龍點心 (Eastcore)

营业中

休息中

趁住今日冇乜野做早放工，約埋阿媽去食個點心下午茶🫖呢間龍點心就係裕民坊斜對面，都好易搵😌龍點心有好多款創意點心，平時食點心食到悶，可以黎試下，有啲新意有驚喜🤩羊肚菌燉水鴨🦆🍲燉湯好足料🤩有羊肚菌、蟲草花、紅棗、水鴨、雞腳，啖湯超濃郁🤤燉湯將所有材料嘅精華聚集喺湯入邊，真係啖啖精華🤩🤤蟹粉菠菜香蝦餃🦀🦐蝦餃上面有三文魚籽，加上蟹粉同入面既粒粒蝦，成個蝦餃鮮味提升好多，入面仲有啲菠菜平衡返，食晒一籠都唔會覺得膩😋鹹蛋黃墨魚燒賣🦑非常貼心插住提示旗仔：爆汁💥果然真係！阿媽筷子一夾🥢入面鹹蛋黃醬汁咇出嚟😂食嘅時候真係要小心🤭墨魚燒賣好彈牙好有墨魚味，而且做鹹蛋黃芯好有心思👍🏻脆脆富貴紅米腸粉🦐有啲似炸両既變奏，脆得黎入面又有好多蝦肉，每啖都有蝦既鮮味🦐🦐🤤仲有三款醬汁可以俾你點，每舊都有唔同既變化👍🏻😋一口鹹水角👄呢個唔係平時食開鹹水角既味，真心有驚喜😳餡料味道有豉椒味，我覺得有少少似蒸排骨😋非常特別👍🏻鳳爪排骨飯🍚鳳爪同排骨都蒸得好腍，味道浸晒落啲飯度非常惹味😋👍🏻🤑 人均消費：～$150🤩 推薦指數：8 / 10📍 餐廳資料：龍點心 (Eastcore) (觀塘)觀塘觀塘道398-402號

星期六一起伸想飲早茶諗起上次巴士經過灣仔見到呢間新興酒樓，一於試吓! 😍😍得咗一陣終於入到去叫咗三款嘢食，燒賣都好多款，我地叫咗傳統燒賣，豬肉偏肥多，整體都可以。之後叫咗呢個類似炸蝦卷嘅味道正常一般般仲有呢個鳳爪排骨飯呢個反而有驚喜，鳳爪排骨份量唔錯，鳳爪色澤、肉質都好，飯唔乾身整體來講，餐廳裝潢特別，點心都別具特色，服務尚可，不過星期六日都一定好多人等位，所以下次想試其他點心都係平日去好了☺️

勁鐘意食點心，今次收工之後就同朋友食呢間聚吓舊餐廳裝修幾靚，有特色，配色都幾醒神鳳爪排骨飯($58)味道正正常常，好味道，排骨同鳳爪份量足夠，食落入味唔會乾👍🏻經典不敗～脆脆富貴紅米腸粉($48)特色點心，第一次食用紅米做嘅腸粉，有少少似炸両，入面係香脆嘅炸蝦餡，食落好香口，配上3款醬食好滋味👍🏻👍🏻酸菜魚鳳眼餃($42)好鐘意😍佢係味道同酸菜魚一樣，好驚喜🤩啱晒鐘意食濃味嘢嘅我黑金流沙包($38)平時飲茶必食，賣相高貴，餡料做到流心濃郁效果，推介～～一龍大滿足($68)包含幾款特色龍點心新派點心，好味又睇得👍🏻👍🏻包括有荀尖蝦餃皇、松露野菌晶瑩餃、蟹粉菠菜香蝦餃、鹹蛋黃墨魚燒賣、豌豆桃子、酸菜魚鳳眼餃，推薦～可以試晒咁多款肉鬆馬拉糕($38)馬拉糕就食得多，加咁肉鬆喺面嘅馬拉糕就第一次食，肉鬆鋪到成個包面都係😍包體鬆軟👍🏻拉絲菠蘿包($38)擺喺甜品menu嗰邊，包餡充滿芝士，確實係做到拉絲嘅效果👍🏻咸甜適中，唔會好膩，菠蘿包面好脆，唔會一咬就散晒👍🏻好味道～

🌈- 一龍大滿足 (9/10) $62- 蟹粉菠菜香蝦餃- 鹹蛋黃墨魚燒賣- 松露野晶瑩餃- 酸菜魚鳳眼餃- 蝦旬尖蝦餃黃- 豌豆桃子依個拼盤好驚喜😍每一款點心都好好食😋最特別係酸菜魚餃 雖然係偏辣🌶但勝在好夠酸菜魚味 超級特別嘅一款點心😛仲有個蟹粉餃都好出色🤩蟹粉香濃 蝦餃鮮味十足配埋上面嘅魚子 食完好似係個海度游緊水咁🥹個燒賣又係無得彈🫶🏻咬落去會爆汁⚠️然後有陣陣嘅鹹蛋黃味🍳豌豆桃子就同平時啲壽包冇太大分別整體依個拼盤好值得推介 未食過嘅可以每樣try一件😋真係驚喜唔係講笑😆🌈- 馬拉小籠包(9/10) $36啡啡地 細細粒 望落以為冇乜汁 (rhyme 咗😂)咬落竟然爆汁😛好juicy！好足肉味！兩個字 推介！🤩🌈- 鳳爪排骨飯(7.5/10) $56正常鳳爪排骨飯好大兜 飯粒都分明鳳爪同排骨都正常發揮😆🌈- 一口鹹水角(8/10) $32有別如一般鹹水角 佢上碟好似串燒咁串起左😆外皮夠脆 都好煙韌入面嘅涵相對少啲 但就唔會亞個胃咁多位😛可以試多幾款嘢食😆🌈- 大澳蝦醬鮮魷卷(8/10) $32另一道俾到驚喜嘅點心首先唔expect佢一份有咁多件🤣炸得好脆好有口感🍤入口陣蝦醬味真

11:20到達，一開始就講只得一小時用餐時間，時間有點趕，想食多兩籠飲多兩杯茶傾多一陣都唔得😒用QR code 落單環保方便一心諗住食拼盤可以樣樣都試到，點知個日所有拼盤都暫停，勁失望😮‍💨總共叫咗四款食物為咗打卡靚d，所以叫咗紫色嘅松露野菌餃，味道普通，松露味唔夠，個皮太軟無咬口第二款係鹹蛋黄燒賣，42蚊得三粒，街邊的燒賣仲太粒過佢，見到個賣相係即刻O嘴，食落仲大件事，賣相同味道跟本就同街邊燒賣差不多😠餡唔係豬肉，類似墨魚但又唔彈牙，鹹蛋黃個味完全食唔出，只係有少少黄色嘅流心响中間流出來，絕對係伏🤢第三樣係一口鹹水角，顏色打卡係勁靚，但個皮太腍唔夠脆口，個餡普普通通無特別最後係鳳爪排骨飯，係四樣之中最好嘅，56蚊唔算太大碗，但排骨份量都算多，夠入味飯粒粒分明唔會太腍點心太精緻的的骰骰，兩個女仔都覺得唔夠飽，想再叫又唔夠時間食店舖裝修很特別，不過二人枱有點迫，多幾籠點心都難放下冷氣唔夠，坐了15分鐘已經流汗🥵整體食物一般般，價錢偏貴，唔會特別想再幫襯

同事見到個籠好靚嘅點心就好想試吓但好可惜疫情嘅關係只能叫外賣 (用其他app叫)🥲無得堂食點心放題 唯有食住外賣點心放題先⭐️懷舊燒賣正常發揮 皮唔厚 好多蝦籽 好食⭐️龍蝦汁墨魚燒賣普通 堂食應該好食啲～⭐️筍尖蝦餃皇正常發揮 皮唔厚 蝦爽 好食⭐️蟹粉波菜香蝦餃蟹子凍咗少腥 個皮要立起 所以厚咗些少但堂食應該好食啲～⭐️鳳爪拼金錢肚正常發揮 夠入味 外賣都做得好好食⭐️脆脆富貴紅米腸粉雖然都係炸野 但我覺得皮唔算厚 入面炸野仲脆包著入面隻蝦都仲係爽口彈牙 好食😋⭐️厚切叉燒腸粉厚切個感覺又唔差 皮唔算厚 食肉獸表示好高興但可惜有我哋好唔鍾意食嘅芫荽🤨⭐️大澳蝦醬鮮魷卷食唔到有蝦醬味 炸野真係堂食先好叫⭐️芥末蝦球哇 呢個係咁多樣最好食嘅 芥未醬做得剛剛好👍🏻⭐️一口豆腐炸野真係堂食先好叫 外賣真係不可一不可再但有大量南瓜籽 都叫做無咁傷心⭐️鳳爪排骨飯個飯量好足 見到眼都突埋 鳳爪同排骨都好食！