得龍大飯店 (已搬遷) 新店位置

門口盡是等入座的人潮吊著一串串的金錢雞座無虛席五日前訂座, 特意預訂金錢雞和鴨腳包, 可惜鴨腳包已截止預訂, 以為與鴨腳包無緣, 誰知入座當日店員問要不要點鴨腳包, 當然要! 原來有客訂了沒來, 感覺非常幸運。食物味道無庸置疑, 邪惡是必然。嚟到得龍, 就要豁出去。我們三人點了五個小菜和三碗白飯, 份量剛好。酸菜 $14茗茶 $12/位白飯 $12/碗蜜餞金錢雞 $40/件金錢雞係無雞㗎! 是由一塊瘦豬肉, 一塊雞肝及一塊肥豬肉組成。雞肝味道濃郁, 肥豬肉雖通透, 但不油膩。鴨腳包 $80鴨腳包以腐皮包著芋頭, 火腿, 肝等材料, 味道濃郁, 口感豐富。與金錢雞相比, 我較喜歡鴨腳包。山楂咕嚕肉 $100上菜即嗅到山楂的味道, 整體來說就是酸甜開胃。柚子蜜煎金蠔鍋巴 $98金蠔味濃, 甘香厚實, 米通脆卜卜, 兩者同吃, 更為搭配。得龍小炒皇 $118小炒皇有魷魚, 銀魚, 蝦米, 腰果等材料。份量略少, 價錢略貴。小插曲: 落單後, 不要掛住傾偈聚舊, 我們三人不知不覺傾咗40分鐘, 見隔離枱遲入座都上菜了, 我們甚麼也沒來。跟單後發現, 原來姐姐無幫我哋落單, 真係餓壞寶寶了。

今天是同事last day,大夥人相約去新蒲崗得龍大飯店為同事舉行farewell party. 一入到飯店，就感受到濃厚的懷舊氣氛。店內掛了不少大紅燈籠🏮，感覺像時光倒退般，充滿古色古香。 大家坐好後，就開始看menu. 我們選了不少菜式，有山楂咕嚕肉。咕嚕肉份量多,而且味道濃烈，十分好味。其後，我們叫了雞蛋焗魚腸。魚腸吃下去沒有腥味，但味道較淡。另外，同事亦提早訂了古法太爺雞。由於雞是預先煙燻過，所以味道比其他烹調方式特別。再者，雞肉嫩滑，咬下去處處都是雞肉，味道一流！除了太爺雞外，我們也預訂了鴨腳包。鴨腳包賣相精緻，味道香濃，只是略嫌有少許羶味。我們另外還點了魚湯時菜浸魚腐，味道普通，沒什麼驚喜。其次，我們也點了大良炒牛奶。奶味濃郁，而且香甜，值得推介！最後，我們點了蝦籽炆柚皮。柚皮的外層做得很柔軟，但由於本人對柚子一般，所有對這評價普通。總拾而言，食物外表精緻，而且味道濃郁，值得推介！

飯腳搞得龍局,本來去的意欲不大,始終他們水準不太穩定,間中有失手,雖然價位親民,但也不想失望而回. 不過見今次很多老朋友都有報名,就當普通飯局聚頭,不要抱太大期望就是. 收到菜單都沒有仔細看,就出什麼,吃什麼好了. 前菜三款有麻香手撕茄子,很有花椒香味的汁醬被茄子吸收了,十分好吃. 妙製小黃瓜賣相不錯,雖然只要一個器材做這螺絲的形狀出來,一點也不難,但就是那份心思,能令平平無奇的青瓜賣相吸引,帶酸甜的味道很開胃. 最後的金沙魚皮就是咸蛋黃魚皮. 看上去好像見不到咸蛋黃漿,但吃下去是很香的咸蛋黃味道,沒有過咸,薄薄的包著香脆的魚皮,絕對比新加坡的包裝貨色好吃百倍!!我們最期待的金錢雞和鴨腳包出來了!!! 提起得龍就必定會把這個店名和金錢雞鴨腳包連在一起! 他們的金錢雞的確做得好,冰肉爽不油膩,黃沙潤甘香,就是叉燒有點乾,不過一口吃下去那個滿足感又是不能言喻,加上小片酸薑可以解膩,罪惡感即時減低! 還有我喜愛的鴨腳包,其實我最喜歡就是包裹著的鴨腸,煙煙韌韌好吃. 桃脂黑蒜螺頭燉雞湯料豐富,燉出來的湯很清甜加止黑蒜味道更香甜. 上湯焗大蝦淮山麵大家反而對配角淮山麵更有興趣. 淮山麵麵質爽身,

傳統飯店，雖然很多人認為水準下降，但路經新蒲崗，還是值得來一趟懷舊晚宴。下午未夠六點在新蒲崗搵食，走到得龍，收銀姐姐熱情招呼內進坐下，坐到六點點菜。在沒有預訂的情況下，點了鴨腳包、太爺雞、大良炒鮮奶、椒鹽魚咀、咕嚕肉、砂鍋脆米炒飯（得獎菜式）。鴨腳包風采依然，點了兩件，已剪成細件上桌，非常細心。太爺雞煙燻味道濃郁，感覺咸了點，也可能是個人口味偏淡的原故。大良炒鮮奶沒有過多的油份，師傅功力之作。椒鹽魚咀炸粉太厚，太乾身。咕嚕肉很酸，已無昔日水準。得獎的砂鍋脆米炒飯咬口特別，老爺子話此炒飯的咬口來自脆米，個人不太喜歡，但未食過的絕對值得一試。

今晚我們去咗新蒲崗嘅「得龍大飯店」食晚飯！我們叫咗蓮藕煲瘦肉湯、鴨腳包、蜜餞金錢鷄、炸鮮奶拼燒鱔、順德鐵板煎釀鯪魚、砂鍋扣肉脆米炒飯、鷄蛋焗魚腸同啫啫芥蘭煲！蓮藕煲瘦肉湯嘅味道過鹹，無乜瘦肉嘅味道！鴨腳包係由鵝腸包住鴨腳、叉燒粒、鷄膶同豬腩肉組合而成，口感相當特別，味道非常香甜！蜜餞金錢鷄係由鷄膶、叉燒、豬腩肉同薑組合而成，層次感十足，口感非常豐富！炸鮮奶拼燒鱔嘅燒鱔燒得非常香脆，肉質亦相當嫩滑彈牙！係本人嘅必食推介！順德鐵板煎釀鯪魚嘅鯪魚肉雖然肉質彈牙，但炸得唔夠脆，再加上醬汁同鯪魚肉嘅味道唔係太夾，有怪怪嘅感覺！砂鍋扣肉脆米炒飯嘅炒飯加咗脆米同扣肉一齊炒，炒到粒粒分明，味道非常香脆同香口！鷄蛋焗魚腸煮得過火，鷄蛋一啲都唔嫩滑，係硬實實嘅！啫啫芥蘭煲嘅味道超鹹，芥蘭亦煮得唔係太熟！

事前做好功課,所以訂位時已預訂了金錢雞和鴨腳包想不到就是這兩道菜最先出場。因為和爸媽吃,所以金錢雞每人半隻就好了。 爸爸說金錢雞現已不常見,它是由叉燒,雞潤,肥肉等製成。肥膩的口感實在令人滿足！接著就是鴨腳包,也不常見。由叉燒,去骨鴨腳,鴨肝,芋頭等製成,製作亦非常繁複。這個我也很喜歡！雞蛋焗魚腸,這是我第一次食魚腸,想不到這麽失望,好像只是在食雞蛋…山渣咕嚕肉ok,這個因為用山渣的原固,酸酸的,頗開胃。粟米石斑塊,它的粟米汁是分開上,吃時才淋上斑塊,所以能保留脆卜卜的。另外還叫了碟蝦,沒想到價錢都不平,但會小得可憐,而且味道平凡…和正常的菜一碟。最後送上的紅豆沙,因為之前d菜式份量都沒有填飽,所以大家都整碗喝了。總括這餐飯真的又貴又唔飽,除了頭兩道菜“金錢雞和鴨腳包”有驚喜,其他只是普通而已”補充：沒有加一,但有茶介$11/位

一行9人去湊熱鬧，找來了蠻特別的手工懷舊菜已經一早訂好檯，點知…. 只係變左好似eligible 咁開始等位咁@@Book 左7:30，已經7:15 到達，點知要一班人要排隊等到8點幾先有位，咁究竟同唔book 有咩分別呢?!有兩味係需要一早預訂先有得食一早預訂(一)朋友說是必食推介之一這疑似係一個好變態的三層高脂組合第一層係蜜汁叉燒，叉燒嫩又蜜汁燒，好甜呢第二層係雞肝，一睇就食唔落第三層係冰肉，即肥豬肉。。。太晶瑩剔透!! 一早預訂(二)烤過既鴨腳皮包著芋頭同埋叉燒很有質感，絕對係手工菜，味道亦好不錯為左可以試多d 菜式，我們只叫了半隻一試好嫩滑既雞肉基本上係我最愛的了牛奶超滑又香濃，一d 都唔酥味賣相雖然散亂，但味道也不錯好香既酒味蠔亦好大隻又juicy完全感覺唔到山楂味感覺同普通咕嚕肉無咩分別，不過真的好外脆內嫩，手工好難得無咩青草味，而且菜苗好爽口同蝦一齊蒸，糯米飯好香不過蝦就無咩肉啦飯後送上甜品，有兩款紅豆沙覺得幾甜，而且好水做唔到「沙」既融合感紅棗桂花糕賣相普通，不過紅棗與桂花配合得不錯，好清甜又清爽好難得又特別既懷舊菜，值得推介!!~

隨著時代變遷，現代人利字當頭，利潤講求最大化，懷舊菜花工夫、費時間，卻賺不到錢，自然被時代洪流吞沒淘汰，現在只有零星數間飯店仍供應懷舊菜，得龍便是當中的表表者。這天跟豬朋狗友們一行六人，帶著對米芝蓮一星店的期盼，遠道而來。前菜四季豆爽脆，沒有豆腥味，還未點菜已被吃清光。有兩款懷舊菜必須預訂，其一為金錢雞，其二為鴨腳包。從前在蓮香樓吃過金錢雞，得龍做的豬膏較厚身，較蓮香樓更好吃，豬膏，雞肝，叉燒，薑片一層疊一層，享受着豬膏的脂香，雞肝的甘香，叉燒的蜜香及焦香融和一起味道，膽固醇這三個字早已拋諸腦後。鴨腳包由鵝腸包裹着叉燒，雞肝，腩肉，鴨腳等掃上麥芽糖漿去燒，這是我第一次接觸這道懷舊菜，鵝腸煙韌，不過吃的時候注意有鴨腳骨。個人而言，還是比較喜歡金錢雞的味道。友人們皆對古法太爺雞的味道極為欣賞，雖然貌似普通的豉油雞，卻散發出帶有淡淡茶香的煙燻味，雞件嫰滑，再沾少許薑蓉同吃，豉油味，煙燻味及薑蓉味在口腔內混合迴盪，真教人回味無窮。大良野雞卷以肥豬肉捲着瘦肉及火腿去炸，有些寡口，蘸些甜酸汁可減油膩，而且味道更佳。平日吃咕嚕肉總是覺得醬汁有點嗆喉，但這個山楂咕嚕肉卻沒有這個問題，酸甜適中，咕嚕肉帶

一些舊式餐廳,特別想找屋企人一齊去,因想一起回味一下懷舊酒樓的色彩,可惜老人家,不是糖尿,便是膽固醇困擾,想和家人去,真的是幻想.朋友生日,搞了兩圍,地點是-得龍大飯店. 嘩,太好了,一班人食野還可以吃到不同款式,而且menu都是得龍的出名名菜,今晚就來品嚐一下.剛由新蒲崗某新大型商場穿出來來到得龍,真的覺得時光倒流來到八十年代的大飯店一樣,如飯店的門牌,飯店的格局,飯店的碗具都是八十年代小時候的模樣.心想,如果這一刻的我,回到八十年代,天天得到父母的寵愛,不需工作,只需返學讀書真是多麼的好呀! 可惜......都是返回現實吧!今晚朋友生日,開了兩圍,菜單上也是得龍的熱門名菜,第一碟是1)鴨腳包看到這名字,請不要以為是叉燒包的朋友,是一個圈物. 內裏圈著叉燒,芋頭,火腿...... 這些懷舊美食,真的是老師傅才創作出來.2)金錢雞不好以為金錢雞是雞一隻.金錢雞是燒雞肝和蜜汁叉燒拼在一起,叉燒不是瘦瘦這種,內裏也有肥豬肉,加上蜜餞汁,真的一流. 幸好是和朋友來吃,如和家人來,他們見到我吃得那麼滋味,我也不好意思.3) 皮蛋涼瓜起初還以為一條條的只是普通酸瓜而已,原來這一條條是涼瓜. 嘩,

以懷舊菜出名的，香港地還有好幾家，「得龍大飯店」是其中佼佼者，其招牌菜有金錢雞、太爺雞、山楂咕嚕肉。還有許多菜列為鎮店之寶，猛打星星，而店在新蒲崗一條窄橫巷康強街，其出品是否真的能吸引食客呢？我們七個神秘人，預早訂好菜單，希望盡量試一下他的招牌菜。1. 蜜餞金錢雞是必吃，還要預定。端了上來，頗為細份，不過這類肥膩食物，人人都好奇，但都怕吃，小份量是最合適。它是用叉燒、透明肥豬肉夾一片雞肝，賣相閃爍、豬肉透明，好看極了。友人保羅吃了，覺得非常可口，謂夾著一塊蘿蔔，很爽口，我告訴他這是肥豬肉，他瞪大眼吃一驚，三片肉就已構成三高之患了，故此少吃可怡情，多吃要見醫生了。此肉入口，有肝的潤香、肥豬肉的甘、叉燒的甜，打嚮第一炮，是上品。話說回來，此品與蓮香相比，蓮香的份量大，大片肝、大塊肥肉，較存舊貌。得龍則精緻，一口份，而且味甜爽脆，肝配肉，肥肉小切，份量不嚇人，比較聰明，多吃一份還可以，故以此處為優勝。2. 鴨腳包也是賣點，環顧香港，有此菜式的，不多了，然稍覺皮硬，包的肉也分不出是什麼，沒什麼特色，且有點難吃之感。3. 古法太爺雞算是全晚高蜂。雞肉入口嫩滑，保持煙薰味。時下雞，一是肥大但沒雞味

金錢雞,鴨腳包,焗蓮蓉西米布甸,唔訂就冇得食,一場去到點可以唔試最出名嘅呢 好濃味,個蜜汁好好味,肥豬肉+豬肝,好特別味道好好,好精緻,不過都係有大舊肥豬肉糯米飯好乾身,好味,係d蝦差d超好味,肉唔多粉,夠脆,個汁啱啱好凍食,食到酒味&梅味,好特別焗蓮蓉西米布甸...唔會太甜,好味

引言︰失蹤人口離奇現身，仲要係大壽日子，緊係要諗諗食乜好。大壽既選擇係中餐，好唔簡單就決定左黎得龍，電視節目介紹左N次，堅係想黎食好耐，就今次攪大壽黎呢到食。食物︰鴨腳包，係今次我覺得最好的一款，除左有第一次食既驚豔，味道其實都好唔錯，餡料有叉燒，肝，同鴨腸，食落層次真係幾豐富。當然睇睇餡料都知呢舊野同另一名物金錢雞一樣邪惡，不過真係好唔錯。舊野又邪惡，又唔係到到有得食，一場黎到真係要試試。金錢雞，叉燒同冰肉都夠爽脆，好有咬口。雞肝就有點滯，三個味都做得好平均，好食的。早前係澳門8餐廳食過的鵝肝金錢雞，個人就更為喜歡，可能鵝肝比雞肝更吸引吧。佛跳牆，係失蹤人口指定要食的，四人份量料都一大兜，應該都夠足料，味濃濃，不過我真係唔識欣賞亦唔識咩係佛跳牆，唔再多講。脆鱔炸奶，有兩款炒奶，一係炒牛奶一係炸奶，今次試左個炸鮮奶，炸得幾唔錯，皮薄薄，入面奶又剛好，好食的，出奇的係非常配合自帶的甜酒。鱔真係好脆，脆得有點過份，不過乾身了點，食落真係麻麻地。咖哩牛尾，好似係到食有點混吉，不過今次就混左個驚喜，牛尾膠膠地，帶點鹹香，冇俾咖喱味蓋過，真係幾好味。咖喱就真係唔好當食印度式咖喱，個味係預計得到的

三位同事的慶生日期相近，大家計劃一個慶生飯局，原來建議的地點也是吃中菜的餐廳，因為地點有點不方便，我當然把握了這個機會，建議大家到公司附近的得龍大飯店，來一次懷舊美食之旅。這個飯局真是一波三節，首先先要說服大家吃懷舊菜式，當然有人會覺得肥豬肉、雞肝等等的膽固醇有點過高，也有同事雀躍萬分的期待著，預定座位、預訂菜式等等，又要兼顧各人口味，又要預計大家時間，想著萬事俱備，一心只要等吃，豈料...到了那天，又有突發的事，大家比預定的時間等了好一陣子，這個飯局才正式開始。店面是和一般吃燒味的茶餐廳無異，牆上貼滿了菜式介紹及雜誌報導等的show-off。星期五的晚上，如果沒有訂座，要找一席位是有點難度。比原定時間遲了半個多小時才開席，同事已經叫嚷著肚子餓。先點了燒味拼盆，好讓大家先有點吃的打打底。不消一會已經好像蝗蟲經過沿線，一件不留。我吃了一件不知是燒鵝還是燒鴨，胸部位置，肉非常厚實，還不錯吃。預訂的金錢雞，可按人數喜愛續件預訂。金錢雞不是用雞做的，材料只有雞肝是雞的一部分，其他分別是梅頭(半肥瘦)叉燒，薑及薄薄的冰肉(肥豬肉)，把所有材料先裁成金錢的圓形，層層疊疊的用金屬針串起已預先醃製的食

尋日(22-5-2010 Sat)終於扯到爸爸一齊出街食晚飯,臨時臨急打電話o黎book三人枱,好彩重有枱,同預訂o左3件金錢雞,鴨腳包.我同爸爸一切出發,男友就自己前往,佢早o左3個字到,我叫佢先坐低睇吓menu有咩食.我同爸爸準時就去到,見佢坐o係最入o既卡位,睇menu,我o地叫埋其他菜色,叫完後,佢o地就會自動送上已訂o既1.$22.00一件o既金錢雞三件金錢雞有叉燒,雞肝同冰肉,個樣好靚,影完相我o地就唔客氣喇,但一夾即三件散晒,已經食o左o既男友叫我唔好分開食,要三件一齊食,咁我要o係個碗內重整,好,一啖咬落去.好鹹呀!蜜汁o既甜味唔係咁食得出,不過感覺唔到冰肉o既肥膩感.味道: 3分2.$49.00o既鴨腳包一碟四件,一眼睇出有芋頭,其他要食o左至知,個皮同樣好鹹,似煙肉o既口感,包裡面重有叉燒,燒腩,肝同少少鴨腳,芋頭未夠腍,其他材料o既味道幾乎食唔出,因為都只被一個鹹字蓋過晒.但覺得金錢雞好味啲.味道: 3分食過兩個特別頭盤後,到3. $80.00o既蝦籽炆柚皮印象中我都好似未食過,所以都叫o黎試吓,柚皮好厚,食落腍晒多汁冇渣,但原來味道係唔係唔好食,爸爸話柚皮係咁o

本應自己好想食盤菜, 打算湊夠一大堆同事, 以"團年"之名想約哂佢地. 可惜, 今次人數唔夠, 得9件; 二來最就腳又有d 名氣嘅盤菜食肆"得龍", 又淨係做外賣. 卒之, 就整返餐懷舊菜黎做團年啦~Book定枱, 訂埋金錢雞, 鴨腳包, 同佛跳牆. 而金錢鱔, 荔芋鴨煲就冇再做. 今次同佢地緣慳一面. 九位同事, 5男4女... 最後叫左...古法金錢雞 x 5's鴨腳包 x 3's佛跳牆 $488山楂咕嚕肉煙燻太爺雞 半隻魚湯肉碎翡翠苗梅菜扣肉啫啫芥蘭豉椒鵝腸大腸拼脆鱔 x 11's焗西米布甸紅豆沙 & 桂花糕 free金錢雞係呢度嘅名物. 鳳肝配上一片燒得香口嘅豬油, 加上蜜汁, 油而不膩, 非常甘香. 不過, 食半件好喇. 家下唔及以前咁有quota. 鴨腳包比較平庸. 被咸肉卷著的有芋頭, 鴨腳, 火腿, 肥膏, 等等.. 以上材料炮製出黎嘅味道, 要同金錢雞比當然有d 唔公平. 見好多人預訂佛跳牆, 就要了一個大盅. 可惜, 味道稍淡, 欠了一份足料海味帶出來嘅味道. 火喉同味道皆欠奉. 湯料亦不夠, 翅碎, 金華火腿亦不見很多, 更遑論其他名貴海產. 反而, 山楂咕嚕肉