尚蓮越泰餐廳

营业中

休息中

有frd推介呢間位於東涌既泰國餐廳，聲稱係全港最好飲既冬陰功湯lol，好奇心驅使我地去左試下，一去到見到佢環境都幾好，地方寬敞又有日光坐得幾舒服，食物選擇都幾多，仲有d比較少見既野食例如泰式三文魚刺身，可惜因為近排疫情太嚴峻佢哋好多食材都無，所以有幾樣我地好想試既野食都無得試有d可惜⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫海鮮冬陰功湯（2-3人份）$98｜8.5/10佢份量比我想像中少，兩人飲每人剩係分到一碗，不過味道係真係唔錯既，如果講起冬蔭功湯我第一時間會諗起Nara，佢呢間同Nara相比無咁濃味，Nara係第一啖飲落會覺得好好飲但會覺得濃味左少少，而呢間就係無咁辣比較順喉，可以好快飲完成碗炭燒泰式豬頸肉 $92｜8/10呢個都幾好食， 不過又唔可以話佢係我地食過最好食既豬頸肉，因為豬頸肉真係好多地方都整得好食泰式地道肉碎米生菜包（豬）$78｜7/10我地覺得不過不失😗好似得鹹味同辣味但唔夠酸，最好食既生菜包都係木屋🤪而且我鍾意唐生菜唔鍾意呢款生菜🥬鳳梨軟殼蟹海鮮炒飯 $98｜5.5/10我地應該叫錯左野食😵‍💫叫果兩個炒粉麵飯都麻麻地，呢個飯真係好普通，菠蘿好酸

因為住喺附近，所以已經食左呢間好多次喇～一頭半個月都要黎食一次🤣雖然有部分食物係伏伏地，但係其他既都好好味嫁！係到推介幾樣好味既菜式比大家：1. 海鮮冬陰公湯好香濃既湯，而且料好足，食極都仲有海鮮😋底下有個小小既爐，一路keep住煲湯熱辣辣，加分！2. 原個椰青海鮮焗飯呢個好味到我全家都爭住食最後一啖🤣佢d椰汁好香，炒飯粒粒分明，而且同樣係勁多料！有青口、蝦、帶子、魷魚，感覺海鮮仲多過飯😂食到最後仲可以刮埋d椰肉黎食～因為真係好好味，所以基本上次次去都會嗌🤤3. 咖哩黃金蛋炒大頭蝦呢個價錢係貴左d（200幾蚊），但份量好大嫁，3-4個人都夠食。大頭蝦好大隻，而且唔霉，再加埋有蛋既咖喱，撈飯一流！餐廳仲好貼心咁提供蟹鉗夾，方便食用4. 泰式魷魚粒炸蝦餅新鮮熱辣炸出黎，已經加左唔少分數～好香口，而且口感彈牙，好味！5. 泰式奶茶好香濃既奶茶～而且賣相一流，用黎打卡都好🤣其實呢到好多野飲都整得好靚，值得嗌黎飲下仲有兩樣野想介紹，但已經太多字了，所以擺張相係到算😂：

呢一間泰國越南餐廳係我同屋企人係東涌其中一間幾鍾意食嘅餐廳，佢啲泰越野食都做得好出色，今日就去左食晚餐。餐廳環境唔錯，不過枱與枱之間距離都算近，疫情期的都係用板隔開，如果闊落啲會好啲。住東涌附近啲私人屋苑出示住戶證會有折扣，可惜我呢啲住村屋就無份嚕😢兩個人叫左三樣嘢，分別係馬拉盞炒翡翠苗、牛油果芒果軟殼蟹米紙卷同埋鳳梨軟殼蟹海鮮炒飯，餐廳上菜速度都幾快，坐左一陣就有野食，馬拉盞炒翡翠苗炒得幾香，正常發揮；牛油果芒果軟殼蟹米紙卷都算係我心頭好，不過我覺得牛油果味可以再出啲，同埋我麻麻地佢入面加左紫薑片，個味太出，通常我都會夾佢出黎食就perfect！最後鳳梨軟殼蟹海鮮炒飯味道出色，海鮮同軟殼蟹都足料，配埋肉鬆落個炒飯到就令成碟炒飯昇華，炒飯旁配有新鮮菠蘿，唔算太甜但都ok，整體黎講，呢間餐廳味道有質素，價錢唔算太高，東涌想食泰國野又坐得舒服會揀呢到👍🏻