譽滿點心專門店 (已搬遷) 新店位置

以往同屋企人飲茶，多數去集團式經營嘅酒樓為主導。今次係多年來首次在點心專門店作客，對小弟來說，可以話係相當有驚喜，絕對可以有再一次作客此間小店。兩日前，同屋企人就到此間專門店作首度登訪，不需要等，就已經可以就座，店內職員嘅服務態度非常之好，未到叫點心就已經有一種賓至如歸嘅感覺。他們的茶選擇還算多，而且茶味香濃，唔會令人感到苦澀，值得一讚。到點心方面，堂食叫了八個，有韮菜角、鳳爪排骨飯、燒賣、山竹牛肉、咸水角、粉果、糯米雞及灌湯餃。自己對此店的鳳爪排骨飯予以最高評價，係小弟心目中嘅MVP!其他點心都好好味，此店乃是值得一去再去的小店！

最近放假都唔係好敢去第二區行街食飯，驚食完飯無車返屋企不過好彩我住係九龍城，大把好野食今日就一個人落街食個Late lunch，一個人食飯有個好處就係容易搵位~等都唔洗等就可以直接入去飲茶既話我有一樣點心係必叫!就係蝦餃啦~佢呢度有款叫做青芥末子母蝦餃，見到佢個外型都幾得意橫掂平時食正常款蝦餃食得多，今次一於叫呢款試下另外仲叫左個鳳爪排骨飯填補下個胃餐廳裝修幾精緻，感覺幾清新幾舒服，加上涼浸浸既冷氣，慢慢嘆點心真係人生一大快事青芥末子母蝦餃出面個粒青芥末係wasabi沙律醬黎既，配合蝦餃一齊食又的確味道幾新鮮開頭仲驚個wasabi味會好勁好搶，佢溝左沙律醬落去反而配合得啱啱好蝦餃皮幾煙韌彈牙，最怕食到啲皮蒸到爛哂~蝦肉爽口新鮮，大大隻蝦肉鳳爪排骨都幾大份量~有兩隻鳳爪同十粒排骨，差唔多係平時既一倍呢個份量都只係收$28，仲想點?排骨同鳳爪都好入味，肉質好鬆軟，帶少少肥肉增加口感，勁好食!食得飽之餘味道又幾好，都係$58埋單 (每位收$4茶錢)，下次帶埋老媽子黎飲茶先!!

星期日又到九龍城尋食，上次到訪因人太多放棄了，今日趁早市完結又未到午市時間來，果然找到窗邊好位置。兩人點了6款點心，先來蝦腸，蝦味比較淡但算爽口，皮是軟軟QQ的那種鳳爪排骨飯，排骨及飯好吃，鳳爪一般，皮有點硬潮州蒸粉果，看圖就明白，皮很厚，可以不吃鵪春蛋燒賣，咸淡適中，熱辣辣加分黑松露水晶餃，皮薄料足，黑松露味不濃剛好，推薦相比起蝦腸，蝦餃的蝦味濃郁，爽口，皮厚度適中整體ok, 茶水夠熱，但茶味淡，若喜歡嘆茶的食客，就要考慮考慮

在九龍城工作了數年，可謂食盡曬九龍城區的大大小小餐廳。這天來到一間新開的點心專門店，經過看到裝潢設計不錯，青色牆身令人舒適，所以就到裡面試一試。不是繁忙時間放飯的我，店內不算太熱鬧也不算太冷清。我隨便坐下，連忙下單以填補肚子裡的空虛。最後我選擇了幾個自己愛食的點心和一個飯。在等候食物來到時，我感到店內冷氣太大，服務員也隨即把溫度調高，而且解釋不能關掉的原因，不過20幾30蚊的餐廳我也不會要求太多，始終我只是打工仔，吃完就走。大概八分鐘青瓜就到，後來點心飯陸陸續續到，相機食先後我也急不及待完成了他們。整體上100分我會給90分，價錢相對便宜，最主要是點心好新鮮，蒸的時候長以至熟透，在附近用呢個價錢未必食到，以後食點心飲茶會先選擇他們。