八幡屋涮涮鍋

营业中

休息中

同女友行下旺角，夜晚就搵下野食，見到呢間，近期幾多正評，又見價錢好抵，又唔洗等位，就入黎食。叫左個248牛肉火鍋，加廿蚊要鴛鴦鍋，如果其中一個麻辣就要再加錢，咁我就費事加啦黎到啲牛。。。。好似放左好耐囉。真係胃口減半，出去睇有咩食，醬汁嗰度得小小野，冇辣油，冇麻醬，普通豉油蔥花之類既野。菜就有幾款，急凍食物算多，不過好多都係雪到硬既，烏冬硬到碎，腸仔硬到咚咚聲。第一輪啲肉真係 唔多掂，好彩第二輪就黎靚啲，心情都冇咁差。不過都覺得一般般，係比第一輪好啲啲囉最好食既反而係佢地啲熱食，炸饅頭，金菇，芋泥丸。到想食甜品，唔知係我眼大睇過龍，定眼細睇唔清，門口位有小許甜品，不過每樣剩2件，仲好似放左好耐咁，冇乜胃口食。去食雪糕，又係得小小選擇。。。呢間真係多謝哂

朋友超大食🤣，揀親都一定係任食。適逢大家都想食涮涮鍋，於是佢就上網搵定食乜好。佢發現「八幡屋涮涮鍋」喺社交平台上做緊宣傳活動，只要留言「半價」，就可享二人同行一人半價嘅優惠，感覺即刻抵食好多。180分鐘任食，折完大約$320一位。我哋八點鐘去到，真係有嚇一跳嘅感覺，因為好耐無見過餐廳咁爆場，簡直可以用「座無虛席」嚟形容，超級厲害啊👏。一入座嘅時候，店員就會問定要乜湯底🍲，我哋要咗壽喜燒併沙嗲湯，鴛鴦鍋要加$20。餐廳有唔少自助區域，但亦有採用QR Code落單，用手機就主要係落魚生、海鮮同肉類等食物。刺身方面，有十三款選擇🍣，質素都正常吖，而且攞盤仲幾靚。我哋要咗三文魚、赤貝、希靈魚、赤蝦同帶子等。用作打邊爐嘅海鮮會以冰鎮住，當中亦有約十款選擇。我哋要咗黃金螺🐚、日本魷魚🦑、帆立貝同青口等。鍾意食海鮮嘅話，可以任叫真係幾開心。接住落嚟係牛肉部份🐮，其實餐廳提供嘅肉唔止得牛肉，仲有豬同雞，但我哋興趣不大。我哋嗌嗰款餐附送日本和牛一碟🎌，和牛真係零舍不同，牛味特別濃，脂肪分佈平均，明顯地好食。我哋另外仲食咗兩款牛🥩，分別係澳洲M5和牛同美國牛肩胛，味道OK，而且份量多，唔會切到紙咁薄。自取

今日全日都落雨, 原本唸住帶個飛左成10個鐘黎香港玩一個禮拜嘅fd掃街>放棄>Plan 2>All u can eat😋. 可能好耐無行旺角又或者無留意, 瓊華對出嘅彌敦道竟然開左條新嘅馬路!!! Anyway, 樓下勁多舉牌阿姐派傳單我地, 個fd就揀涮涮鍋. >剌身•海鮮火鍋盛宴 (HKD268@)每人HKD268嘅任食剌身海鮮原來仲包場內嘅其他生料, 熟食, 壽司, 飲品... etc, 湯底有成8款揀, 加HKD20就可以*雙拼*, 我地揀左味道濃但唔油嘅壽喜燒+Collagen滿滿骨膠原豬骨湯🐽. 最正係可以坐足3個鐘, 食飽都可以唔使轉場繼續飲返杯🍻. >除左湯底用人手order. 原來🙌🏻li度落單係用WeChat或者一個叫”RicePon”嘅App落Order, 勁先進呢!! 好似我fd無買SIM卡都可以用店嘅Free Wifi👏🏻. 趁湯底未滾去睇下出面有咩特別先. >出面壽司bar有師傅即場整唔同款嘅壽司>打邊爐最好玩嘅混醬bar都十分齊全: 現切指天椒, 蒜蓉, 炸蒜, 7味粉... 👍🏻, 隔離嘅大雪櫃就放