影の鳥 (已結業)

環境5分：門口全部都係老闆Ｄ公仔同靚相，擺設好得意。新潮日式居酒屋樓面好高，燈光暗暗地有情調，吧位可以對住師傅睇住佢煮野食，側邊Ｄ卡位又闊又舒服，畀梗五分。衛生5分：枱櫈餐具好乾淨，衛生可以畀五分。服務5分：雖然係自助餐，但係服務員都會不停加茶，畀佢滿分。味道5分：1)     主食美人鍋個白色湯底好鮮甜同濃味，入面Ｄ雞肉全部都係白肉，好軟滑，Ｄ紹菜，豆腐，雜菌都好好食。2)     主食鴨肉水菜鍋係清湯底，Ｄ鴨胸有咬口，其餘Ｄ雜菜料同美人鍋一樣。3)     溫泉蛋沙律Ｄ沙律菜好爽脆，個沙律醬好嘢味，隻溫泉蛋超級滑溜冇得輸。4)     唐揚雞軟骨粒好香脆，又唔油，最啱送酒。5)     唐揚炸雞外脆肉嫩。6)     味噌湯正正常常。7)     刺身有四款，三文魚同油甘魚好鮮潤，帶子幼嫩，最正係又爽又大隻嘅赤蝦。8)     天婦羅又脆又夠乾身，海蝦最爽甜彈牙。9)     雞皮串好香脆。10)  黑豚腩串最juicy。11)  牛舌串好爽好嘢味。12)  大蔥雞肉串好香口。13)  雞軟骨串脆卜卜。14)  豚肉蘋果串係用豚肉包住舊蘋果肉，好爽好特別。15)  秋葵串好香。16

鴨肉水菜鍋-鴨肉好嫩好香，水菜好好味，湯底亦都好好飲串燒-唔會燒到好乾，雞翼、蘋果豚肉、牛舌都咁好味雞皮烏冬-必食之一，我哋加咗落鴨肉湯一齊食超級好味黑松露帆立貝沙律-好fresh，配埋串燒一齊食，好滋味

整度難 book 枱嘅影之鳥，今次我哋居然 by luck book 到 Boxing Day 🎄嘅午餐😁一於留肚勁擦！..餐廳其實唔大，以黑色為主調，無論食物定環境裝修都走一線餐廳路線，即使洗手間都提供Aesop 的梘液和 hand cream😀。飯後更送一個白色花形香囊，又靚又有taste🥰..🥢鮟鱇魚肝：甘香嘅魚肝，配上酸酸美味嘅醬汁，好好味呀🤤.🥢牛油果🥑黑松露帆立貝沙律.🥢蘋果豚肉串🍎：推介呢個蘋果卷，蘋果好甜，用豬肉片包住，非常匹配🥢雞軟骨串🥢鹽燒雞腎串🥢鹽燒牛舌：比較厚身嘅牛舌，好軟滑.🥢黃金雪場蟹卷：呢個都一定要食呀，附上一大碟蟹膏，沾蟹糕嚟食，連豉油同Wasabi都唔使落.🥢雞肉刺身：雞肉是新鮮的，帶有少少鹹味.🥢鴨肉水菜鍋：湯底有豆腐，淥完鴨肉片、水菜，最後再飲埋個湯底，好滿足.🥢九龍球：好可愛嘅甜品，似係蒟蒻球中間裝住生果，食完串燒再食呢個就好清新了

黎左呢間新開嘅影の鳥試下。餐廳主要做日式串燒，加少少其他日式料理。餐廳環境舒適，約有40個座位，有一間包廂大約可以容納8人。今次係週末去lunch, 訂左13:30呢個時間。點餐前餐廳送開胃小食，今日係暖笠笠嘅雞湯，味道剛好，坐底飲啖湯個人都醒神晒。今次食左以下呢幾樣野：1）鴨肉水菜鍋我之前係鴨鍋名縣京都嘅福之山食過當地鴨鍋非常之好食，可惜香港無乜餐廳出鴨鍋。所以呢度有即刻點黎食，味道唔錯，湯底香濃鴨肥美，配水菜一流。即使做法同福之山唔一樣，都係好味嘅。（如果鴨肉數量同厚薄都可以學下福之山嘅風味更加好😋）2）鮟鱇魚肝呢個配酸汁非常惹味，魚肝亦非常甘香3）味噌雞肝醬伴法包呢個係樓面推介我哋試，個雞肝醬不得了！好香好滑，我即頭想叫多一set包再清左個碟😜4）雞皮稻庭烏冬呢個都係樓面推介，即管試下。湯底味道係一般日式湯底風味，重點係塊雞皮。厚加爽口嘅口感，仲有雞嘅脂香，但完全無肥淋淋嘅感覺！鐘意食雞皮嘅要點黎試下。5）其餘再點左幾串串燒，有免治雞骨串，豚肉秋葵卷，黑豚腩肉咁，都好好味。題外話鴨鍋個外觀好靚，想買番個屋企自己用🧡去試嘅時候餐廳剛開業，樓面話大約係聖誕節後就會做埋weekday午