渝味曉宇重慶老火鍋 (太子集團中心) (已結業)

個friend約我食飯，飯局主題好誇張：「重慶火鍋50強」「舌尖上的中國2」獨家推薦「正宗麻辣鍋」😝😝。入到去眼前一亮，開揚維港景緻+藍天白雲，裝潢光鮮明亮，火鍋細心位如圍裙、各類火鍋用具、擺放隨身物品嘅籃都做得一絲不苟。鮮黃喉，係豬/牛心室輸出個條大動脈血管，高蛋白質，呢個唔知係牛定豬，但肯定新鮮處理，因為咁先會又脆又爽口。OMG! 個湯底個樣幾似樣喎！一邊又麻又辣，一邊係成棵芫茜同糖心皮蛋，清新下火，岩哂friend底圍爐打邊邊！曉宇苕粉，即係紅薯粉。老老實實，粉嘅份量唔多，但可以講係我食過最好味嘅薯粉，夠哂煙韌彈牙又滑一滑。皇帝菜新鮮無渣有菜汁，脆鯇魚腩骨少肉厚，爽脆嫩滑，都幾鮮甜。手打蝦滑彈牙有蝦味，貴花蚌只係灼一灼，入口鮮味爽口！仲有安格斯肥牛同紐西蘭鴨血，鴨血吸左湯底，惹味而且入口幾爽滑。已加入本人必定回頭火鍋list。

渝味曉宇去過幾次，第一次來到尖沙咀店，位於十八樓，有90度落地玻璃，環境很不錯呢！一踏出電梯店員便有禮地問我們有沒有預約，又有提供口罩袋，同時也有店員在消毒餐具。海蟶 $78四月到八月有個鮮活海蟶季節限定，要了一份居然有12隻份量也很足。海蟶煮五分鐘後鮮甜彈牙有肉地，非常好吃！稻田毛肚 $118毛肚是個人火鍋必點的頭三位，輕輕一煮，很好吃。鮮黃喉 $108這邊的黃喉非常爽脆，大大件，很好吃！牛心椗 $59牛心椗比黃喉厚身，沒那麼爽脆但更有咬口，男友最愛。鮮魚膘 $59第一次點鮮魚膘，上菜是原個的，果然新鮮，然後再在我們面前剪細，非常細心。鮮魚膘也是比較有咬口，有些位置比較爽脆，有些則比較滑，不錯！乾貢菜 $32乾貢菜大概下三分鐘，入口爽脆很適合火鍋。皇帝菜 $32皇帝菜新鮮，我們喜歡加在番茄湯底那邊。

渝味曉宇喺尖沙咀嘅核心區，最爽就係所有菜式都可以叫半份，兩個人嗌到成枱嘢，計埋加一都唔洗600蚊，質素仲要幾高添！大骨滋補鴛鴦鍋 $78一邊是豬骨配紅蘿蔔粟米馬蹄等的超鮮味湯底，另一邊是香而麻的湯底，各有特色，一樣咁好味！醬料配料已在枱面，唔洗行出去都可以混醬！未上菜先奉上餐前甜品，清甜滋潤！亦都可以留返最後先食，解麻一流！汽水 $18核心地段嘅晚市黎講，價錢算公道！重慶炸酥肉 $32 半份落原粒花椒再連肉一齊炸，酥脆得黎仲勁麻，超過癮！美國安格斯優質肥牛 $119 半份油花分佈相當漂亮，就算用麻辣湯都掩蓋唔到佢嘅新鮮牛肉味，讚！黑豚腩肉 $42 半份軟腍肥美嘅黑豚肉，肉香濃郁！重慶耗兒魚 $42 半份烚極唔爛嘅魚，起肉容易又少骨，相當適合打邊爐！手打墨魚滑 $46 半份爽、鮮、滑、正！無嘢可以挑剔！萵荀條 $18 半份烚一陣已經入晒味，爽甜好吃！曉宇苕粉 $29 半份呢個粉烚到半透明就食得，勁滑勁煙靭，好味！鮮黃喉 $49 半份牛的大動脈，又爽又鮮！

轉了新公司後無需再到重慶工作，難得在香港找到正宗的老火鍋味道意想不到夏天的平日也坐無虛席，幸好預先訂座一如以往，先來一份免費的糖水墊一墊胃湯底要了大骨滋補鴛鴦鍋，未開始下菜已先將白湯喝了一半正宗的老火鍋當然要配油碟啦美國安格斯優質肥牛灼熟後仍然嫩滑無渣，有牛肉香鮮黃喉大片及爽脆，嫩滑不韌鴨血爆汁的口感超好吃牛筋丸及貢丸夠爽口皇帝菜非常新鮮最後再追加一份美國優質肥牛粒，肉質鮮嫩而不油膩自製洛神花茶味道帶微酸，非常開胃，火鍋絕配

任性老闆想在午餐時段打邊爐,一找之吓發現了這間渝味曉宇重慶老火鍋 。重慶麻辣岩晒佢,一於就黎呢度試試。店內正在做午市火煱湯底免費優惠(晚市每位$38),Lucky~我唔食得辣唔敢叫九宮格大紅鍋,叫了一個山珍菌湯鍋+普通辣湯的鴛鴦鍋。上食物前,店員會先附上糖水。暖暖的冰糖紅棗糖水,超滋潤我最鍾意的食前大合照。一上碟我和老闆的第一個反應就係,食材勁新鮮!!!未食,只睇顏色已經知道用料上乘食之前要介紹下餐廳的醬料中間的香油簡直係呢度精髓 不會死鹹,將所有食材的鮮味完全提升。火鍋主角-紐西蘭羊肉卷,3秒食得!配麻辣湯一絕!蓮藕片鮮甜功夫萵荀片+淮山條淨係睇顏色,都知有幾新鮮!!曉字手打三寶丸,有牛肉,墨魚,鮮蝦。全部都超彈牙曉字苕粉-粗版紅薯粉,吸滿火鍋湯精華,煙韌彈牙!鮮黃喉-貴精不貴多,皮薄爽口!!這個份量,我和老板二人岩岩好。價錢當然不可以和港式火煱相提並論,但論環境論食物質素,絕對是物有所值。大約1點店內開始有其他客人,原來除了火鍋店內還有提供午市menu。一望之下發現相當超值,下次一定要再黎。臨走時,店外放了薄荷糖及飲月水給客人清一清口氣。值得一讚!

渝味曉宇曾經上過《舌尖上的中國2》，又是重慶火鍋的50強之一，當然要黎朝聖啦！選在中午的時段幫襯，貪佢人流相對上會比較少，唔洗等就有得入座。被安排在靠窗的位置，有勁靚嘅維港景，心情都靚啲！相信夜景更加無敵！桌子上有齊蒜蓉、香油、醬油、蔥花、醋等，也有店員問我們要不要指天椒和辣椒粉，仲有圍裙，唔怕啲辣油會彈到衫褲，唔錯！先來的是甜點，潤一潤喉，先甜後辣！洛神花茶 $18 each微酸中帶一點甘，頗為醒神的！鴛鴦鍋 $38 每位我們叫了大骨滋補鍋加重慶辣湯，中間的大骨鍋除了有超大舊豬骨之外，仲有紅蘿白、粟米、馬蒂等，香滑鮮甜。外圍的是最高辣度的重慶辣湯，又香又濃，勁辣得黎又唔嗆，出晒汗都仲會想繼續食，非常刺激！重慶炸酥肉 $60連埋大量原粒花椒一齊炸，既香又麻，愈食愈想食，根本停唔到，好味又過癮！稻田毛肚 $112一淥就會縮水，所以建議時間係15秒，而且啲毛會掛起大量辣湯，又爽又辣！鮮黃喉 $99鮮黃喉是豬牛的血管，又爽又脆又帶一點鮮甜，配大骨湯或辣湯都好夾，正！重慶耗兒魚 $79結實而且少骨，非常適合用黎打邊爐，個湯點滾都冇散，魚肉帶甜唔腥！曉宇嫩牛肉 $81肉質超滑超嫩，烚2分鐘啱啱好

今天中午約了朋友一齊吃四川火鍋，雖然天氣變熱了，但是對火鍋的執念還是不變的。第一次來尖沙咀這家渝味曉宇，裝修挺好看，光亮的。裡面的卡座還可以看到維港景色，恰巧最近有藝術品在維港展出，我們一邊吃還可以看到它飄過呢。坐下以後店員會先送上兩碗雪耳紅棗糖水，護胃的，所以開吃前要先把它吃了喔。兩個人點了這些菜。我們選了鴛鴦鍋，白湯點了香果鍋，就是加了蘋果雪梨，味道比較清淡。下面有冰山保鮮，吃到最後還是很新鮮。毛肚爽脆，上面的粒粒很吸湯汁，火鍋必備的食材之一。黃吼超級超級爽脆，有點像脆骨。下面同樣有冰保險，吃火鍋，材料的新鮮度很重要。豬肝吃得多，牛肝還是第一次吃。它們給牛肝配了個乾碟，煮完以後可以沾。牛肝沒有豬肝脆，口感偏向香滑。每一片肉都是雪花，看起來就超級吸引的。煮幾秒就熟了，吃起來肉味香濃，也不會老，不錯。耗兒魚魚肉結實，煮完十分鐘魚都是完整的，魚骨偏軟，可以吃掉。嫩牛肉以店名命名，果然很滑，不論煮多久，撈起來的肉還是很嫩，推薦。洛神花茶酸甜，沒有冰，但是夠凍，解辣一流。

一行四人慕名到訪這家設於尖沙咀的在重慶超過二十年老字號的火鍋店，自從央視的《舌尖上的中國2》介紹後，瞬間在國內開了二百多間分店，並被選為重慶老火鍋50強。餐廳位於北京道一商業大廈的高層，近窗處可以看到附近的景致。火鍋店12時開始營業，我們就準時到達。火鍋店的座位寬敞，食火鍋最怕坐得擠迫及枱細不夠位置放食物，這裡就舒服得多。雖說是老火鍋，但店內裝飾頗為新穎。一坐下來，店長先送上甜品的冰糖紅棗雪耳，是給客人食辣前先滋潤腸胃，另外我們就先要一渣自製洛神花茶($58)，然後就慢慢點菜。輸在起跑線是不能食辣，都有勇氣來重慶火鍋店，就是想試試辣以外的鮮味。這裡推介的鴛鴦鍋，特別在不是從中間一分為二，而是鍋中有鍋。重慶人喜歡一鍋大紅鍋，另一鍋就是較為清淡些的，而我們就選了大骨滋補鍋及蕃茄魚頭鍋(每位$38)，兩者都不是辣的。至於火鍋料，我們就按推介的「孝禹十味」中選了八味，原來孝禹是重慶火鍋店老闆娘的名字，八味分別是稻田毛肚($112)、鮮黃喉($99)、大刀牛肝($89)、曉宇嫩牛肉($81)、極品鵝腸($87)、重慶耗兒魚($79)、紅糖糍粑($69)及重慶炸酥肉($60)。點菜單上亦有列出每樣

食麻辣火鍋唔使返大陸啦！ «舌尖上的中國2»選為重慶火鍋代表嘅「渝味曉宇」分店越開越多， 灣仔和銅鑼灣分店小編都去過啦， 今次就約咗九龍人係尖沙咀分店！😂 甫入座， 店員便奉上免費嘅冰糖雪耳糖水先滋潤腸胃， 再食麻辣火鍋， 可減低麻辣對腸胃嘅刺激， 好貼心呀♥️☺️～ 湯底是任選der～ 位位$38，好平呀， 一個人黎食都覺得抵！😂 湯底主要有兩款： 九宮格麻辣大紅鍋或鴛鴦鍋， 我們選了鴛鴦鍋， 因為一次過我可試晒兩種口味～😜 大紅鍋即麻辣湯底， 另外有湯底5款可選擇：大骨滋補湯、蕃茄魚頭湯、山珍菌湯鍋、特色香果鍋、皮蛋香菜鍋， 大紅鍋浸滿紅通通嘅辣椒，麻辣惹味， 上次試過山珍菌湯， 今次就試下大骨滋補湯， 滋補湯味道比較濃郁，哎喲不錯啊！😋 「渝味曉宇」嘅招牌孝禹十味， 係10款重慶地道嘅火鍋配料， 《舌尖》推介嘅冰鎮稻田毛肚和鮮黃喉， 另外還有鮮鵝腸、大刀牛肝、曉宇嫩牛肉、耗兒魚、曉宇苕粉、現炸豆皮、現炸酥肉和紅糖糍粑。 每次必點嘅冰鎮稻田毛肚（$108/份） 薄而大嘅上好葉瓣， 上枱時以冰鎮保持新鮮， 在滾燙的紅湯中汆燙後，吸盡麻辣湯汁， 質感爽脆又不失韌度，正！👍

最近返工車程遠咗，約朋友吃飯也只可約大家中途站 ~ 尖沙咀。 朋友一知道約在尖沙咀，第一時間就要去＂渝味曉宇＂。 因為她上次去吃完，就一食難忘那美味。 既然知道有美食，我當然也即打電話去訂枱。 雖然全幢大廈也有很多間餐廳，但電梯闊敞又快，不用太多時間就直達19樓。 一打開電梯門就看見門口放置了蕎麥茶，方便等位時飲用。 也放了些糖果，等客人吃完火鍋後sweet sweet ，夠細心。免費送上雪耳糖水，在食辣鍋前暖一暖胃。新鮮即炸，外層酥脆味帶麻辣，麻辣味慢慢滲出。稻田毛肚曉宇嫩牛肉，肉質十分嫩滑。識食一定要鮮黃喉，脆脆質感，超正。美國安格斯肥牛，雲石牛脂分佈平均，滾一滾肉仍帶微微粉紅色極品鵝腸，極爽脆好濃香大骨滋補鴛鴦鍋洛神花茶酸酸微甜，既可開胃又可消滯。

呢間係重慶火鍋五十強, 老闆亦上過電視節目"舌尖上的中國2", 咁樣牌頭又點會唔客似雲來?!好彩一早訂好位, 黎到時都差唔多全場爆滿先選好湯底, 有鴛鴦鍋, 今次試下蕃茄魚頭鍋, 真係有半個魚頭比你, 食埋唔好浪費落埋其他火鍋配料先, 當然要係呢個孝禹十味當中選幾款啦枱前放好靚食具, 另有麻油, 蒜泥, 蔥粒, 醬油及醋比客人自行調味, 著好圍裙就預備等食!未食火鍋前, 侍應先送上呢碗冰糖雪耳糖水, 目的係食辣前先滋潤一下, 好貼心喎!轉眼間, 火鍋食材已經好快擺滿枱啦稻田毛肚 ($112) - 即係黑牛栢葉, 唔經漂白過程, 樣子雖然唔太討好, 但更保留原味只需15秒就食得, 爽脆口感!大刀牛肝 ($89) - 切得都幾大塊的牛肝, 加左隻生蛋, 烚之前要撈均先, 增加滑口感呢樣要烚3分鐘, 烚完都係咁大舊, 立下眼以為係一舊鮮牛肉, 另設辣椒籽及蔥粒伴食, 唔太怕辣的我一於試下咁食法, 先食到辣度, 然後有牛肝的味道, 唔嚡口, 食起黎相當有口感!極品鵝腸 ($87) - 以冰底坐陣, 能保持鵝腸的爽脆度!  每條鵝腸都清洗得乾淨, 亦刮走左肥膏, 食得安心又健康D!烚1分鐘即食得

天氣轉涼 又係時候又打邊爐喇！雖然小編一年都晚都唔介意打邊爐不過重慶辣呢啲極限野 都係凍啲先好做今次黎到尖沙咀嘅渝味曉宇 一入門口就見裝潢光猛 空氣中仲飄住陣麻辣味！坐滿哂黎挑戰嘅勇者！由於真係唔係太食得辣 所以兩口子就揀左..鴛鴦鍋-重慶辣配大骨滋補鍋 當然仲要幾款火鍋配料啦～一上台已經俾果隻代表住「辣」嘅紅色嚇到不過唔理咁多啦 睇埋啲火鍋配料先！大刀牛肝($89/份)以前都有食過牛肝 不過唔知係咪質素唔好所以口感好差好粉不過渝味嘅大刀牛肝一洗以往小編對牛肝嘅唔好感覺！首先加埋鵪鶉蛋撈埋一齊先落鍋涮出到黎嘅牛肝又鮮又滑之餘口感仲好好 一啲都唔粉！嫌唔夠辣仲可以蘸啲辣粉 夠哂惹味！美國安格斯肥牛($208)脂肪分配平均亦唔會太多 肉質相當鮮嫩 且牛味好濃郁鮮黃喉($99/ 份)十分爽口 而且夠晒大條 滾完都唔會搵唔番～左：極品鵝腸($87/份)；右：曉宇嫩牛肉($81/份)鵝腸痴住啲膏 同樣爽口；嫩牛肉非常鮮滑 涮完一啲都唔會un 正！怕太辣咩？店家貼心提供清潤糖水潤一潤喉！兩口子亦各自點左杯洛神花茶($18/杯)解解辣甜酸度適中 解辣一流～另外兩口子仲點左道甜品--紅糖糍粑($69/