左係雪櫃放住，就無熱嘅。飲落唔會偏甜過甜，香港製造都啱返香港人口味。養顏紫菜湯 原來晚巿係無奶茶飲，但食飯就送紫菜湯。朋友覺得個湯偏醎，但我覺得係正常嘅湯味。外賣🥡雖然我自己帶左飯盒，但餐廳都算肯幫手入飯盒，一齊減塑。

放工一個人帶著疲勞身驅又肚餓, 係附近搵左間粉麵舖醫肚。餐廳環境整潔光猛, Menu上主打粉麵, 另有小食、少量飯類選擇,【崩沙牛腩河】HK$46 +$8 配熱好立克崩沙牛腩份量多, 又keep到原味肉汁, 口感很腍, 非常入味, 自選最易索湯嘅河粉, 索左清甜湯底, 正!【鮮蝦雲吞】HK$29雲吞唔算大粒, 入面隻蝦雖然細隻, 不過係原隻兼爽口, 配上鮮甜豬肉餡, 整體味道唔錯。 【酥炸魚皮】HK$18魚皮酥脆可口, 卜卜脆, 浸湯食亦唔錯。